photo: the better india
୨୦୧୧ରେ ନୂଆଦିଲ୍ଲୀରେ ରହୁଥିବା ପୂଜା କଣ୍ଠ ଏକ କର୍ପୋରେଟ କମ୍ପାନୀରେ ପ୍ରଶାସନିକ ଅଧିକାରୀର ଚାକିରି ହଠାତ୍ ଛାଡ଼ି ଦେଇଥିଲେ। ସେ ନିଜ ପ୍ରଥମ ସନ୍ତାନକୁ ଜନ୍ମ ଦେଇଥିଲେ ଏବଂ କାମରୁ ବିରତି ନେବାକୁ ନିଷ୍ପତ୍ତି ନେଇଥିଲେ। ସେହି ସମୟରେ ସେ ଏବଂ ତାଙ୍କ ପରିବାର ଦିଲ୍ଲୀ ନିକଟସ୍ଥ କରାଲା ଗାଁରେ ରହୁଥିଲେ। ୪୩ ବର୍ଷୀୟା ପୂଜା କୁହନ୍ତି, କିଛି ବର୍ଷ ଧରି ଘରେ ରହିବା ଏବଂ ନିଜ ପିଲାର ଲାଳନପାଳନ ପରେ ମୋତେ ପୁଣିଥରେ କାମରେ ଯୋଗଦେବାକୁ ଇଚ୍ଛା ହୋଇଥିଲା। କିନ୍ତୁ ମୁଁ କର୍ପୋରେଟ ଲାଇଫ୍କୁ ଆଉଥରେ ଫେରି ଯିବାକୁ ଚାହୁଁ ନ ଥିଲି। ଏହାରି ଭିତରେ ମୁଁ ଦେଖିଲି କି, ଗାଁର ଅନ୍ୟ ମହିଳାମାନେ ଚାକିରି ଖୋଜାଖୋଜି କରୁଛନ୍ତି। ଏଥିପାଇଁ ମୁଁ ନିଷ୍ପତ୍ତି ନେଲି କି, ସେମାନଙ୍କୁ ବି ରୋଜଗାର ଦେଇ ନିଜର ଜୀବନଯାପନ କରିବି।
ଆଉ ଆଜି ପୂଜା ‘ପୂଜା କି ପୋଟଲି’ ନାଁରେ ଏକ ଅନଲାଇନ ପ୍ଲାଟଫର୍ମ ଚଳାଉଛନ୍ତି, ଯାହା ମାଧ୍ୟମରେ ସେ ଝୋଟ ଏବଂ କାଠନିର୍ମିତ ହସ୍ତଶିଳ୍ପ ସହ ହସ୍ତନିର୍ମିତ ମାକ୍ରାମୀ କଳା ବିକ୍ରି କରୁଛନ୍ତି। ନିଜର ହିଁ କମ୍ପାନୀରେ ପୂଜା ୨୫ରୁ ଅଧିକ ମହିଳାଙ୍କୁ ରୋଜଗାର ଦେଇଛନ୍ତି। ଏହି ଟିମ୍ ପ୍ରତ୍ୟେକ ଦିନ ୧୫୦ ଅର୍ଡର ପାଉଥିବା ବେଳେ ଲକ୍ଷାଧିକ ଟଙ୍କା ରୋଜଗାର କରୁଛି। ପୂଜା କୁହନ୍ତି କି, ସେ YouTubeରେ ଭିଡିଓ ଦେଖି Macrame କଳା ଶିଖିଲେ। ସେ ଏହାକୁ ଏଥିପାଇଁ ବାଛିଲେ, କାହିଁକି ନା, ବହୁତ କମ୍ କମ୍ପାନୀ ଏହି ହସ୍ତଶିଳ୍ପ ବନାଉଥିଲେ। ତେଣୁ ସେ ଗୋଟିଏ ହିଁ ଶିଳ୍ପର ଅଲଗା ଅଲଗା ଡିଜାଇନ ତିଆରି କରିବାକୁ ଏବଂ ଏହାକୁ ଶସ୍ତା ଦାମ୍ରେ ବିକ୍ରି କରିବାକୁ ଚାହିଁଥିଲେ। ଆଉ ଏହା ବି ତାଙ୍କର ଏକ ଭଲ ସଉକ ବୋଲି ପୂଜା କହିଛନ୍ତି।
ସ୍ଥାନୀୟ ଦୋକାନରୁ ପୂଜା ଝୋଟ ସୂତା କିଣୁଥିଲେ ଏବଂ ପ୍ରତ୍ୟେକ ଦିନ କିଛି କିଛି ଘଣ୍ଟା ପ୍ଲାଣ୍ଟର୍ସ, ବଲ୍ ହ୍ୟାଙ୍ଗର ଓ ଅନ୍ୟାନ୍ୟ ଜିନିଷ ତିଆରି କରୁଥିଲେ। ପୂଜାଙ୍କ କହିବା ହେଲା, ଗଣ୍ଠିଯୁକ୍ତ ସୂତାରୁ କେହି ବି ଏଥିରେ ମଣ୍ଡଲା ପ୍ୟାଟର୍ନ, ଡ୍ରିମ୍ କ୍ୟାଚର, ଏପରିକି ହ୍ୟାଙ୍ଗିଙ୍ଗ୍ ଷ୍ଟାଣ୍ଡ ବନାଇ ପାରିବ। କେବେ କେବେ ସେ ଏହାକୁ ସାଦା ସୂତାରେ ଡିଜାଇନ କରିଥାଆନ୍ତି, ନଚେତ୍ କାଚର ମୋତି ଏବଂ ରଙ୍ଗୀନ ପଥରରେ ସଜାଇ ଥାଆନ୍ତି। ପୂଜା ନିଜ ପଡ଼ୋଶୀମାନଙ୍କୁ ମଧ୍ୟ ଏହା ବିଷୟରେ ବୁଝାଇଥାଆନ୍ତି। ଯଦି ସେମାନେ ଏଥିରେ ଆଗ୍ରହ ଦେଖାନ୍ତି, ତ ସେ ସେମାନଙ୍କୁ ବି ଶିଖାଇ ଥାଆନ୍ତି। ପୂଜାଙ୍କ କହିବା ଅନୁସାରେ, ପ୍ରଥମେ ସେ ଏକ ଛୋଟ ଷ୍ଟୁଡିଓ ଆପାର୍ଟମେଣ୍ଟରେ ନିଜର ବ୍ୟବସାୟ ଆରମ୍ଭ କରିଥିଲେ। ୨୦୧୫ ସୁଦ୍ଧା ସେ ଶିଳ୍ପରେ ଦକ୍ଷତା ହାସଲ କରି ନେଇଥିଲେ ଏବଂ ଅଫିସିଆଲ ଭାବେ ଏକ କମ୍ପାନୀ ବି ଲଞ୍ଚ୍ କରିଥିଲେ। ପୂଜାଙ୍କ ସ୍ୱାମୀ ସୁଭାଷ କୁମାର କୁହନ୍ତି, ଆମେ କଞ୍ଚା ମାଲ କିଣିବା ପାଇଁ ମାତ୍ର ୫,୦୦୦ ଟଙ୍କାର ନିବେଶ ସହିତ କମ୍ପାନୀ ଆରମ୍ଭ କରିଥିଲୁ, ଯାହାକି ମାର୍କେଟିଂ ଏବଂ ଆର୍ଥିକ ଦୃଷ୍ଟିକୋଣକୁ ଦେଖିଥାଏ।
ପୂଜା କୁହନ୍ତି, ପ୍ରଥମେ ଆମକୁ ସପ୍ତାହରେ ମାତ୍ର ଚାରି କିମ୍ବା ପାଞ୍ଚଟି ଅର୍ଡର ମିଳୁଥିଲା, ଆଉ ତାହା ବି ସାଙ୍ଗସାଥୀ ଏବଂ ସମ୍ପର୍କୀୟ ଲୋକଙ୍କଠାରୁ। ଏଥିରୁ ସେ ଯାହା ପଇସା କମାଉଥିଲେ, ତାହା ସାମଗ୍ରୀ ମୂଲ୍ୟ ଏବଂ ନିଜ କର୍ମଚାରୀଙ୍କୁ ଦରମା ଦେବା ପାଇଁ ପର୍ଯ୍ୟାପ୍ତ ଥିଲା। ଧୀରେ ଧୀରେ ଅଧିକ ଲୋକଙ୍କ ପାଖରେ ଏହି କଳା ପହଞ୍ଚିଥିଲା। ଏହି ବିକ୍ରିକୁ ସେ ୧୦ ଗୁଣା ବଢ଼ାଇବାରେ ସକ୍ଷମ ହୋଇଥିଲେ। ୨୦୨୦ ସୁଦ୍ଧା ସେମାନଙ୍କୁ ଗୋଟିଏ ଦିନରେ ୧୫୦ ଅର୍ଡର ମିଳିବାକୁ ଲାଗିଲା ବୋଲି ସେ କହିଛନ୍ତି। ଯଦିଓ ଏବେ କରୋନା ଯୋଗୁ ବ୍ୟବସାୟ ସାମାନ୍ୟ ଫିକା ପଡ଼ି ଯାଇଛି, କିନ୍ତୁ ଟିମ୍କୁ ପ୍ରତ୍ୟେକ ଦିନ ୪୦ରୁ ଅଧିକ ଅର୍ଡର ମିଳୁଛି। ଯଦି ଆପଣ ବି ତାଙ୍କୁ ଅର୍ଡର ଦେବାକୁ ଚାହୁଁଛନ୍ତି, ତା’ହେଲେ ତାଙ୍କର େଓ୍ଵବ୍ସାଇଟ, ଫେସ୍ବୁକ ଏବଂ ଇନ୍ଷ୍ଟାଗ୍ରାମ ପେଜ୍ ଭିଜିଟ୍ କରିପାରିବେ।
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…