Photo credit: Circle Of Cricket
ଟେଷ୍ଟ କ୍ରିକେଟ ଖେଳୁଥିବା ଖେଳାଳିଙ୍କ ପାଇଁ ବିସିସିଆଇ ବଡ ଘୋଷଣା କରିଛି । ଭାରତ ଇଂଲଣ୍ଡ ବିପକ୍ଷ ଟେଷ୍ଟ ସିରିଜକୁ ୪-୧ରେ ବିଜୟୀ ହୋଇଛି । ଭାରତୀୟ ଟିମ୍ ଧର୍ମଶାଳାରେ ଏହି ମ୍ୟାଚ ଜିତିବା ପରେ ବିସିସିଆଇ ସଚିବ ଜୟ ଶାହ ଏକ ପୋଷ୍ଟ ଜାରି କରିଛି । ଭାରତୀୟ ଟିମର କ୍ରିକେଟରଙ୍କ ପାଇଁ ‘ଟେଷ୍ଟ କ୍ରିକେଟ ପ୍ରୋତ୍ସାହନ ଯୋଜନା’ ଭାରତୀୟ କ୍ରିକେଟ ବୋର୍ଡ ସଚିବ ଜୟ ଶାହ ଘୋଷଣା କରିଛନ୍ତି । ଏହାଦ୍ୱାରା ଟେଷ୍ଟ ମ୍ୟାଚ ଖେଳୁଥିବା ଖେଳାଳିଙ୍କୁ ମ୍ୟାଚ୍ ଫିର ଅତିରିକ୍ତ ପଇସା ମଧ୍ୟ ମିଳିବ ।
ବିସିସିଆଇ ସଚିବ ଜୟ ଶାହ X ରେ କହିଛନ୍ତି ‘ପୁରୁଷ ଟିମ୍ ପାଇଁ ‘ଟେଷ୍ଟ କ୍ରିକେଟ ଇନସେଣ୍ଟିଭ ଯୋଜନା’ ଘୋଷଣା କରି ବହୁତ ଖୁସି । ଏହାର ମୂଳ ଉଦ୍ଦେଶ୍ୟ ଆମ ଖେଳାଳିଙ୍କୁ ଆର୍ଥିକ ବିକାଶ ଏବଂ ସ୍ଥିରତା ପ୍ରଦାନ କରିବା । ୨୦୨୨-୨୩ ସିଜନରୁ ଆରମ୍ଭ ହୋଇ ‘ଟେଷ୍ଟ କ୍ରିକେଟ ପ୍ରୋତ୍ସାହନ ଯୋଜନା’ ଟେଷ୍ଟ ମ୍ୟାଚ୍ ଫି’ ପରେ ଅତିରିକ୍ତ ପୁରସ୍କାର ଭାବରେ ପାଇବେ ଭାରତୀୟ ଟିମର ଷ୍ଟାର କ୍ରିକେଟର । ଏହି ମୂଲ୍ୟ ପାଇଁ ପୁରସ୍କାର ରାଶି ୧୫ ଲକ୍ଷ ଟଙ୍କା ଧାର୍ଯ୍ୟ କରାଯାଇଛି ।
କୌଣସି ସିଜନରେ ୭ କିମ୍ବା ୭ରୁ ଅଧିକ ଟେଷ୍ଟ ମ୍ୟାଚରେ ସାମିଲ ହୋଇଥିବା ଖେଳାଳିଙ୍କ ପାଇଁ ଏହି ଘୋଷଣା କରାଯାଇଛି । ପ୍ରତ୍ୟେକ ମ୍ୟାଚ ପାଇଁ ଖେଳାଳିମାନଙ୍କୁ ୧୫ ଲକ୍ଷ ଟଙ୍କାର ଫି’କୁ ବୃଦ୍ଧି କରି ୪୫ ଲକ୍ଷ ଟଙ୍କା କରିଛି ବିସିସିଆଇ । ସେହିପରି ୫୦% ମ୍ୟାଚରେ ପ୍ଲେଇଂ -୧୧ରେ ସ୍ଥାନ ପାଇଥିବା ଖେଳାଳିମାନଙ୍କୁ ମୋଟ ୩୦ ଲକ୍ଷ ପ୍ରତି ମ୍ୟାଚ୍ ମିଳିପାରିବ ।
ତେବେ ଅନ୍ୟ ଖେଳାଳିମାନଙ୍କ ମ୍ୟାଚ ପିଛା ୧୫ ଲକ୍ଷ ଟଙ୍କା ପ୍ରଦାନ କରାଯିବ । ତେବେ ଯଦି କୌଣସି ଖେଳାଳି ୫୦% ମ୍ୟାଚରୁ କମ୍ ଖେଳିଛନ୍ତି, ତେବେ ତାଙ୍କୁ କୌଣସି ଇନସେଣ୍ଟିଭ ମିଳିପାରିବ ନାହିଁ । ଏ ନେଇ ବିସିସିଆଇ ସଚିବ ଜୟ ଶାହ ସୂଚନା ଦେଇଛନ୍ତି ।
ନିକଟ ଅତୀତରେ କିଛି ଖେଳାଳି ଟେଷ୍ଟ କ୍ରିକେଟ ଏବଂ ଘରୋଇ କ୍ରିକେଟ ଖେଳିବାକୁ ପସନ୍ଦ କରୁନାହାନ୍ତି । ଖେଳାଳି ଆଇପିଏଲ୍ ଖେଳିବାକୁ ପସନ୍ଦ କରୁଛନ୍ତି । ତେଣୁ ବିସିସିଆଇ ଟେଷ୍ଟ କ୍ରିକେଟ ପାଇଁ ଏଭଳି ଯୋଜନା ଘୋଷଣା କରିଛି ।
ଭୁବନେଶ୍ୱର(କେନ୍ୟୁଜ୍): ରଥଯାତ୍ରା ପାଇଁ ଓଏସଆରଟିସି ପକ୍ଷରୁ ହେବ ଏହି ସ୍ୱତନ୍ତ୍ର ବ୍ୟବସ୍ଥା । ପ୍ରତି ବ୍ଲକ ହେଡକ୍ୱାର୍ଟରରୁ ପୁରୀକୁ ଗଡିବ…
ଫ୍ୟାନ୍ସ ଉତ୍ସାହର ସହିତ ପ୍ରଭାସଙ୍କ ଫିଲ୍ମ ‘କଲ୍କୀ 2898 AD’କୁ ଅପେକ୍ଷା କରିଛନ୍ତି । ଏହି ଫିଲ୍ମଟି ଜୁନ୍ ୨୭ରେ…
ପୋଲିସ ବାବୁଙ୍କୁ ମହଙ୍ଗା ପଡ଼ିଲା ପରକୀୟା ପ୍ରେମ । ପ୍ରେମ କରି ଫସିଲେ ପୋଲିସ ବାବୁ। ହୋଟେଲ ରୁମ୍ରୁ ପ୍ରେମିକା…
କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କୁ ଦଳ ବଡ଼ ଦାୟିତ୍ୱ ହସ୍ତାନ୍ତର କରିଛି । ତାଙ୍କୁ…
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…