ଆପଣ ହୁଏତ ଉପର ଧାଡିଟି ପଢି ନିଶ୍ଚିତ ଦ୍ୱନ୍ଦ୍ୱରେ ପଡିଯାଉଥିବେ। ନଦୀର ପାଣି କିମ୍ବା ଝରଣା ପାଣି ଶୀତଳ ବୋଲି ଆମେ ଜାଣିଥାଉ। କିନ୍ତୁ ଏହା କେମିତି ନଦୀ ଯେ, ଯାହାର ପାଣି ସବୁବେଳେ ଫୁଟୁଥାଏ। ଆପଣ ହୁଏତ ଏମିତି ନଦୀ ବିଷୟରେ ଶୁଣିଥିବେ, ଯାହାର ପାଣି ଗରମ ହୋଇଥାଏ। ଭାରତରେ ଏମିତି କେତେକ ନଦୀ ରହିଛି, ଯାହାର ପାଣି ବହୁତ ଗରମ ହୋଇଥାଏ। କିନ୍ତୁ କେବେ କୌଣସି ନଦୀର ପାଣି ଫୁଟିଥିବାର ଜାଣିଛନ୍ତି କି ?
ଦୁନିଆରେ ଅନେକ ଅଜବ ଅଜବ ଜିନିଷ ଦେଖିବାକୁ ମିଳେ ଯାହା ସମ୍ପର୍କରେ ସବୁ ଜାଣିବା ଅସମ୍ଭବ ହୋଇଥାଏ। ଯଦିଓ ପୃଥିବୀରେ ହଜାରେ ବର୍ଷ ଧରି ଜୀବନ ରହିଛି, କିନ୍ତୁ ଆଜି ବି ଏପରି ଅନେକ ଜିନିଷ ଅଛି ଯାହା ମଣିଷ ପାଇଁ ରହସ୍ୟ। ଏମିତି ଏକ ନଦୀ ପେରୁରେ ର
ପେରୁରେ ଥିବା ବଏଲିଂ ରିଭର (ଫୁଟୁଥିବା ନଦୀ) ଭାବରେ ଜଣାଶୁଣା । ଏହାର ଲମ୍ବ ପ୍ରାୟ ୭ କିଲୋମିଟର । ଏହି ନଦୀ ଗୋଟେ ସ୍ଥାନରେ ୮୦ ଫୁଟ ପର୍ଯ୍ୟନ୍ତ ଚଉଡା ହୋଇଥାଏ ଏବଂ ସେହି ସ୍ଥାନର ଗଭୀରତା ୧୬ ଫୁଟ ପର୍ଯ୍ୟନ୍ତ ରହିଥାଏ। ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ଏହି ନଦୀ ଚାରିପାଖରେ କୌଣସି ପ୍ରକାର ଜଳାମୁଖୀ କିମ୍ବା ଆଗ୍ନେୟଗିରି ନାହିଁ। ତେଣୁ ନଦୀର ଫୁଟୁଥିବା ପାଣି ପଛରେ କୌଣସି ଲାଭା କିମ୍ବା ଆଗ୍ନେୟଗିରି ନାହିଁ। ଏହା ଏକ ପ୍ରାକୃତିକ ଭାବରେ ତପ୍ତ ନଦୀ। ସେଥିପାଇଁ ବୈଜ୍ଞାନିକ ଏହାକୁ ବିଶ୍ୱର ବୃହତ୍ତମ ଥର୍ମାଲ ନଦୀ ବୋଲି କହିଛନ୍ତି।
ଏହି ନଦୀର ସନ୍ଧାନ ଭୂବିଜ୍ଞାନୀ ଆନ୍ଦ୍ରେ ରୁଜୋ ୨୦୧୧ରେ କରିଥିଲେ। ଆମାଜନ ଫରେଷ୍ଟରେ ଏକ ହିସା ପେରୁକୁ ଲାଗିଛି। ପେରୁରେ ଥିବା ଏହି ରହସ୍ୟମୟ ନଦୀ ଦକ୍ଷିଣ ଆମେରିକା ମହାଦ୍ୱୀପ ସ୍ଥିତ ଏକ ଦେଶ।
ରିପୋର୍ଟ ଅନୁଯାୟୀ, ଆମାଜନର ଜଙ୍ଗଲ ମଧ୍ୟରେ ଏହି ନଦୀରେ ଲୁଣ ନଦୀ ଏବଂ ହଟ୍ ନଦୀ ନାମକ ଦୁଇଟି ନଦୀ ମିଳିତ ହୁଏ। ଏହା ତପ୍ତ ନଦୀଠାରୁ ବହୁତ ଛୋଟ। ନାସ୍ ଡେଲିର ୟୁଟ୍ୟୁବ୍ ଚ୍ୟାନେଲ୍ ଅନୁଯାୟୀ ଜଳର ତାପମାତ୍ରା ୯୦ ଡିଗ୍ରୀ ସେଣ୍ଟିଗ୍ରେଡରୁ ଅଧିକରେ ପହଞ୍ଚିଯାଏ। ଆଶ୍ଚର୍ଯ୍ୟଜନକ କଥା ହେଉଛି ଫୁଟୁଥିବା ପାଣି ହେତୁ ଏଥିରେ ଯେଉଁ ପ୍ରାଣୀ ପଡ଼ିଯାଏ ସେ ମରିଯାଏ। ମଣିଷମାନେ ମଧ୍ୟ ଏଥିରେ ଚାଲିବା କଷ୍ଟକର କାରଣ ଗରମ ପାଣି ଯୋଗୁଁ ପାଦରେ ଛାଲ ପଡ଼ିଯାଏ।
ବୈଜ୍ଞାନିକଙ୍କ ଅନୁଯାୟୀ, ଏହାର ପାଣି ଉଷ୍ଣପ୍ରସବଣ ଭଳି। ପୃଥିବୀର ଉତ୍ତାପରୁ ଦ୍ୱାରା ପାଣି ଗରମ ବାହାରକୁ ଆସେ। ନଦୀ ଚାରିପାଖରେ ଅନେକ ଜନଜାତି ବାସ କରନ୍ତି, ଯେଉଁମାନେ ବର୍ଷ ବର୍ଷ ଧରି ଏହି ନଦୀକୁ ପବିତ୍ର ବୋଲି ଭାବନ୍ତି। ତାଙ୍କ କହିବାନୁସାରେ, ନଦୀର ପାଣି ଦେହରେ ହୋଇଥିବା ଘା’କୁ ଭଲ କରିଦେଇଥାଏ। ସେଥିପାଇଁ ଏହି ପାଣିରେ ଲୋକଙ୍କ ଉପଚାର ମଧ୍ୟ ହୋଇଥାଏ। ନଦୀ ଯେତେ ଯେତେ ଆଗକୁ ଅଗ୍ରଗତି କରେ ସେତେ ସେତେ ଥଣ୍ଡା ହୋଇଯାଏ। ସେଥିପାଇଁ ମଧ୍ୟଭାଗରେ ଏଠାକୁ ଆସୁଥିବା ପର୍ଯ୍ୟଟକମାନେ ପହଁରିବା ଏବଂ ପ୍ରାକୃତିକ ସୌନ୍ଦର୍ଯ୍ୟ ଉପଭୋଗ କରନ୍ତି।