‘କୋହଲି ଜଣେ ପରଫେକ୍ଟ ପାପା’, ଜନ୍ମଦିନରେ ଅନୁଷ୍କା ସେୟାର କଲେ ଏହି ଖାସ୍ ଫଟୋ

ବିରାଟ କୋହଲିଙ୍କ ଜନ୍ମଦିନ ନଭେମ୍ବର ୫କୁ ବହୁତ ଖାସ୍ କରିଛନ୍ତି ଅନୁଷ୍କା ଶର୍ମା । ସେ ଇନଷ୍ଟାରେ ଏକ ଖାସ୍ ଫଟୋ ସେୟାର କରିଛନ୍ତି । ଏଥିରେ ବିରାଟ କୋହଲି ନିଜର ଦୁଇ ପିଲାଙ୍କୁ ଧରିଥିବାର ନଜର ଆସିଛନ୍ତି । ଏହି ଫଟୋ ବିରାଟଙ୍କ ଫ୍ୟାନମାନଙ୍କୁ ଖୁସି କରିଦେଇଛି ।

ଫଟୋରେ ବିରାଟ କେଉଁଠି ବାହାରେ ବୁଲୁଥିବାର ଦେଖାଯାଉଛନ୍ତି । ସେ ପୁଅ ଅକାୟକୁ ବେବି କ୍ୟାରିୟର ସହାୟତାରେ ଧରିଛନ୍ତି । ସେପଟେ ଝିଅ ଭାମିକାଙ୍କୁ ମଧ୍ୟ ଅନ୍ୟ ହାତରେ ଧରିଛନ୍ତି । ଦୁଇ ପିଲାଙ୍କ ପାଇଁ ବିରାଟ ଜଣେ ଗର୍ବିତ ବାପା ପରି ହସୁଥିବାର ଦେଖାଯାଉଛନ୍ତି ।

ହେଲେ ଏହି ଫଟୋରେ ଅନୁଷ୍କା ପିଲାମାନଙ୍କ ଚେହେରାକୁ ଇମୋଜି ଦ୍ୱାରା ଲୁଚାଇଛନ୍ତି । ଫଟୋ ସେୟାର କରି ସେ ଏହା ଉପରେ ହାର୍ଟ ଇମୋଜି ଦେଇଛନ୍ତି ।

ଅନୁଷ୍କା ଶର୍ମା ଯେମିତି ହିଁ ଫଟୋ ସେୟାର କରିଛନ୍ତି, ଫ୍ୟାନମାନେ କମେଣ୍ଟ ଉପରେ କମେଣ୍ଟ ଗଦା କରିଛନ୍ତି । ୟୁଜରମାନେ କୋହଲିଙ୍କୁ ପରଫେକ୍ଟ ଫାଦରର ଟ୍ୟାଗ ଦେଇଛନ୍ତି । ଏହାସହିତ ବିରାଟଙ୍କ ପୁଅଝିଅଙ୍କୁ ପ୍ରିନ୍ସ ଓ ପ୍ରିନ୍ସେସ ଟ୍ୟାଗ ମଧ୍ୟ ଦେଇଛନ୍ତି ।

ଜଣେ ୟୁଜର ଲେଖିଛନ୍ତି, ‘ସେମାନଙ୍କୁ କାହାର ନଜର ନ ଲାଗୁ’ । ଆଉ ଜଣେ ଦୁଇ ପିଲାଙ୍କୁ ‘କ୍ୟୁଟ’ ବୋଲି କହିଛନ୍ତି । ଏହି ଦମ୍ପତି ନିଜ ପିଲାମାନଙ୍କୁ ସୋସିଆଲ ମିଡିଆ ଓ ପାପାରାଜିଠାରୁ ଦୂରେଇ ରଖନ୍ତି । ସେମାନଙ୍କ ପାଇଁ ପିଲାମାନଙ୍କ ପ୍ରାଇଭେସି ଆଗ । ଦୁହେଁ ପିଲାମାନଙ୍କ ସହିତ ଲଣ୍ଡନରେ ରହୁଛନ୍ତି ।