ଭୁବନେଶ୍ୱର : ସହିଦ ସ୍ପୋର୍ଟିଂ ମାରୁତି ଇଷ୍ଟେଟ୍ ଇଣ୍ଡିଆ କ୍ରିକେଟର ଅଫ୍ ଦ ଇୟର ପୁରସ୍କାରର ୨୦୧୯-୨୦ ସିଜିନ୍ ପାଇଁ ବିଜେତାଙ୍କ ନାମ ଘୋଷଣା କରାଯାଇଛି । ଗତ ସିଜିନରେ ସଫଳତା ଅର୍ଜନ କରିଥିବା ଦେବାଶିଷ ସାମନ୍ତରାୟ ଏବଂ ସୁଶ୍ରୀ ଦିବ୍ୟଦର୍ଶିନୀଙ୍କୁ ମନୋନୟନ କମିଟି ଯଥାକ୍ରମେ ପୁରୁଷ ଓ ମହିଳା କ୍ରିକେଟର ଅଫ୍ ଦ ଇୟର ପୁରସ୍କାର ପାଇଁ ମନୋନୀତ ହୋଇଛନ୍ତି ।
୨୦୧୯-୨୦ ସିଜିନରେ ବେଶ ସଫଳ ରହିଥିଲେ ବାମହାତୀ ବ୍ୟାଟ୍ସମ୍ୟାନ ଦେବାଶିଷ ସାମନ୍ତରାୟ। ରଣଜୀ ଟ୍ରଫିରେ ସେ ୮ଟି ମ୍ୟାଚ୍ ଖେଳି ୧୨ଟି ଇନିଂସରେ ୫୩.୫୦ ହାରରେ ମୋଟ୍ ୫୩୫ ରନ୍ ସ୍କୋର କରିଥିଲେ। ସେଥିରେ ୨ଟି ଶତକ ଓ ୨ଟି ଅର୍ଦ୍ଧଶତକ ରହିଛି । ୨ଟି ଛ’କା ସହ ସେ ମୋଟ୍ ୭୭ଟି ଚୌକା ମାରିଥିଲେ । ତାଙ୍କୁ ୨୮ତମ କ୍ରିକେଟ୍ ଅଫ୍ ଦ ଇୟର ପୁରସ୍କାର ପ୍ରଦାନ ସକାଶେ ନିଷ୍ପତ୍ତି ହୋଇଛି । ମହିଳା କ୍ରିକେଟ୍ରେ ଗତ ସିଜିନରେ ସୁଶ୍ରୀଙ୍କ ପ୍ରଦର୍ଶନ ଖୁବ୍ ଭଲ ରହିଥିଲା। ୫୦ ଓଭରିଆ ଏକଦିବସୀୟ ଜାତୀୟ ପ୍ରତିଯୋଗିତାରେ ଅଲରାଉଣ୍ଡର ସୁଶ୍ରୀ ୨୦୪ ରନ୍ ସ୍କୋର କରିବା ସହ ୮ଟି ମ୍ୟାଚରେ ୧୬ଟି ୱିକେଟ ଦଖଲ କରିଥିଲେ। ସିନିୟର ମହିଳା ଟି-୨୦ ଚ୍ୟାଲେଞ୍ଜ ଟ୍ରଫିରେ ଇଣ୍ଡିଆ ‘ବି’ ଦଳ ପକ୍ଷରୁ ଖେଳି ସେ ୪ଟି ମ୍ୟାଚରେ ୭ଟି ୱିକେଟ ପାଇଥିଲେ। ଏମର୍ଜିଂ ଏସିଆ କପ୍, ଏମର୍ଜିଂ ଇଣ୍ଡିଆ ଟିମ୍ ସହ ବାଂଲାଦେଶ ଗସ୍ତ ଏବଂ ଟି-୨୦ ଏମର୍ଜିଂ ଚତୁଃକୋଣୀୟ ମୁକାବିଲାରେ ଖୁବ୍ ସଫଳ ରହିଥିଲେ ସୁଶ୍ରୀ ଦିବ୍ୟଦର୍ଶିନୀ।
ଏହି ଦୁଇ ଖେଳାଳିଙ୍କୁ ପୁରସ୍କାର ସ୍ୱରୂପ ୩୧ ହଜାର ଟଙ୍କାର ଚେକ୍, ପ୍ରଶସ୍ତି ପତ୍ର ଏବଂ ଟ୍ରଫି ପ୍ରଦାନ କରାଯିବ ବୋଲି ଭୁବନେଶ୍ୱର ସହିଦ ସ୍ପୋର୍ଟିଂ କ୍ଲବର ସଂପାଦକ ପଙ୍କଜ ପଟ୍ଟନାୟକ ସୂଚନା ଦେଇଛନ୍ତି। ରାଜ୍ୟରେ କ୍ରିକେଟ ଖେଳାଳିମାନଙ୍କୁ ପ୍ରୋତ୍ସାହିତ କରିବା ଲକ୍ଷ୍ୟରେ ପ୍ରଦାନ ହେଉଥିବା ଏହି ଏକମାତ୍ର ବାର୍ଷିକ କ୍ରିକେଟ ପୁରସ୍କାର ୧୯୯୨-୯୩ ସିଜିନ୍ରୁ ଆରମ୍ଭ ହୋଇଥିଲା ।
କେନ୍ୟୁଜ (ବ୍ୟୁରୋ) : ବିଭାଗ ବଣ୍ଟନ ସରିଛି । ଏବେ ଦାୟିତ୍ୱ ନେବା ପରେ ମନ୍ତ୍ରୀମାନଙ୍କ ଆଗରେ ରହିବ ଅନେକ ଚ୍ୟାଲେଞ୍ଜ…
ପେଟ୍ରୋଲ ହେଉଛି ଏକ ଦୈନଦିନ ଖର୍ଚ୍ଚ । ଯେଉଁଠି ପାଇଁ ଆମେ ସବୁବେଳେ ଦର ଉପରେ ନଜର ରଖିଥାଉ ।…
କେନ୍ୟୁଜ (ବ୍ୟୁରୋ) : ସୁନା କିଣିବାକୁ ଚାହୁଁଥିଲେ ପ୍ରଥମେ ଜାଣନ୍ତୁ ଦାମ୍ । ଆଜି ଭାରତୀୟ ବଜାରରେ ୨୪ କ୍ୟାରେଟ ସୁନା…
ସମ୍ବଲପୁର(କେନ୍ୟୁଜ): ନିର୍ବାଚନ ଜିତିବା ପରେ ପ୍ରଥମ ଥର ପାଇଁ ସମ୍ବଲପୁର ଗସ୍ତ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ମା…
ଭୁବନେଶ୍ୱର (କେନ୍ୟୁଜ): ଆଗକୁ ବଢୁଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଆସନ୍ତା ୩ରୁ ୪ଦିନ ମଧ୍ୟରେ କିଛି ଅଞ୍ଚଳକୁ…
ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପାଣି ପାଇଁ ହାହାକାର । ଅଧିକାଂଶ ସ୍ଥାନରେ ଜଳ ସଂକଟର ବିକଳ ଚିତ୍ର । ପାଇପରେ…