ନୂଆଦିଲ୍ଲୀ : ପୁଣି ଅଡୁଆରେ ଭାରତୀୟ କ୍ରିକେଟ୍ ଟିମ୍ର ପେସ୍ ବୋଲର୍ ମହମ୍ମଦ ସାମି । ସାମି ଓ ତାଙ୍କ ଭାଇଙ୍କ ନାଁରେ ଓ୍ଵାରେଣ୍ଟ ଜାରି ହୋଇଛି । ଘରୋଇ ହିଂସା ଅଭିଯୋଗ ଆଣିଥିଲେ ସାମିଙ୍କ ପତ୍ନୀ ହସିନ୍ ଜାହାଁ । ଏହି ଅଭିଯୋଗ ଅନୁଯାୟୀ ପଶ୍ଚିମବଙ୍ଗର ଆଲିପୁର ସ୍ଥିତ କୋର୍ଟ ସାମି ଏବଂ ତାଙ୍କ ଭାଇ ହାସିଦ ଅହମଦଙ୍କ ନାଁରେ ଏହି ଓ୍ଵାରେଣ୍ଟ ଜାରି କରିଛନ୍ତି । ୧୫ ଦିନ ଭିତରେ କୋର୍ଟରେ ଆସି ଆତ୍ମସମର୍ପଣ ନକଲେ ସେମାନଙ୍କୁ ଗିରଫ କରାଯିବ ବୋଲି ନିର୍ଦ୍ଦେଶ ରହିଛି । ତେବେ ସାମି ଏବେ ଭାରତୀୟ ଦଳ ସହିତ େଓ୍ଵଷ୍ଟଇଣ୍ଡିଜ୍ରେ ଟେଷ୍ଟ ସିରିଜ୍ ଖେଳୁଛନ୍ତି ।
West Bengal: Alipore court issues arrest warrant against Indian cricketer Mohammad Shami and his brother Hasid Ahmed in connection with domestic violence case filed by his wife Hasin Jahan. The court has asked him to surrender within 15 days pic.twitter.com/0LKn8ivCOl
— ANI (@ANI) September 2, 2019
ଗତ ମାର୍ଚ୍ଚ ମାସରେ ପତ୍ନୀ ହସିନ ଜାହାଁ ସାମିଙ୍କ ବିରୋଧରେ ଯୌତୁକ ନିର୍ଯାତନା ଓ ଯୌନ ନିର୍ଯାତନା ଅଭିଯୋଗ ଆଣିଥିଲେ । ଏହା ପୂର୍ବରୁ ହସିନ୍ ଗୁରୁତର ଅଭିଯୋଗ ଆଣି ସାମିଙ୍କ ବଡ଼ ଭାଇ ତାଙ୍କ ସହ ଦୁଷ୍କର୍ମ କରିଥିବା କଥା ମଧ୍ୟ କହିଥିଲେ । ଏମିତିକି ସାମି ମ୍ୟାଚ୍ଫିକ୍ସିଂ କରନ୍ତି ବୋଲି ମଧ୍ୟ ସେ କହିବାକୁ ପଛାଇ ନଥିଲେ । ଯାହାକୁ ବିସିସିଆଇ ଯାଞ୍ଚ ପରେ ଖାରଜ କରି ଦେଇଥିଲା । ପରେ ବିଭିନ୍ନ ଅଭିଯୋଗ ସବୁକୁ ସେ ଫେସ୍ବୁକ୍ରେ ଛାଡ଼ିଥିଲେ । ଶେଷରେ ଏମିତି ହେଲା ଯେ ଫେସ୍ବୁକ୍ ତାଙ୍କର ଆକାଉଣ୍ଟ ଡିଲିଟ୍ କରିଦେଲା । ଏବେ ଦେଖିବାର ଅଛି ଅଦାଲତଙ୍କ ଗିରଫ ପରଓ୍ଵାନାର କଣ ଜବାବ ଦେଉଛନ୍ତି ସାମି ।