ବ୍ୟାଡମିଣ୍ଟନ ୱାର୍ଲ୍ଡ ଚାମ୍ପିଅନ୍‌ଶିପ ପୂର୍ବରୁ ଭାରତକୁ ଶକ୍ତ ଝଟକା, ଖେଳିପାରିବେନି ପିଭି ସନ୍ଧୁ ଟୁଇଟ୍ କରି ଦେଲେ ସୂଚନା

ବ୍ୟାଡମିଣ୍ଟନ ୱାର୍ଲ୍ଡ ଚମ୍ପିଅନଶିପରେ ଭାରତୀୟ ଆଶାକୁ ଶକ୍ତ ଝଟକା ଲାଗିଛି । ଭାରତର ଷ୍ଟାର ବ୍ୟାଡମିଣ୍ଟନ ଖେଳାଳି ପି.ଭି ସିନ୍ଧୁ ଶନିବାର ଟୁଇଟ୍ କରିଛନ୍ତି ଯେ, ଭାରତ ପାଇଁ ରାଜ୍ୟଗୋଷ୍ଠୀ କ୍ରୀଡ଼ାରେ ସ୍ୱର୍ଣ୍ଣ ପଦକ ଜିତି ଶୀର୍ଷରେ ରହିଛି । ଦୁର୍ଭାଗ୍ୟର କଥା ହେଲା ଯେ, ମୋତେ ବିଶ୍ୱ ଚାମ୍ପିଅଶିପିରୁ ଦୂରେଇ ରହିବାକୁ ପଡୁଛି । ମୋତେ ରାଜ୍ୟଗୋଷ୍ଠୀ କ୍ରୀଡାର କ୍ୱାର୍ଟର ଫାଇନାଲରେ ଯନ୍ତ୍ରଣା ଅନୁଭବ ହୋଇଥିଲା ଏବଂ ଆଘାତ ପାଇବାର ଭୟ ଥିଲା । କିନ୍ତୁ କୋଚ, ଫିଜିଓ ଓ ଟ୍ରେନରଙ୍କ ସହଯୋଗ ବଳରେ ଯଥା ସମ୍ଭବ ଦୃଢ଼ ମନ ନେଇ ଆଗକୁ ବଢ଼ିଥିଲି ।

ସିନ୍ଧୁଙ୍କ ବିଶ୍ୱ ଚାମ୍ପିଅନଶିପରେ ଭଲ ରେକର୍ଡ ରହିଛି । ସେ ୨୦୧୯ରେ ଏହି ପ୍ରତିଯୋଗିତାରେ ସ୍ୱର୍ଣ୍ଣ ପଦକ ଜିତିଥିଲେ । ଏଥି ସହିତ ସିନ୍ଧୁ ଏହି ଇଭେଣ୍ଟରେ ୨ଟି ରୌପ୍ୟ ପଦକ ଆଣିଥିଲେ । ବ୍ୟାଡମିଣ୍ଟନ ୱାର୍ଲ୍ଡ ଚାମ୍ପିଅନଶିପ ଆସନ୍ତା ୨୧ ତାରିଖ ଠାରୁ ଆରମ୍ଭ ହେବ । ସେ କହିଛନ୍ତି, ‘ଫାଇନାଲ ସମୟରେ ଏବଂ ପରେ ଯନ୍ତ୍ରଣା ଅସହ୍ୟ ଥିଲା। ତେଣୁ ମୁଁ ହାଇଦ୍ରାବାଦକୁ ଫେରିବା ମାତ୍ରେ ଏକ ଏମଆରଆଇ କାମ କଲି। ଡାକ୍ତରମାନେ ମୋ ବାମ ଗୋଡ଼ରେ ଏକ ଚାପ ପଡୁଛି ବୋଲି ନିଶ୍ଚିତ କରିଥିଲେ ଏବଂ କିଛି ସପ୍ତାହ ପାଇଁ ବିଶ୍ରାମ ନେବାକୁ ପରାମର୍ଶ ଦେଇଥିଲେ। ମୁଁ କିଛି ସପ୍ତାହ ପରେ ପୁଣି ଅଭ୍ୟାସ ଆରମ୍ଭ କରିବି। ସମର୍ଥନ ଏବଂ ପ୍ରେମ ପାଇଁ ସମସ୍ତଙ୍କୁ ଧନ୍ୟବାଦ। ‘ ଅଗଷ୍ଟ ୨୧ ରୁ ଅଗଷ୍ଟ ୨୮ ପର୍ଯ୍ୟନ୍ତ ଟୋକିଓରେ ବିଶ୍ୱ ଚାମ୍ପିଅନସିପ୍ ଅନୁଷ୍ଠିତ ହେବ।

ଅଲିମ୍ପିକ୍ସରେ ଭାରତ ପାଇଁ ଦୁଇଟି ପଦକ ଜିତିଥିବା ବ୍ୟାଡମିଣ୍ଟନ ତାରକା ପିଭି ସିନ୍ଧୁ କମନୱେଲଥ ଗେମ୍ସ ୨୦୨୨ ର ଶେଷ ଦିନରେ ଭାରତକୁ ସ୍ୱର୍ଣ୍ଣ ପଦକ ପ୍ରଦାନ କରିଥିଲେ। ଏଥି ସହିତ, କମନୱେଲଥ ଗେମ୍ସରେ ଏହା ସିନ୍ଧୁଙ୍କର ପ୍ରଥମ ସ୍ୱର୍ଣ୍ଣ ପଦକ। ସେ କାନାଡାର ମିସେଲ ଲିଙ୍କୁ ଫାଇନାଲରେ ବଞ୍ଚିବାର ସୁଯୋଗ ଦେଇନଥିଲେ। ସେ ପ୍ରଥମ ଗେମ୍ ୨୧-୧୫ ଜିତିଥିଲେ, ତା’ପରେ ଦ୍ୱିତୀୟ ଗେମ୍ ୨୧-୧୩ ରେ ଜିତିଥିଲେ। ଦ୍ୱିତୀୟ ଖେଳ ୨୧-୧୩ ରେ ଜିତି ସିନ୍ଧୁ ସ୍ୱର୍ଣ୍ଣ ପଦକ ଜିତିଥିଲେ।

Leave A Reply

Your email address will not be published.