photo: aajtak
ଅନନ୍ତ ଚତୁର୍ଦ୍ଦଶୀ ଏକ ପବିତ୍ର ତିଥି। ଏହି ଦିନ ସାରା ଦେଶରେ ବଡ଼ ଧୁମ୍ଧାମରେ ଗଣପତିଙ୍କୁ ବିସର୍ଜନ କରାଯାଇଥାଏ। ଅନନ୍ତ ଚତୁର୍ଦ୍ଦଶୀ ଦିନ ଭଗବାନ ବିଷ୍ଣୁଙ୍କ ପୂଜାର ବିଧାନ ରହିଛି। ଏହି ଦିନ ଶ୍ରୀହରିଙ୍କ ଅନନ୍ତ ରୂପକୁ ପୂଜା କରାଯାଇଥାଏ। କହି ରଖୁଛୁ କି, ଚଳିତ ବର୍ଷ ଅନନ୍ତ ଚତୁର୍ଦ୍ଦଶୀ ତିଥି ସେପ୍ଟେମ୍ବର ୯ରେ ପାଳନ ହେବ। ଏଥି ସହିତ ୧୦ ଦିବସୀୟ ଗଣେଶ ମହୋତ୍ସବର ଏହା ହେବ ଶେଷ ଦିନ। ଏହି ଦିନ ଗଣପତିଙ୍କୁ ଜଳରେ ବିସର୍ଜନ କରି ଆଗାମୀ ବର୍ଷ ପୁଣିଥରେ ଆସିବାକୁ କାମନା କରାଯିବାର ବିଧି ରହିଛି।
ବିଶ୍ୱାସ ରହିଛି, ଗଣପତି ବପ୍ପା ଭକ୍ତମାନଙ୍କର ସମସ୍ତ ଦୁଃଖ, ସଙ୍କଟ ଓ ବାଧାବିଘ୍ନକୁ ନିଜ ସାଥୀରେ ନେଇ ଯାଆନ୍ତି ଏବଂ ଭକ୍ତଙ୍କ ଘରେ ସୁଖ, ସମୃଦ୍ଧି ବାସ ହୋଇଥାଏ। ବପ୍ପାଙ୍କ କୃପାରୁ ଭକ୍ତମାନଙ୍କୁ ସମସ୍ତ କାର୍ଯ୍ୟରେ ସିଦ୍ଧି ମିଳିଥାଏ। ଏଥର ଅନନ୍ତ ଚତୁର୍ଦ୍ଦଶୀରେ ଅତି ଦୁର୍ଲ୍ଲଭ ସଂଯୋଗ ସୃଷ୍ଟି ହେଉଛି। ଏହି ଦିନ ଶ୍ରୀହରିଙ୍କ ପୂଜା ଏବଂ ଗଣପତିଙ୍କ ବିସର୍ଜନରୁ ଶୁଭ ଫଳ ପ୍ରାପ୍ତ ହେବ। ପାପର ବିନାଶ ହେବ। ଆସନ୍ତୁ ଜାଣିବା, ଅନନ୍ତ ଚତୁର୍ଦ୍ଦଶୀରେ ସୃଷ୍ଟି ହେଉଥିବା ଦୁଇଟି ଶୁଭ ଯୋଗ ବିଷୟରେ।
ହିନ୍ଦୁ କ୍ୟାଲେଣ୍ଡର ଅନୁସାରେ, ଅନନ୍ତ ଚତୁର୍ଦ୍ଦଶୀ ତିଥି ସେପ୍ଟେମ୍ବର ୮ ରାତି ୯ଟା ୨ ମିନିଟ୍ରୁ ଆରମ୍ଭ ହୋଇ ସେପ୍ଟେମ୍ବର ୯ ସନ୍ଧ୍ୟା ୬ଟା ୭ ମିନିଟ୍ ପର୍ଯ୍ୟନ୍ତ ରହିବ। ତେଣୁ ଉଦୟତିଥି ଅନୁସାରେ, ଚତୁର୍ଦ୍ଦଶୀ ତିଥି ୯ ତାରିଖରେ ପାଳନ କରାଯିବ। ଏହି ଦିନ ପୂଜାର ଶୁଭ ମୁହୂର୍ତ୍ତ ରହିଛି ସକାଳ ୬ଟା ୧୦ ମିନିଟ୍ରୁ ସନ୍ଧ୍ୟା ୬ଟା ୭ ମିନିଟ୍ ପର୍ଯ୍ୟନ୍ତ। ଅନନ୍ତ ଚତୁର୍ଦ୍ଦଶୀ ଦିନ ପୂଜାର ଅବଧି ମୋଟ ୧୧ ଘଣ୍ଟା ୫୮ ମିନିଟ୍ ରହିଛି।
ଏଥର ଅନନ୍ତ ଚତୁର୍ଦ୍ଦଶୀ ପର୍ବ ସେପ୍ଟେମ୍ବର ୯ରେ ପଡ଼ୁଥିବା ବେଳେ ଦୁଇଟି ଶୁଭ ସଂଯୋଗ ସୃଷ୍ଟି ହେଉଛି, ଯାହାକି ଦିନର ମହତ୍ତ୍ୱକୁ ଆହୁରି ବଢ଼ାଇ ହେବ। କହି ରଖୁଛୁ, ଏହି ଦିନ ସୁକର୍ମା ଓ ରବି ଯୋଗର ସଂଯୋଗ ସୃଷ୍ଟି ହେଉଛି। ବିଶ୍ୱାସ ରହିଛି କି, ସୁକର୍ମା ଯୋଗରେ କରାଯାଇଥିବା ଶୁଭ କାର୍ଯ୍ୟରେ ସଫଳତା ମିଳିଥାଏ। ସେହିପରି ରବି ଯୋଗରେ ହୋଇଥିବା ପୂଜାରୁ ଭକ୍ତମାନଙ୍କୁ ପାପରୁ ମୁକ୍ତି ମିଳିଥାଏ। ଏହି ଦିନ ଶୁଭ ସଂଯୋଗରେ ଶ୍ରୀହରି ପୂଜା ବିଶେଷ ଫଳଦାୟୀ ପ୍ରମାଣିତ ହୋଇଥାଏ।
ସୁକର୍ମା ଯୋଗ: ୮ ସେପ୍ଟେମ୍ବର ରାତି ୯ଟା ୪୧ ମିନିଟ୍ରୁ ୯ ସେପ୍ଟେମ୍ବର ସନ୍ଧ୍ୟା ୬ଟା ୧୨ ମିନିଟ୍ ପର୍ଯ୍ୟନ୍ତ ରହିବ।
ରବି ଯୋଗ: ୯ ସେପ୍ଟେମ୍ବର ସକାଳ ୬ଟା ୧୦ ମିନିଟ୍ରୁ ପୂର୍ବାହ୍ନ ୧୧ଟା ୩୫ ମିନିଟ୍ ପର୍ଯ୍ୟନ୍ତ ରହିବ।
ପ୍ରାତଃ ମୁହୂର୍ତ୍ତ: ସକାଳ ୬ଟା ୩ ମିନିଟ୍ରୁ ପୂର୍ବାହ୍ନ ୧୦ଟା ୪୪ ମିନିଟ୍ ପର୍ଯ୍ୟନ୍ତ।
ଦ୍ୱିପ୍ରହର ମୁହୂର୍ତ୍ତ: ଦ୍ୱିପ୍ରହର ୧୨ଟା ୧୮ ମିନିଟ୍ରୁ ୧ଟା ୫୨ ମିନିଟ୍ ପର୍ଯ୍ୟନ୍ତ।
ସନ୍ଧ୍ୟା ମୁହୂର୍ତ୍ତ: ସନ୍ଧ୍ୟା ୫ଟାରୁ ୬ଟା ୩୧ ମିନିଟ୍ ପର୍ଯ୍ୟନ୍ତ।
ଖାଦ୍ୟରୁ ବାହାରିଲା ମଲା ସାପ । ଏମିତି ଅଭିଯୋଗ ଆଣିଛନ୍ତି ବିହାରର ଏକ ଇଞ୍ଜିନିୟରିଂ କଲେଜର ଛାତ୍ରଛାତ୍ରୀ । ବିହାରର…
ରାଜ୍ୟର ପ୍ରତି ମହିଳାଙ୍କୁ ମିଳିବ ୫୦ହଜାର ଟଙ୍କା । ମଧ୍ୟପ୍ରଦେଶ ଓ ଛତିଶଗଡରେ ସଫଳ ହୋଇଥିବା ଯୋଜନା ଏବେ ଓଡିଶାରେ…
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…