ସ୍ପେଶାଲ

ଟ୍ରାଫିକ ପୋଲିସଙ୍କ ଆଙ୍ଗୁଠି କାମୁଡିଲେ ଉତ୍ତ୍ୟକ୍ତ ଯୁବକ, ସୋସିଆଲ ମିଡିଆରେ ଭାଇରାଲ ହେଉଛି ଭିଡିଓ

ଯେଉଁମାନେ ବିନା ହେଲମେଟ୍‌ ରେ ଗାଡ଼ି ଚଲାନ୍ତି, ସେମାନେ ଟ୍ରାଫିକ୍‌ ପୋଲିସ୍‌ କୁ ଦେଖିଲେ ଭୟ କରନ୍ତି । ଖସିବା ପାଇଁ ବିଭିନ୍ନ ପ୍ରକାର ଉପାୟ ଆପଣାନ୍ତି । କିନ୍ତୁ କେହି କେବେ ଟ୍ରାଫିକ୍‌ ପୋଲିସ ସାମ୍ନାରେ ଧରା ପଡ଼ିବା ପରେ ତାଙ୍କୁ ହିଁ ଆକ୍ରମଣ କରିଥିବା ଆପଣ ହୁଏତ କେବେ ଦେଖି ନଥିବେ । ଆଜି ଆମେ ଆପଣଙ୍କୁ ଏଭଳି କିଛି ଘଟଣା ଜଣାଇବାକୁ ଯାଉଛୁ । ଯାହା ବିଷୟରେ ଜାଣିଲେ ଆପଣ ବି ଆଶ୍ଚର୍ଯ୍ୟ ହେବେ ।

ବେଙ୍ଗାଲୁରୁର ୱିଲସନ ଗାର୍ଡେନରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ବ୍ୟକ୍ତି ଦାନ୍ତରେ ଟ୍ରାଫିକ ପୋଲିସଙ୍କ ଆଙ୍ଗୁଠି କାମୁଡିଛନ୍ତି । ସୂଚନା ଅନୁସାରେ ଅଭିଯୁକ୍ତ ଜଣକ ବିନା ହେଲମେଟରେ ବାଇକ୍ ଚଳାଉଥିଲେ ଏବଂ ପୋଲିସ କର୍ମଚାରୀ ତାଙ୍କୁ ଅଟକାଇ ଥିଲେ । କିନ୍ତୁ ଅଭିଯୁକ୍ତ ଜଣଙ୍କ ଉତକ୍ଷିପ୍ତ ହୋଇ ସିଧା ଟ୍ରାଫିକ୍‌ ପୋଲିସ୍‌ ଙ୍କୁ ଆକ୍ରମଣ କରିଥିଲେ । ତାଙ୍କ ଆଙ୍ଗୁଠିକୁ ଏପରି ଭାବେ କାମୁଡ଼ିଥିଲେ ଯେ ସେ ଯନ୍ତ୍ରଣାରେ ଚିତ୍କାର କରି ଉଠିଥିଲେ । ସାଧାରଣତଃ ଯେଉଁମାନେ ବିନା ହେଲମେଟରେ ଯାତ୍ରା କରନ୍ତି ସେମାନେ ଟ୍ରାଫିକ୍‌ ପୋଲିସକୁ ଡରନ୍ତି । କିନ୍ତୁ ଏ ବ୍ୟକ୍ତିଜଣକ ଟ୍ରାଫିକ୍‌ ପୋଲିସକୁ ଡରିବେ କଣ ଓଲଟା ତାଙ୍କୁ ହିଁ ପାଲଟା ଆକ୍ରମଣ କରିଥିଲେ । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଜୋରସୋରରେ ଭାଇରାଲ ହେବାରେ ଲାଗିଛି ।

ସୂଚନା ଅନୁଯାୟୀ, ୨୮ ବର୍ଷ ବୟସ୍କା ସୟଦ ଶାଫି ବିଟିଏମ୍ ବେଙ୍ଗାଲୁରୁର ବାସିନ୍ଦା ଏଭଳି କାଣ୍ଡ କରିଥିବା ଜଣା ପଡ଼ିଛି । ଘଟଣା ଦିନ ସକାଳେ ସେ ବିନା ହେଲମେଟରେ ସ୍କୁଟିରେ ୱିଲସନ ଗାର୍ଡେନ ଦେଇ ଯାଉଥିଲେ । ଟ୍ରାଫିକ ପୋଲିସ ତାଙ୍କୁ ଚାଲାଣ କାଟିବା ପାଇଁ ଅଟକାଇଥିଲା । ଏବଂ ଏହି ସମୟରେ ଜଣେ କର୍ମଚାରୀ ତାଙ୍କ ସ୍କୁଟିରୁ ଚାବି ବାହାର କରିବା ଆରମ୍ଭ କରିଥିଲେ। କର୍ମଚାରୀଙ୍କୁ ସ୍କୁଟିରୁ ଚାବି କାଢ଼ିବାକୁ ଦେଇନଥିଲେ ବ୍ୟକ୍ତି ଏବଂ ଅଭିଯୁକ୍ତ ଯୁବକ ତାଙ୍କ ହାତରେ ଚାବି ଜୋର କରି ଧରିଥିଲେ । ଟ୍ରାଫିକ୍‌ ପୋଲିସ କର୍ମଚାରୀ ମଧ୍ୟ ଯୁବକଙ୍କ ହାତରୁ ଚାବି ଛଡ଼ାଇବାକୁ ଚେଷ୍ଟା କରିଥିଲେ । ଏହାରି ମଧ୍ୟରେ ଯୁବକ ଜଣକ ଉତକ୍ଷିପ୍ତ ହୋଇ ଟ୍ରାଫିକ୍‌ ପୋଲିସଙ୍କ ଆଙ୍ଗୁଠି କାମୁଡ଼ିଥିବା ଦେଖିବାକୁ ମିଳିଥିଲା ।

ଅଭିଯୁକ୍ତ ଯୁବକ ଓ ଟ୍ରାଫିକ ପୋଲିସଙ୍କ ମଧ୍ୟରେ ଦୀର୍ଘ ସମୟ ଧରି ଯୁକ୍ତିତର୍କ ଲାଗି ରହିଥିଲା । ଯୁବକ ତାଙ୍କ ବାଇକ୍‌ ନେଇଯିବାକୁ ଚେଷ୍ଟା କରୁଥିବାର ମଧ୍ୟ ଦେଖାଯାଇଥିଲା । ଅନ୍ୟପଟେ ଘଟଣାସ୍ଥଳରେ ଉପସ୍ଥିତ ଜଣେ ବ୍ୟକ୍ତି ଏହି ଘଟଣାର ଏକ ଭିଡିଓ କରିଥିଲେ । ଯାହାକୁ ସେ ଟ୍ଵିଟର ଆକାଉଣ୍ଟରେ ସେୟାର କରିଛନ୍ତି । ତେବେ ଡ୍ୟୁଟିରେ ଥିବା କନେଷ୍ଟବଳଙ୍କୁ ଆକ୍ରମଣ କରିଥିବାରୁ ଉକ୍ତ ଯୁବକଙ୍କୁ ବର୍ତ୍ତମାନ ଗିରଫ କରାଯାଇଛି । ତାଙ୍କ ନାଁରେ ମାମଲା ରୁଜୁ କରାଯାଇଛି ।

Subhalaxmi Das

Recent Posts

ଆଜିର ରାଶିଫଳ : ଏହି ରାଶିର ଲୋକେ ଆଜି ବାହାରକୁ ଯାତ୍ରା କରିବେ ଏବଂ ପରିବାର ସହ ଖୁସିର ସମୟ କାଟିବେ

ମେଷ : ଏହି ରାଶିର ବ୍ୟକ୍ତିମାନେ କର୍ମକ୍ଷେତ୍ରରେ ଆଗକୁ ଯିବେ, ଏହା ସହ ସମ୍ମାନ ମିଳିବା ସହିତ ଆପଣ ଏକ…

1 hour ago

ଚାଇଲ୍ଡ ଲାଇନ କର୍ମଚାଚାରୀଙ୍କ ଉପରେ ଆକ୍ରମଣ ଅଭିଯୋଗ

 ଯାଜପୁର ଟାଉନ : ରେସ୍ତୁରାଣ୍ଟରେ ଶିଶୁ ଶ୍ରମିକ କାମ କରୁଥିବା ଖବର ପାଇ ଚଢ଼ାଉ କରିବାକୁ ଯାଇଥିବା ଚାଇଲ୍ଡ ଲାଇନ…

2 hours ago

ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ

 ଭୁବନେଶ୍ବର : ଆସନ୍ତାକାଲି ବିଜେଡିର ରାଜ୍ୟସଭା ସାଂସଦଙ୍କ ସହ ଆଲୋଚନା କରିବେ ସୁପ୍ରିମୋ ନବୀନ ପଟ୍ଟନାୟକ । ନବୀନ ନିବାସରେ…

3 hours ago

ତୁଟିଲା ବିବାଦ, ଆଜି ବାରିପଦା ବସଷ୍ଟାଣ୍ଡରୁ ସ୍ବାଭାବିକ ହେଲା ଘରୋଇ ବସ୍ ଚଳାଚଳ

ମୟୁରଭଞ୍ଜ : ତୁଟିଲା ବିବାଦ ।  ମୟୁରଭଞ୍ଜ ଜିଲ୍ଲାରେ ସ୍ବାଭାବିକ ହେଲା ବସ୍ ଚଳା ଚଳ । ୩ ଦିନ…

3 hours ago

ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ

କେନ୍ଦୁଝର : ଘଟଗାଁ ତାରିଣୀ ପୀଠର ବିକାଶ ପାଇଁ ଆଉ ୫୦ କୋଟିର ଅନୁଦାନ। କେନ୍ଦୁଝର ଜିଲ୍ଲାକୁ ଦୁଇ ଦିନିଆ…

4 hours ago

ଅଜଣା ରୋଗରେ ଆକ୍ରାନ୍ତ ହୋଇ ବିଛଣାରେ ପଡ଼ି ରହିଛି ୩୫ ବର୍ଷୀୟ ପୁଅ

ବାଲେଶ୍ବର: ଆଶା କରିଥିଲୁ ବୁଢ଼ା କାଳେ ଆମ ପୁଅ ଆମ ସାହାରା ପାଲଟିବ । ଆମେ ଜମି ବାଡ଼ି ବିକ୍ରି…

5 hours ago