ଆପଣ କେବେ ଗଛ ଭିତରେ ବାର୍, ସୁଡ଼ଙ୍ଗ ଓ ଜେଲ ଥିବାର ଦୃଶ୍ୟ ଦେଖିଛନ୍ତି କି ? ଶୁଣିଲେ ଆଶ୍ଚର୍ଯ୍ୟ ଲାଗୁଛି ନା ? ହେଲେ ଏହା ସତ୍ୟ । ଦୁନିଆରେ ଏମିତି ୮ ପ୍ରକାର ଅଜବ ଗଛ ଅଛି ଯାହା ଆଜି ପର୍ଯ୍ୟନ୍ତ ସମସ୍ତଙ୍କୁ ଆଶ୍ଚର୍ଯ୍ୟ କରି ରଖିଛି ତେବେ ଆସନ୍ତୁ ଜାଣିବା ଏହି ୮ଟି ଗଛ ସମ୍ପର୍କରେ । ଆମେରିକାର ୟେସୋମାଇଟ ଗଛ ତଳେ ଏକ ସୁଡଙ୍ଗ ତିଆରି ହୋଇଥିଲା । ତେବେ ପରବର୍ତ୍ତୀ କାଳରେ ଅର୍ଥାତ ୧୯୬୯ରେ ବହୁ ମାତ୍ରାରେ ବରଫ ବର୍ଷା କାରଣରୁ ଗଛଟି ପଡି ଯାଇଥିଲା । କିନ୍ତୁ ଏବେ ଅନେକ ଜୀବଜନ୍ତୁ ଏହି ସୁଡଙ୍ଗକୁ ନିଜର ଘର କରିଦେଇଛନ୍ତି ।
ଦକ୍ଷିଣ ଆଫ୍ରିକାର ମୋଡଜାଡଜିସକୁଲୁଫ ଅଞ୍ଚଳରେ ଏହି ଗଛଟି ଅଛି ଯାହା ଉଚ୍ଚତା ୭୨ ଫୁଟ ଓ ଗୋଲେଇ ୧୫୫ ଫୁଟ ମୋଟ ଅଟେ । ୧୯୯୩ରେ ଏହାର ଶରୀର ଭିତରେ ଏକ ବାର ଖୋଲା ଯାଇଥିଲା । ଯାହା ଅରାମ୍ଭରୁ ୧୫-୨୦ ଲୋକ ବସି ପାରୁଥିଲେ, ଏବେ ୬୦ ଲୋକ ସେଠାରେ ବସି ପାରୁଛନ୍ତି ।
ଉତ୍ତର ପଶ୍ଚିମ ଅଫ୍ରିକାର କୈନରି ଦ୍ୱୀପରେ ଏହି ଗଛ ଦେଖାଯାଏ । ଲୋକ ମତ ଅନୁସାରେ ଏକ ଡ୍ରାଗନ ଥଲା ଯିଏ ମରିବା ପରେ ଏହି ଗଛ ହୋଇଯାଇଛି । ଯେତେବେଳେ ଏହାର ଛାଲ ଛଡେଇ ଦିଆଯାଏ ତେବେ ଗଛଟିରୁ ରକ୍ତର ରଙ୍ଗ ଭଳି ରସ ବାହାରି ଥାଏ । ଏଥି ପାଇଁ ଏହାକୁ ଡ୍ରାଗନ ଓ୍ଵାର୍ଲ୍ଡ ଟ୍ରୀ ବୋଲି କୁହାଯାଏ । ବର୍ଷ ବର୍ଷ ଧରି ଗୁଆଁଚ ଦ୍ୱୀପର ଲୋକେ ଏହି ଗଛର ରସକୁ ମମ୍ମିରେ ବ୍ୟବହାର କରୁଥିଲେ । କିନ୍ତୁ ଏବେ ଏହାର ରସକୁ ରଙ୍ଗ ଓ ଔଷଧ ପାଇଁ ବ୍ୟବହାର କରାଯାଉଛି ।
କାମ୍ବୋଡିଆର ଏକ ପ୍ରାଚୀନ ମନ୍ଦିର ଉପରେ ଏହି ଗଛ ଅଛି । ବର୍ଷ ବର୍ଷ ଧରି ଏହାର ସାଖା ବଢି ଚାଲିଛି ଯାହା ଏକ ସୁନ୍ଦର ବର୍ଣ୍ଣ ଧାରଣ କରିଛି ।
ପଶ୍ଚିମ ଅଷ୍ଟ୍ରେଲିୟାର େଓ୍ଵଷ୍ଟ ଡର୍ବି ସହରରେ ଏକ ବିଶାଳକାୟ ବୋଅବା ଗଛ ଅଛି ଯାହାର ଶରୀରରେ ଏକ ଜେଲ କୋଠରୀ କରାଯାଇଥିଲା, ଏଠି କଏଦୀଙ୍କୁ ରଖିବାକୁ ପାଇଁ ଏହି ଗଛକୁ ବ୍ୟବହାର କରାଯାଉଥିଲା ।
ପଶ୍ଚିମ ପୋଲାଣ୍ଡର ଗ୍ରାଇଫିନେ ସହରରେ ଅନେକ ଅଜବ ଆକାର ୪୦୦ ଗଛ ଅଛି । କିଛି ଲୋକଙ୍କ କହିବା କଥା ଥିଲା ଏହାକୁ ଜାଣି ଶୁଣି ତେଢା-ମେଢା କରାଯାଇଛି । କିନ୍ତୁ ଏବେ ଏହି ଗଛ ଗୁଡିକ ରହସ୍ୟମୟ ହୋଇ ରହିଛି ।
ନାମବିୟାରେ ଦେଖାଯାଉଥିବା ଏହି ଗଛ ଦୁନିଆର ସବୁଠାରୁ ବିପଦ ପୂର୍ଣ୍ଣ ଗଛମାନଙ୍କ ମଧ୍ୟରୁ ଆନ୍ୟତମ । ଗଛର ମୂଳଟି ବୋତଲ ଆକାରର ଦେଖା ଯାଉଥିବାରୁ ଏହାକୁ ବୋତଲ ଟ୍ରୀ ବୋଲି କୁହାଯାଇଥାଏ । ଏହି ଗଛରୁ ଏକ କ୍ଷୀର ବର୍ଣ୍ଣର ରସ ବାହାରେ ଯାହା ସବୁଠାରୁ ବିଷାକ୍ତ ବୋଲି କୁହାଯାଇଛି । ଅତୀତରେ ଆଦିବାସୀମାନେ ଧନୁ ତୀରରେ ବିଷ ରୂପେ ଏହି ରସକୁ ବ୍ୟବହାର କରୁଥିଲେ ।
ଏହି ଗଛଗୁଡିକୁ ଫିଲିପାଇନସରେ ଦେଖିବାକୁ ମିଳିଥାଏ । ଏହାର ଛାଲ ଅନେକ ରଙ୍ଗ ବେରଙ୍ଗର ଦେଖିବାକୁ ମିଳିଥାଏ । ସୁନ୍ଦର ହୋଇଥିଲେ ମଧ୍ୟ ଏହି ଗଛକୁ ସାଜ ସଜ୍ଜାରେ ବ୍ୟବହାର କରାନଯାଇ ଏହାକୁ କାଗଜ ତିଆରି କରିବାରେ ବ୍ୟବହାର କରାଯାଇଥାଏ ।