photo: Times Now
ଟି-୨୦ ବିଶ୍ୱକପ୍ ୨୦୨୨ର ହୋଷ୍ଟ୍ ଟିମ୍ ଅଷ୍ଟ୍ରେଲିଆକୁ ବଡ଼ ଝଟକା ଲାଗିଛି। ଟିମ୍ର ଷ୍ଟାର ଲେଗ୍-ସ୍ପିନର ଆଡମ୍ ଜାମ୍ପା କୋଭିଡ୍-୧୯ ପଜିଟିଭ ବାହାରିଛନ୍ତି। ଏଥିଯୋଗୁ ଶ୍ରୀଲଙ୍କା ବିପକ୍ଷ ମ୍ୟାଚ୍ରୁ ସେ ବାହାରି ଯାଇଛନ୍ତି। ଏମିତିରେ କୋଭିଡ୍ ପଜିଟିଭ ହେବା ସତ୍ତ୍ୱେ ଜାମ୍ପା ମ୍ୟାଚ୍ରେ ଭାଗ ନେଇ ପାରି ଥାଆନ୍ତେ। କାହିଁକି ନା, ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି)ର ନୂଆ ନିୟମ ଏମିତି ଖେଳାଳିମାନଙ୍କୁ ମ୍ୟାଚ୍ରେ ଭାଗ ନେବାକୁ ମନା କରେ ନାହିଁ।
ନିକଟରେ ଆୟରଲାଣ୍ଡର ଜର୍ଜ ଡାକ୍ରେଲ କୋଭିଡ୍ ପଜିଟିଭ ମିଳିବା ସତ୍ତ୍ୱେ ଶ୍ରୀଲଙ୍କା ବିପକ୍ଷ ମ୍ୟାଚ୍ରେ ଖେଳିଥିଲେ। କିନ୍ତୁ ଅଷ୍ଟ୍ରେଲିଆ ଟିମ୍ ଜାମ୍ପାଙ୍କୁ ନ ଖେଳାଇବାକୁ ନିଷ୍ପତ୍ତି ନେଇଥିଲା ଏବଂ ତାଙ୍କ ଜାଗାରେ ଏସ୍ଟନ ଏଗରଙ୍କୁ ଖେଳିବାର ମଉକା ମିଳିଲା।
ଗତ ଟି-୨୦ ବିଶ୍ୱକପ୍ରେ କେବଳ ଗୋଟିଏ ମ୍ୟାଚ ଖେଳିଥିବା ଏଗର ଭାରତ ବିପକ୍ଷ ଅଭ୍ୟାସ୍ ମ୍ୟାଚ୍ରେ ଖେଳିଥିଲେ। ଅଷ୍ଟ୍ରେଲିଆ ଟିମ୍କୁ ସିଡ୍ନୀରେ ନିଜର ପ୍ରଥମ ମ୍ୟାଚ୍ରେ ନ୍ୟୁଜିଲାଣ୍ଡ ବିପକ୍ଷରେ ୮୯ ରନ୍ରେ ହାରିବାକୁ ପଡ଼ିଥିଲା।
କହି ରଖୁଛୁ, ଆଇସିସି ନିକଟରେ ଘୋଷଣା କରିଥିଲା କି, ଯେଉଁ ଖେଳାଳି କୋଭିଡ୍-୧୯ ପାଇଁ ସକାରାତ୍ମକ ପରୀକ୍ଷା କରିବେ, ସେମାନଙ୍କୁ ବି ଟି-୨୦ ବିଶ୍ୱକପ୍ ମ୍ୟାଚ୍ଗୁଡ଼ିକରେ ଭାଗ ନେବା ପାଇଁ ଅନୁମତି ମିଳିବ। ଏହା ବ୍ୟତୀତ ମଧ୍ୟ ନିୟମଗୁଡ଼ିକରେ ଢିଲା ଦିଆଯାଇଛି। ଟୁର୍ନାମେଣ୍ଟ ସମୟରେ ଖେଳାଳିମାନଙ୍କୁ ଅନିବାର୍ଯ୍ୟ କୋଭିଡ୍ ଟେଷ୍ଟ ପାଇଁ ବାଧ୍ୟ କରାଯିବ ନାହିଁ। ଏହାଛଡ଼ା ଯଦି କେହି ଖେଳାଳି ଭୟଙ୍କର ଭାଇରସ୍ର ଶିକାର ହେଉଛନ୍ତି, ତ ତାଙ୍କୁ ମଧ୍ୟ ବାଧ୍ୟତାମୂଳକ ଭାବେ ଆଇସୋଲେସନ ପରିୟଡ୍ ଦେଇ ଯିବାକୁ ପଡ଼ିବ ନାହିଁ।
ସେହିପରି କୌଣସି ଖେଳାଳିଙ୍କ ଆର୍ଟି-ପିସିଆର୍ ଟେଷ୍ଟ ରିପୋର୍ଟ ଯଦି ପଜିଟିଭ୍ ଆସୁଛି, ତ ଟିମ୍କୁ ଦଳରେ ପରିବର୍ତ୍ତନ କରିବାକୁ ଅନୁମତି ମିଳିବ। ପରେ ଟେଷ୍ଟ୍ ରିପୋର୍ଟ ନେଗେଟିଭ୍ ଆସିବା ପରେ ସେହି ଖେଳାଳି ସ୍କ୍ଵାଡ୍ ସହ ଯୋଡ଼ି ହୋଇ ପାରିବେ। ସୂଚନାଥାଉ କି, ଏମିତି ହିଁ କିଛି ନିୟମ ବର୍ମିଂହମ୍ରେ ଖେଳା ଯାଇଥିବା ରାଜ୍ୟଗୋଷ୍ଠୀ କ୍ରୀଡ଼ା ୨୦୨୨ ସମୟରେ ଦେଖିବାକୁ ମିଳିଥିଲା।
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…