ଆପଣ ଯେତେ ବଡ଼ ହୋଇଗଲେ ମଧ୍ୟ ପିଲା ଦିନର ସ୍ମୃତି ସବୁ ବେଳେ ମନକୁ ଆସେ । ସେ ସ୍କୁଲ ହେଉ କି ସାଙ୍ଗ ଅବା ଖେଳକୁଦ । ସମସ୍ତଙ୍କ ପିଲାଦିନେ କିଛି ନା କିଛି ସ୍ମୃତି ସବୁଦିନ ପାଇଁ ମନେ ରହିଯାଏ । ତେବେ ଗାଁର ପାଣି ପବନ, ଗାଁର ମଉଜମସ୍ତି ସବୁଠୁ ନିଆରା। ଆଜି ଆମେ ଆପଣମାନଙ୍କୁ ଟିକେ ଗାଁର ଅନୁଭୂତିକୁ ତାଜା କରାଇଦେବୁ। ଆପଣ କେବେ ସାଇକେଲ ଟାୟାର କିମ୍ବା ମୋଟର ଚକାରେ ଖେଳିଛନ୍ତି କି ? ତାହେଲେ ଏ ଭିଡିଓ ଆପଣଙ୍କୁ ନିହାତି ପସନ୍ଦ ଆସିବ।
ମେଘୁଆ ପାଗ । ଟିକେ ବର୍ଷା ବି ହୋଇଯାଇଛି । ସାଙ୍ଗମାନଙ୍କ ସହ ଚାଲିଛି ପିଲାଙ୍କ ଖେଳ । ଆଉ ତାର ଭିତରେ ଏ ଦୃଶ୍ୟଟି ରେକର୍ଡ଼ ହୋଇଛି । ଦେଖନ୍ତୁ ପିଲାଟି କେମିତି ବଢ଼ିଆ ଭାବରେ ଗାଡି ଭଳି ଗଡି ଗଡି ପଳାଉଛି। ଆପଣ ଦେଖିପାରୁଥିବେ ଯେ ଛୋଟ ପିଲାଟି ପ୍ରଥମେ ଗୋଟିଏ ଗାଡି ଟାୟାର ନେଇ ଆସୁଛି। ଆଉ ସେ ଟାୟାର ଭିତରେ ପଶି ଯାଉଛି। ଏଥିରେ ତାକୁ ଅନ୍ୟ ସାହାଯ୍ୟ କରୁଛି ଆଉ ଜୋରରେ ଠେଲି ଦେଉଛି। ଏହାପରେ ଟାୟାରଟି ଛୋଟ ପିଲାଟି ସହ ଗଡାଣିଆ ରାସ୍ତାରେ ଗଡି ଗଡି ପଳାଉଛି।
ତେବେ ଏହାପରେ କିନ୍ତୁ ଆହୁରି କମାଲ ଦେଖିବାକୁ ମିଳୁଛି। ଗଡାଣିଆ ରାସ୍ତାରେ ଏ ଛୋଟ ପିଲାଟି ଗଡି ଗଡି ପଳାଇଲା ସିନା ଆସିବା ବେଳେ ଆଉ ଏମିତି ଗଡ଼ିବା ସମ୍ଭବ ନୁହେଁ । ତେଣୁ ସେ ସେମିତି ଚକା ଭିତରେ ରହିି ନିଜ ଦୁଇ ଗୋଡରେ ଆହୁଲା ମାରିଲା ଭଳି ଚକାକୁ ଗଡାଇ ଗଡାଇ ଏକଦମ୍ ବଢ଼ିଆ ଭାବରେ ଉପରକୁ ଆସି ଯାଉଛି। ପ୍ରଥମେ ସେ ନିଜ ଗୋଡ଼ ଦ୍ୱାରା ହ୍ୟାଣ୍ଡଲ ବୁଲାଇଲା ଭଳି ରାସ୍ତା ଉପରେ ବୁଲି ଆସିଲା ଏବଂ ତା ପରେ ଉଠାଣିଆ ରାସ୍ତାରେ ଅତି ସହଜରେ ଫେରି ପାରିଲା । ଏ ଦୃଶ୍ୟ ଦେଖିଲେ ନିହାତି ଭାବରେ ଆପଣ ଆଶ୍ଚର୍ଯ୍ୟ ହୋଇଯିବେ । କାରଣ ଏଭଳି ଢଙ୍ଗରେ କେହି ଟାୟାର ଗଡ଼ାଇବା ହୁଏତ ଆପଣ କେଉଁଠି ଦେଖିଥିବେ କି ନାହିଁ ।
ଥରେ ନୁହେଁ କି ଦୁଇ ଥର ନୁହେଁ ଏ ଦୃଶ୍ୟକୁ ଆପଣ ବାରମ୍ବାର ଦେଖିବାକୁ ଇଚ୍ଛା ହେବ । ପିଲାଟିର କାରନାମା ଆପଣଙ୍କୁ ଚମତ୍କତ କରିବ । କାରଣ ଏତେ ଛୋଟ ଟାୟାର ଭିତରେ ସେ ନିଜେ ପଶିଯାଉଛି । ଅବଶ୍ୟ ଗଡ଼ାଣିରେ ଗଡ଼ିବାଟା ଏତେ କଷ୍ଟକର ନୁହେଁ କିନ୍ତୁ ଟିକିଏ ଅସାବଧାନ ହେଲେ ପଡ଼ି ଯାଇ ଖଣ୍ଡିଆ ଖାବରା ହେବାର ଆଶଙ୍କା ରହିଛି । ତେବେ ପିଲାଟି ଉଠାଣିରେ ପୁଣି ଫେରିବାର ଦୃଶ୍ୟ କୌଣସି ଚମତ୍କାର ଭଳି ଲାଗୁଛି । ଟାୟାରଟି ଫେରିବା ବେଳେ ପିଲାଟି ଦେଖା ଯାଉ ନାହିଁ କେବଳ ତାର ଗୋଡ଼ ଦୁଇଟି ଦିଶୁଛି । ଆଉ ଭାରି ଅଜବ ବି ଲାଗୁଛି । ସାଙ୍ଗ ପିଲାମାନେ ତାକୁ ପାଟି କରି ଉତ୍ସାହିତ କରୁଛନ୍ତି । ଲାଗୁଛି ଯେମିତି ସେ ଅନେକ ଅଭ୍ୟାସ କରି ଏ ଖେଳରେ ସେ ପୂରା ଦକ୍ଷ ହୋଇଯାଇଛି । ଯଦି ଆପଣଙ୍କର ବି ଏମିତି କିଛି ଅନୁଭୂତି ଥାଏ ତାହେଲେ କମେଣ୍ଟ କରି ଆମ ସହ ନିଶ୍ଚୟ ସେୟାର କରନ୍ତୁ।
ଗୁଗଲର ସବୁଠାରୁ ବଡ ଭିଡିଓ ଷ୍ଟ୍ରିମିଂ ପ୍ଲାଟଫର୍ମ ହେଉଛି ୟୁଟ୍ୟୁବ୍ । ପ୍ରତ୍ୟେକ ଦିନ ବିଶ୍ୱର କୋଟି କୋଟି ଲୋକ…
ସୁରକ୍ଷାକର୍ମୀଙ୍କ ଗୁଳିରେ ଟଳିପଡିଲେ ୪ ମାଓବାଦୀ । ଝାଡ଼ଖଣ୍ଡ ଚାଇବାସାରେ ସୁରକ୍ଷାକର୍ମୀଙ୍କ ଏନ୍ କାଉଣ୍ଟରରେ ୪ ମାଓବାଦୀ ନିହତ। ଜଣେ…
ବଜାଜ ନିଜର Pulsar N160ର ଏକ ନୂଆ ଭାରିଆଣ୍ଟ ଲଞ୍ଚ କରିଛି । ଏହା ହେଉଛି ବଜାଜ Pulsar N160…
ପଶ୍ଚିମବଙ୍ଗ ଦାର୍ଜିଲିଂରେ ବଡ଼ ରେଳ ଦୁର୍ଘଟଣା । କାଞ୍ଚନଜଙ୍ଗା ଏକ୍ସପ୍ରେସକୁ ଧକ୍କା ଦେଲା ମାଲବାହୀ ଟ୍ରେନ । ଦୁର୍ଘଟଣାରେ ୫…
ନୂଆ ସରକାର ଆସିବା ପରଠାରୁ ସରକାରଙ୍କ ଠାରୁ ବିଭିନ୍ନ ନୀତିରେ ପରିବର୍ତ୍ତନ ଆଶା କରାଯାଉଛି । ଏହାରି ଭିତରେ ପୁଣି…
ବଣାଇ : ଘାଟିରେ OSRTC ବସ୍ ଦୁର୍ଘଟଣାଗ୍ରସ୍ତ, ୩୫ ଆହତ। ଗୁରୁଣ୍ଡୁଆ ଥାନାର ତାମଡ଼ା ଘାଟିରେ ଦୁର୍ଘଟଣା। ପଙ୍କଢ଼ିହିରୁ ବଣାଇ…