ବୁମରାଙ୍କ ପରେ ବାପା ହେଲେ ରାହୁଲ ତିଓ୍ଵାତିଆ, କନ୍ୟା ସନ୍ତାନକୁ ଜନ୍ମ ଦେଲେ ପତ୍ନୀ ରିଦ୍ଧି
କନ୍ୟା ସନ୍ତାନର ବାପା ହେଲେ ରାହୁଲ ତିଓ୍ଵାତିଆ । ରାହୁଲଙ୍କ ପତ୍ନୀ ରିଦ୍ଧି କନ୍ୟା ସନ୍ତାନକୁ ଜନ୍ମ ଦେଇଛନ୍ତି । ସୋସିଆଲ ମିଡିଆରେ ଝିଅର ଫଟୋ ସେୟାର କରି ଖୁସି ଖବର ଜଣାଇଛନ୍ତି ତିଓ୍ଵାତିଆ ।
ଭାରତୀୟ କ୍ରିକେଟ ଫ୍ୟାନ୍ସଙ୍କ ପାଇଁ ଆଉ ଏକ ଖୁସି ଖବର । ଯଶପ୍ରୀତ ବୁମ୍ରାଙ୍କ ପରେ ବାପା ହୋଇଛନ୍ତି ଖେଳାଳି ରାହୁଲ ତିୱାତିଆ । ମଙ୍ଗଳବାର ତିୱାତିଆଙ୍କ ପତ୍ନୀ ରିଦ୍ଧି ପନ୍ନୁ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। ବୁମ୍ରା ଓ ତାଙ୍କ ପତ୍ନୀ ସଂଜନା ଦୁଇ ଦିନ ତଳେ ପୁତ୍ର ଅଙ୍ଗଦକୁ ଜନ୍ମ ଦେଇଥିଲେ।
ତିୱାତିଆ ନିଜ ଇନଷ୍ଟାଗ୍ରାମ ପେଜରେ ନବଜାତକ ଝିଅର ଦୁଇ ପାଦର ଫଟୋ ଛାଡ଼ି ଏହି ଖୁସି ଖବର ଦେଇଛନ୍ତି। ସେ ଲେଖିଛନ୍ତି ଯେ ‘ଆଜି, ଆମେ ଦୁଇରୁ ତିନି ହେଲୁ। ସେ ଆଜି ଏଠାରେ। ବହୁତ ସୁନ୍ଦର।’
ତିୱାତିଆ ଖୁସି ଖବର ସେୟାର କରିବା ପରେ ତାଙ୍କୁ ୟୁଝବେନ୍ଦ୍ର ଚହଲ, ଋଷଭ ପନ୍ତ, ଅକ୍ଷର ପଟେଲଙ୍କ ସହିତ ଅନ୍ୟ ଖେଳାଳି ଶୁଭେଚ୍ଛା ଜଣାପଇଛନ୍ତି ।
View this post on Instagram
ଗୁଜରାଟ ଟାଇଟନ୍ସର ଅଲରାଉଣ୍ଡର ହେଲେ ରାହୁଲ ତିଓ୍ଵାତିଆ । ଦୁହେଁ ପରସ୍ପରକୁ କିଛିଦିନ ଡେଟ୍ କରିବା ପରେ ରାହୁଲ ୨୦୨୧ରେ ରିଦ୍ଧିଙ୍କୁ ବିବାହ କରିଥିଲେ ।
ସୂଚନାଯୋଗ୍ୟ, ରାହୁଲ ତିଓ୍ଵାତିଆ ଘରୋଇ କ୍ରିକେଟରେ ହରିୟାଣା ଏବଂ ଆଇପିଏଲରେ ଗୁଜରାଟ ଟାଇଟନ୍ସ ପାଇଁ ଖେଳୁଥିଲେ । ୨୦୨୧ରେ ଇଂଲଣ୍ଡ ବିପକ୍ଷରେ ଘରୋଇ ଟି୨୦ ସିରିଜରେ ଭାରତ ପାଇଁ ପ୍ରଥମ ଥର ଅର୍ନ୍ତରାଷ୍ଟ୍ରୀୟ ମ୍ୟାଚ୍ ଖେଳିଥିଲେ । ଆଇପିଏଲରେ ୮୧ଟି ମ୍ୟାଚ ଖେଳି ୮୨୫ ରନ କରିଥିବା ବେଳେ ୩୨ ଓ୍ଵିକେଟ ନେଇସାରିଛନ୍ତି ।