ସାଉଥର ଏହି ଅଭିନେତ୍ରୀଙ୍କ ପ୍ରେମର ପିଚରେ ପଡିଲେ ଜସପ୍ରୀତ ବୁମରାହ
ସାଉଥର ଏହି ଅଭିନେତ୍ରୀ ଟିମ ଇଣ୍ଡିଆର କ୍ରିକେଟର ଜସପ୍ରୀତ ବୁମରାହଙ୍କୁ ପ୍ରେମର ପିଚରେ ବୋଲ୍ଡ କରିଦେଇଛନ୍ତି। ମିଡିଆରେ ଚାଲୁଥିବା ଖବର ଅନୁଯାୟୀ ବୁମରାହଙ୍କର ନାମ ସାଉଥ୍ ଅଭିନେତ୍ରୀ ଅନୁପମା ପରମେଶ୍ୱରଣଙ୍କ ସହିତ ଯୋଡା ଯାଉଛି।
ରିପୋର୍ଟ ଅନୁଯାୟୀ ଜସପ୍ରୀତ ବୁମରାହ ଏବଂ ଅନୁପମା ପାମେଶ୍ୱରଣ ଉଭୟ ଡେଟ କରୁଛନ୍ତି। ଦୁହିଁଙ୍କ ସମ୍ପର୍କର ଚର୍ଚ୍ଚା ସେବେଠାରୁ ହେଲା ଯେବେଠାରୁ ଜସପ୍ରୀତ ବୁମରାହ ଅନୁପମା ପରମେଶ୍ୱରଣଙ୍କୁ ଟ୍ଵିଟରରେ ଫଲୋ କରିବା ଆରମ୍ଭ କରିଛନ୍ତି।
ଅନୁପମା ପରମେଶ୍ୱରଣ ୨୦୧୫ରେ ମାଲାୟଲାମ ଫିଲ୍ମ ‘ପ୍ରେମମ’ରୁ ଡେବ୍ୟୁ କରିଥଲେ। ଏହାପରେ ଅନୁପମା ୨୦୧୬ରେ ତେଲୁଗୁ ଫିଲ୍ମରେ ଡେବ୍ୟୁ କଲେ। ଏବେ ସେ ଆସିଷ୍ଟାଣ୍ଟ ଡାଇରେକ୍ଟର ଭାବରେ ଏକ ପ୍ରୋଡକସନ ହାଉସ ସହିତ କାମ କରୁଛନ୍ତି।
ଏହାପୂର୍ବରୁ ଜସପ୍ରୀତ ବୁମରାହଙ୍କର ନାମ ରାଶି ଖନ୍ନାଙ୍କ ସହିତ ଯୋଡା ଯାଇଥିଲା। ଦୁହେଁ ରିଲେସନସିପରେ ଥିବା ଖବର ଆସିଥିଲା। କିନ୍ତୁ ରାଶି କହିଥିଲେ ମୁଁ କେବଳ ବୁମରାହଙ୍କୁ ଭଲ ଖେଳାଳି ବୋଲି ଜାଣିଛି ଏହାଠାରୁ ଅଧିକ ମୁଁ ତାଙ୍କ ବିଷୟରେ ଜାଣିନାହିଁ।
ଜସପ୍ରୀତ ବୁମରାହ ବିଶ୍ୱକପ ୨୦୧୯ରେ ବହୁତ ଭଲ ପ୍ରଦର୍ଶନ କରିଛନ୍ତି। ଅଷ୍ଟ୍ରେଲିଆ ବିପକ୍ଷରେ ସେ ଚମକପୂର୍ଣ୍ଣ ପ୍ରଦର୍ଶନ କରି ତିନି ଓ୍ଵିକେଟ ହାତେଇଥିଲେ।