ବିଶ୍ୱର ସବୁଠୁ ବୟସ୍କ ନର ପାଣ୍ଡା ‘ଏନ୍ ଏନ୍’ର ହଂକଂର ଏକ ଥିମ୍ ପାର୍କରେ ମୃତ୍ୟୁ ଘଟିଛି। ଖବର ମୁତାବକ, ଅନେକ ଦିନ ହେବ ତା’ର ସ୍ୱାସ୍ଥ୍ୟାବସ୍ଥା ଠିକ୍ ନ ଥିଲା। ଏନ୍ ଏନ୍ ପାଣ୍ଡାକୁ ଇଚ୍ଛାମୃତ୍ୟୁ ଦିଆଯାଇଛି। ଏହି ପାଣ୍ଡାର ବୟସ ୩୫ ବର୍ଷ ଥିଲା, ଯାହା ମଣିଷର ୧୦୫ ବର୍ଷ ବୟସ ବରାବର ହୋଇଥାଏ।
ଚୀନ ୧୯୯୯ରେ ଏନ୍ ଏନ୍ ଏବଂ ଜିୟା ଜିୟା ନାମ୍ନୀ ମାଈ ପାଣ୍ଡାକୁ ହଂକଂକୁ ଭେଟି ଦେଇଥିଲା। ସେବେଠାରୁ ଏହି ଦୁଇଟି ପାଣ୍ଡା ଓସେନ ପାର୍କରେ ରହି ଆସୁଥିଲେ। ଚୀନ ସଂରକ୍ଷଣ ଏବଂ ଅନୁସନ୍ଧାନ କେନ୍ଦ୍ରଠୁ ପରାମର୍ଶ ନିଆଯିବା ପରେ ଗୁରୁବାର ସକାଳ ୮ଟା ୪୦ରେ ଏନ୍ ଏନ୍ ପାଣ୍ଡାକୁ ଇଚ୍ଛାମୃତ୍ୟୁ ଦିଆଯାଇଛି।
ହଂକଂ ପାର୍କର ବୟାନ ମୁତାବକ, ଗତ କିଛି ସପ୍ତାହ ହେବ ଏନ୍ ଏନ୍ ଠିକ୍ ଭାବେ ଭୋଜନ ଗ୍ରହଣ କରୁ ନ ଥିଲା, ଯେଉଁ କାରଣରୁ ତା’ର ସ୍ୱାସ୍ଥ୍ୟ ଖରାପ ଆଡ଼କୁ ଗତି କରିଥିଲା। ପାଣ୍ଡାର ଏହି ଅବସ୍ଥାକୁ ଆଦୌ ଦେଖାଯାଇ ପାରୁ ନ ଥିଲା।
ଶେଷରେ ଓସେନ ପାର୍କ ଏବଂ କୃଷି ମତ୍ସ୍ୟ ପାଳନ ଓ ସଂରକ୍ଷଣ ବିଭାଗର ପଶୁ ଚିକିତ୍ସକମାନେ ଚୀନ ସଂରକ୍ଷଣ ଏବଂ ଅନୁସନ୍ଧାନ କେନ୍ଦ୍ରଠୁ ପରାମର୍ଶ ଲୋଡ଼ିଥିଲେ। ଏହାପରେ ପଶୁ କଲ୍ୟାଣ କାରଣଗୁଡ଼ିକ ଆଧାରରେ ଏନ୍ ଏନ୍କୁ ଇଚ୍ଛାମୃତ୍ୟୁ ଦିଆଯାଇଥିଲା। ତେବେ ଏହି ନିର୍ଣ୍ଣୟ ଅତ୍ୟନ୍ତ କଠିନ ଓ ଦୁଃଖଦ ଥିଲା।
ସେପଟେ ଏନ୍ ଏନ୍ର ମୃତ୍ୟୁରେ ଫେସ୍ବୁକରେ ଏକ ପୋଷ୍ଟ ସେୟାର କରାଯାଇଛି, ଯେଉଁଥିରେ ଲେଖାଯାଇଛି, ‘ଯଦି ଆପଣ ବ୍ୟକ୍ତିଗତ ରୂପେ ଏନ୍ ଏନ୍ର ଅନ୍ତିମ ଯାତ୍ରା ଦେଖିବାକୁ ଆସିପାରୁ ନାହାନ୍ତି, ତା’ ହେଲେ ପୋଷ୍ଟ ଉପରେ ପାଣ୍ଡାକୁ ଅନ୍ତିମ ଶ୍ରଦ୍ଧାଞ୍ଜଳି ଦେଇ ପାରିବେ’। ସୂଚନାଥାଉ କି, ବର୍ଷ ୨୦୧୬ରେ ଜିୟା ଜିୟା ପାଣ୍ଡାର ୩୬ ବର୍ଷ ବୟସରେ ମୃତ୍ୟୁ ଘଟିଥିଲା।
ମେଷ: ଲାଭ ବଢ଼ିବ ଏବଂ ଆୟରେ ବୃଦ୍ଧି ଘଟିବ । କୌଣସି ନୂଆ ଆଇଡିଆ ଆପଣଙ୍କୁ ଆଗକୁ ନେବାରେ ସହାୟକ…
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…