ଗାଡିରେ ବସି ଯାତ୍ରା କରିବା ସମୟରେ ନିଦ କାହିଁକି ଲାଗେ?

ଆପଣ କେବେ ଭାବିଛନ୍ତି ଏତେ ଜୋରସେ ହୋ ହାଲା ଭିତରେ ବି ଗାଡିରେ ବସି ଯାତ୍ରା କଲେ ନିଦ କାହିଁକି ଆସିଥାଏ। ଯେତେବେଳେ ଲୋକେ ଘରେ ରୁହନ୍ତି ସେତେବେଳେ ଶୋଇବା ପାଇଁ ବହୁତ ନିୟମ ବାହାର କରନ୍ତି। ଯେମିତିକି ଶୋଇବା ପାଇଁ ଭଲ ଚାଦର, ତକିଆ,ଗଦି। ଯାହାଦ୍ୱାରା ଭଲ ନିଦ ହୋଇପାରିବ ଓ ଶାନ୍ତିରେ ଶୋଇପାରିବେ। କିନ୍ତୁ ଘରେ ଟିକେ ବି ଆଓ୍ଵାଜରେ ଆମେ ଉଠିପଡନ୍ତି। କିନ୍ତୁ ଆପଣ ଲକ୍ଷ୍ୟ କରିଥିବେ ଯେ ଯେତେବେଳେ ଆମେ କାର, ବସ୍‌ କିମ୍ବା ଟ୍ରେନରେ ବସନ୍ତି ସେତେବେଳେ ନିଦ ଲାଗିଥାଏ। ସେହି ସମୟରେ ନା ଭଲ ବିଛଣା ଥାଏ ନା ଲାଇଟ୍‌ ଅଫ୍‌ ଥାଏ ତଥାପି ଗାଡିରେ ବସି ଯାତ୍ରା କଲାବେଳେ ନିଦ ଆସିଯାଏ। କଣ ଆପଣଙ୍କୁ ବି ଏମିତି ଗାଡିରେ ବସି ଗଲାବେଳେ ନିଦ ଆସିଯାଏ। ତେବେ ଆପଣଙ୍କ ମନରେ କେବେ ପ୍ରଶ୍ନ ଆସିନି ଯେ ଏମିତି କାହିଁକି ହୋଇଥାଏ। ଆଜି ଆମେ ଏ ଭିଡିଓରେ ନେଇଆସିଛୁ ଏହାର ଉତ୍ତର।

କାର କିମ୍ବା ଟ୍ରେନରେ ନିଦ ଆସିବାର ଅନେକ କାରଣ ରହିଛି। ଅନେକ ଲୋକ ଏହା ମାନନ୍ତି ଯେ ଯେତେବେଳେ ଆପଣ ଯାତ୍ରା କରନ୍ତି ସେତେବେଳେ ମସ୍ତିଷ୍କ ଶାନ୍ତ ରହିଥାଏ ଏବଂ ମନ ଶାନ୍ତ ହେବା କାରଣରୁ ଆପଣଙ୍କୁ ଭଲ ନିଦ ଆସିଯାଏ। ଏହାସହିତ କୁହାଯାଏ ଯେ ପବନ ବାଜିବା କାରଣରୁ ନିଦ ଆସିଥାଏ।

ରକିଙ୍ଗ ସେନସେସନ୍‌ ବା ଢ଼ୁଳାଇବା ବି ଏହାର ଗୋଟେ କାରଣ। ଗାଡି ଯେହେତୁ ଗତିଶୀଳ ଥାଏ ତାହା ହଲିଥାଏ। ହଲିବା କାରଣରୁ ଢ଼ୁଳ ଆସିଥାଏ। ଆପଣ ଲକ୍ଷ୍ୟ କରିଥିବେ ଯେ ଛୋଟ ପିଲାଙ୍କୁ ହଲାଇଦେଲେ ସେମାନଙ୍କୁ ଜଲଦି ନିଦ ଆସିଯାଏ। ଆଉ ଯେତେବେଳେ ପିଲାକୁ ନିଦ ଆସିନଥାଏ, ସେତେବେଳେ ଛୁଆକୁ କୋଳକୁ ନେଇ ହଲାଯାଏ। ଯାହାଦ୍ୱାରା ଛୁଆକୁ ଜଲଦି ନିଦ ଆସିଯାଏ। ଠିକ୍‌ ଏମିତି ହିଁ ଯେତେବେଳେ ଗାଡିରେ ବସିବାବେଳେ ଆପଣଙ୍କ ବଡି ହାଲକା ହାଲକା ହଲିଥାଏ ତେଣୁ ଆପଣଙ୍କୁ ନିଦ ଆସିବା ଆରମ୍ଭ ହୋଇଥାଏ।

ତେବେ ଏଇଠି ପ୍ରଶ୍ନ ହଲିବା ଦ୍ୱାରା କାହିଁକି ଆସିଥାଏ ନିଦ? କାହିଁକିନା ଯେତେବେଳେଆପଣ ହାଲକା ହାଲକା ଗୋଟିଏ ଫ୍ଲୋରେ ହଲିଥାନ୍ତି, ତାକୁ ରକିଙ୍ଗ୍‌ ସେନସେସନ୍‌ କୁହାଯାଏ। ଏହାଦ୍ୱାରା ଆପଣଙ୍କ ମସ୍ତିଷ୍କ ଉପରେ ସେଙ୍କ୍ରୋନାଇଜିଙ୍ଗ୍‌ ଇଫେକ୍ଟ ପଡିଥାଏ ଏବଂ ଆପଣ ଧିରେ ଧିରେ ସ୍ଲିପିଙ୍ଗ ମୋଡକୁ ଚାଲିଯାଆନ୍ତି। ଏହାକୁ ସ୍ଲୋ ରକିଙ୍ଗ ବି କୁହାଯାଏ।

କୁହାଯାଏ ଯେ ଏହାଦ୍ୱାରା ମସ୍ତିଷ୍କ ବି ଶୋଇବା ପାଇଁ ଇଚ୍ଛା ପ୍ରକାଶ କରିଥାଏ ଏବଂ ଧିରେ ଧିରେ ନିଦ ଆସିଯାଏ। ଏହାବ୍ୟତୀତ ଏହାକୁ ନେଇ ଏକ ରିସର୍ଚ୍ଚ ମଧ୍ୟ କରାଯାଇଥିଲା। ଯେଉଁଥିରେ ଲୋକଙ୍କୁ ଅଲଗା ଅଲଗା ଭାବେ ବେଡରେ ଶୁଆଇଦିଆଗଲା, ଏଥିରେ ଏହା ସାମ୍ନାକୁ ଆସିଲା ଯେ ଝୁଲା ଭଳି ହଲୁଥିବା ବେଡରେ ଯେଉଁମାନେ ଶୋଇଥିଲେ ସେମାନଙ୍କୁ ଜଲଦି ନିଦ ଆସିଗଲା। ତେଣୁ ଖାସ୍‌ କରି ଏହିସବୁ କାରଣରୁ ହିଁ ଯାତ୍ରା ସମୟରେ ନିଦ ଆସିଯାଏ।