ଏ କି ପାଗଳାମି ! ନିଜ ମର୍ସିଡିଜରେ ନିଆଁ ଲଗାଇଦେଲେ ୟୁଟ୍ୟୁବର, ଭାଇରଲ ହେଉଛି ଭିଡିଓ

ସୋସିଆଲ ମିଡିଆ ଏବଂ ଇଣ୍ଟରନେଟ୍ ହେଉଛି ଏପରି ଏକ ସ୍ଥାନ ଯେଉଁଠାରେ ଲୋକମାନେ ନିଜ କଥା କହିବାଠାରୁ ଆରମ୍ଭ କରି ଅନ୍ୟମାନଙ୍କଠାରୁ ଶିଖିବା ଏବଂ ସେମାନଙ୍କୁ ବାର୍ତ୍ତା ଦେବା ବହୁତ ସହଜ ହୋଇଥାଏ । ୟୁଟ୍ୟୁବ୍ ମଧ୍ୟ ଠିକ ସେହିପରି ଏକ ସ୍ଥାନ । ଲୋକମାନେ ଏଠାରେ ନିଜର ଭିଡିଓ କିମ୍ବା ବ୍ଲଗ୍ ସୃଷ୍ଟି କରନ୍ତି ଏବଂ ସେଗୁଡିକୁ ଅପଲୋଡ୍ କରନ୍ତି ଏବଂ ସାରା ବିଶ୍ଵ ସହିତ ଯୋଡି ହୋଇଯାନ୍ତି । କିନ୍ତୁ କିଛି ଲୋକ ଅଛନ୍ତି ଯେଉଁମାନେ ଏକ ଭିଡିଓ କରିବା ପାଇଁ କିଛି ବି କରିପାରନ୍ତି । ଏହିପରି ଜଣେ ୟୁଟ୍ୟୁବର୍ ହେଉଛନ୍ତି ରୁଷର ମିଖାଇଲ୍ ଲିଟୱିନ୍ । ଯାହାଙ୍କର ୟୁଟ୍ୟୁବରେ ଅନେକ ସଂଖ୍ୟକ ପ୍ରଶଂସକଙ୍କ ଅଛନ୍ତି । ନିକଟରେ ସେ 1.10 କୋଟି ଟଙ୍କା ମୂଲ୍ୟର ଏକ ମର୍ସିଡିଜକୁ ନିଆଁ ଲଗାଇ ଦେଇଥିଲେ । ଏହା ପରେ ଏହାର ଭିଡିଓ ସେୟାର କରାଯାଇଥିଲା, ଯାହା ବର୍ତ୍ତମାନ ଭାଇରାଲ ହେଉଛି ।

ମିଖାଇଲ୍ ଲିଟୱିନ୍ଙ୍କ ଲୋକପ୍ରିୟତା କେତେ ତାହା ଆପଣ ଏଥିରୁ ଅନୁମାନ କରିପାରୁଥିବେ ଯେ ତାଙ୍କର ୟୁଟ୍ୟୁବରେ ପ୍ରାୟ 50 ଲକ୍ଷ ସବସକ୍ରାଇବର ଅଛନ୍ତି ନଷ୍ଟାଗ୍ରାମରେ ତାଙ୍କର 1.16 କୋଟି ଫଲୋଅର୍ସ ଅଛନ୍ତି । ତାଙ୍କର ମର୍ସିଡିଜ୍ GT 63 S ନାମକ ଏକ କାର ଥିଲା ଯାହାକୁ ସେ ନିଆଁରେ ପୋଡି ଦେଇଥିଲେ । ଏହା ପରେ, ଯେତେବେଳେ ସେ ଭିଡିଓକୁ ୟୁଟ୍ୟୁବ ଚ୍ୟାନେଲରେ ଅପଲୋଡ୍ କଲେ, ଲୋକମାନେ ଏଥିରେ ବିଭିନ୍ନ ପ୍ରକାରର କମେଣ୍ଟ ଦେଇଥିଲେ ।

ତାଙ୍କ ଦ୍ୱାରା ଅପଲୋଡ୍ ହୋଇଥିବା ଭିଡିଓରେ ଏହା ଦେଖିବାକୁ ମିଳିଛି ଯେ ସେ ଏକ ଖୋଲା ପଡ଼ିଆରେ ଏହି କାର ଚଳାଇ ଆସୁଛନ୍ତି । ଏହି କଳା ରଙ୍ଗର କାର ଦେଖିବାକୁ ବହୁତ ସୁନ୍ଦର ଯାହାର ମୂଲ୍ୟ 1 କୋଟିରୁ ଅଧିକ । ଏହା ପରେ ସେ କାରକୁ ଅଟକାଇ ଏଥିରୁ ଓହ୍ଲାଉଛନ୍ତି, ତାପରେ ସେ କାର ଭିତରୁ ତେଲ ବାହାର କରି କାର ଉପରେ ଢାଳୁଛନ୍ତି । ପରେ ସେ ସେଥିରେ ନିଆଁ ଲଗାଇ ଦେଇଛନ୍ତି । 1 କୋଟି ଟଙ୍କା ମୂଲ୍ୟର ଏହି ସୁନ୍ଦର କାରଟି ଶେଷରେ ସମ୍ପୂର୍ଣ୍ଣ ଜଳି ପୋଡି ଯାଉଛି ।

ତେବେ ସେ ଏହି କାରକୁ ପୋଡିଦେବାର କାରଣ କୁହାଯାଉଛି ଯେ ତାଙ୍କ କାରରେ କିଛି ତ୍ରୁଟି ରହିଛି ଯାହାକୁ ସର୍ଭିସ ସେଣ୍ଟର ପାଞ୍ଚଥର ଠିକ କରି ମଧ୍ୟ ଠିକ ହୋଇପାରିଲା ନାହିଁ ଶେଷରେ ସେ ଏଥିରେ ନିଆଁ ଲଗାଇ ଦେଇଥିଲେ ।