ଅଲମ୍ପିକ୍ସରେ ସାମିଲ ହେବ ବ୍ରେକ୍ ଡ୍ଯାନ୍ସ, ଏହି କାରଣ ଯୋଗୁଁ ଅନ୍ତର୍ଜାତୀୟ ଅଲମ୍ପିକ୍ କମିଟି ନେଲା ନିଷ୍ପତ୍ତି
୨୦୨୪ ପ୍ୟାରିସ୍ ଅଲିମ୍ପିକ୍ସରେ ନୂଆକରି ସାମିଲ୍ ହେବ ବ୍ରେକ୍ ଡ୍ୟାନ୍ସ କ୍ରୀଡ଼ା । ଅନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି)ର କାର୍ଯ୍ୟକାରୀ ବୋର୍ଡ଼ ବୈଠକରେ ଏହି କ୍ରୀଡ଼ାକୁ ସାମିଲ୍ କରାଯିବା ନେଇ ନିଷ୍ପତ୍ତି ହୋଇଛି । ବ୍ରେକ୍ଡ୍ୟାନ୍ସିଂ ବ୍ୟତୀତ ସ୍କେଟ୍ବୋର୍ଡ଼ିଂ, ସର୍ଫିଙ୍ଗ୍ ଏବଂ ସ୍ପୋର୍ଟ କ୍ଲାଇମ୍ବିଂ କ୍ରୀଡ଼ା ମଧ୍ୟ ସାମିଲ୍ ହେବ । ପୂର୍ବରୁ ଏହି ୩ଟି ଯାକ କ୍ରୀଡ଼ାକୁ ଟୋକିଓ ଅଲିମ୍ପିକ୍ସ ୨୦୨୦ରେ ସାମିଲ କରାଯାଇଥିଲା । କିନ୍ତୁ କରୋନା ମହାମାରୀ ପାଇଁ ଟୋକିଓ ଅଲିମ୍ପିକ୍ସକୁ ବର୍ଷେ ଘୁଞ୍ଚାଇ ଦିଆଯାଇଛି ।
୧୯୭୦ରେ ନ୍ୟୁୟର୍କର ସାଉଥ୍ ବ୍ରୋନ୍ସରେ ହିପ୍ ହକ୍ ଡ୍ୟାନ୍ସ ସହ ବ୍ରେକ୍ଡ୍ୟାନ୍ସର ଆରମ୍ଭ ହୋଇଥିଲା । ୨୦୧୮ ଯୁବ ଅଲିମ୍ପିକ୍ସରେ ବ୍ରେକିଂ କ୍ରୀଡ଼ା ଭାବେ ଏହାକୁ ସାମିଲ୍ କରାଯାଇଥିଲା । ରୁଷିଆର ସର୍ଗେଈ ଚେର୍ନିସେଭ୍ ବାଳକ ବିଭାଗରେ ଏବଂ ଜାପାନର ରାମୁ କାୱାଇ ବାଳିକା ବିଭାଗରେ ପ୍ରଥମ ସ୍ୱର୍ଣ୍ଣ ପଦକ ବିଜୟୀ ହୋଇଥିଲେ ।
ପ୍ଯାରିସ ଆୟୋଜନ ଦୁଇବର୍ଷ ପୂର୍ବରୁ ଯୁବଗୋଷ୍ଠୀ ଖେଳକୁ ସଫଳ ଟ୍ରାଏଲ କରିବା ପରେ ଏହି ପ୍ରସ୍ତାବ ରଖିଥିଲା। ଆଇଓସି ବୋର୍ଡ ଏହାକୁ ପରେ ମଞ୍ଜୁରୀ ଦେଲା। ସର୍ଫିଂର ଆୟୋଜନ ମଧ୍ୟ ୧୫୦୦୦ କିଲୋମିଟର ଦୂର ପ୍ରଶାନ୍ତ ମହାସାଗରର ତାହିତି କୂଳରେ ହେବ।