ଲଣ୍ଡନରେ ପିଛା କରୁଥିଲେ ଲୋକେ; କ୍ୟାମେରା ଦେଖିଦେଲେ କୋହଲି, ରାଗିଗଲେ ଅନୁଷ୍କା
ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା ଓ କ୍ରିକେଟର ବିରାଟ କୋହଲି ୨ ପିଲାଙ୍କର ମା’, ବାପା ହୋଇସାରିଛନ୍ତି । ଝିଅ ଭାମିକାଙ୍କ ପରେ ଚଳିତ ବର୍ଷ ଫେବୃୟାରୀରେ ପୁଅ ‘ଅକାୟ’କୁ ଜନ୍ମ ଦେଇଥିଲେ ଅନୁଷ୍କା । ପୁଅର ଜନ୍ମ ପରଠାରୁ ଦୁହେଁ ଲଣ୍ଡନରେ ହିଁ ରହିଆସୁଛନ୍ତି । ଏପରି କି, କପଲ୍ ଲଣ୍ଡନକୁ ଶିପ୍ଟ ହୋଇଥିବା ନେଇ ମଧ୍ୟ ଚର୍ଚ୍ଚା ହେଉଛି । ଯଦିଓ ସେମାନେ ଏହାକୁ କନ୍ଫର୍ମ କରିନାହାନ୍ତି ।
ଲଣ୍ଡନ ରାସ୍ତାରେ ବିରାଟ ଓ ଅନୁଷ୍କା ବୁଲୁଥିବାର ଏକ ଭିଡିଓ ଏବେ ଭାଇରାଲ ହେଉଛି । ଏଥର କପଲ୍ଙ୍କ ସହ ତାଙ୍କ କୁନିପୁଅ ଅକାୟକୁ ମଧ୍ୟ ଦେଖିବାକୁ ମିଳିଛି । ଭାଇରାଲ ଭିଡିଓରେ ଦେଖାଯାଉଛି କି, ଲଣ୍ଡନରେ କପଲ୍ ନିଜର ଡେ’ ଆଉଟ୍ ଏନ୍ଜୟ କରୁଛନ୍ତି । ଅନୁଷ୍କାଙ୍କ କୋଳରେ ଅକାୟ ରହିଛି । ଅଭିନେତ୍ରୀ ନିଜ ଶିଶୁପୁତ୍ରକୁ ଛାତିରେ ଲଗାଇ ରଖିଛନ୍ତି ।
ଏହି ସମୟରେ ଅନୁଷ୍କା ଓଭର୍ସାଇଜ୍ଡ ହୁଡି ଏବଂ ଶର୍ଟସ୍ ପିନ୍ଧି ସିମ୍ପଲ୍ ଲୁକ୍ରେ ନଜର ଆସିଛନ୍ତି । ଓପନ୍ ହେୟାର ଏବଂ ନୋ ମେକ୍ଅପ ଲୁକ୍ରେ ସେ ବହୁତ ସୁନ୍ଦର ଦେଖାଯାଉଛନ୍ତି । ଏହିପରି ବିରାଟ ମଧ୍ୟ ବ୍ରାଉନ୍ ଟି-ସାର୍ଟ ଏବଂ ବ୍ଲାକ୍ ଜଗର୍ସରେ ହ୍ୟାଣ୍ଡ୍ସମ୍ ଲାଗୁଛନ୍ତି ।
ତେବେ ଯେତେବେଳେ ବିରାଟ ନୋଟିସ୍ କରୁଛନ୍ତି କି, କେହି ତାଙ୍କୁ କ୍ୟାମେରାରେ କ୍ୟାପ୍ଚର କରୁଛି, ସେ ତୁରନ୍ତ ଅନୁଷ୍କାଙ୍କୁ ଜଣାଉଛନ୍ତି । ତାଙ୍କର ଭିଡିଓ କରୁଥିବା ବ୍ୟକ୍ତିଙ୍କୁ ବିରାଟ ଅତି ନିରିଖି ଦେଖୁଛନ୍ତି । ଏହିପରି ଅନୁଷ୍କା ମଧ୍ୟ ରାଗ ନଜରରେ ଚାହୁଁଛନ୍ତି । କପଲ୍ଙ୍କ ଭାଇରାଲ ଭିଡିଓରେ ଫ୍ୟାନ୍ମାନେ ବିଭିନ୍ନ ପ୍ରକାର ପ୍ରତିକ୍ରିୟା ଦେଉଛନ୍ତି ।
