ପତ୍ନୀଙ୍କ ସହ ଡ୍ୟାନ୍ସ କରୁଥିବାର ନଜର ଆସିଲେ ଧୋନୀ, ଝିଅ ଜିଭା ମଧ୍ୟ ଦେଲେ ସାଥ୍
ଭାରତୀୟ ଟିମ୍ ର ପୂର୍ବ କ୍ୟାପଟେନ୍ ମହେନ୍ଦ୍ର ସିଂହ ଧୋନୀ ଏବେ ନିଜ ପରିବାର ସହ ଦୁବାଇରେ ସମୟ ବିତାଉଛନ୍ତି। ଧୋନୀଙ୍କ ପତ୍ନୀ ସାକ୍ଷୀଙ୍କ ଜନ୍ମଦିନ ଥିଲା ଗତ ସପ୍ତାହରେ । ଏହି ଦିନକୁ ଖାସ୍ କରିବା ପାଇଁ ଧୋନୀ ଦୁବାଇ ଯାଇଛନ୍ତି। ସୂଚନା ମୁତାବକ, ଗତ ୧୫ ଅଗଷ୍ଟରେ ଅନ୍ତରାଷ୍ଟ୍ରୀୟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। ଏହା ବ୍ୟତୀତ ଇଣ୍ଡିଆନ୍ ପ୍ରିମିୟର ଲିଗ ମଧ୍ୟ ଶେଷ ହୋଇସାରିଥିବାରୁ ମାହିଙ୍କୁ ଏବେ ଫୁରୁସତ୍ ହିଁ ଫୁରୁସତ୍ । ଆଇପିଏଲ୍ ଶେଷ ହେବା ପରେ ଧୋନୀ ରାଞ୍ଚି ଫେରିଥିଲେ, କିନ୍ତୁ କିଛି ଦିନ ପରେ ପୂନର୍ବାର ଦୁବାଇ ଚାଲିଯାଇଛନ୍ତି। ଏସବୁ ମଧ୍ୟରେ ଦୁବାଇରୁ ଧୋନୀଙ୍କର ଏକ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଧୋନୀଙ୍କର ଏହି ଭିଡିଓକୁ ଚେନ୍ନାଇ ସୁପରକିଂଗ୍ସ ସେୟାର କରିବା ସହ ମଜାଦାର୍ କ୍ୟାପସନ୍ ମଧ୍ୟ ଲେଖିଛନ୍ତି। ଏହି କ୍ୟାପସନ୍ ରେ ସିଏସକେ ଲେଖିଛନ୍ତି, ‘କ’ଣ ଏହି ଭିଡିଓକୁ ଦେଖି ଆମେ ନିଜ ହସ ରୋକିପାରିବୁ?’ ବିଲକୁଲ୍ ନୁହେଁ ’ । ସୂଚନା ମୁତାବକ, ଆଇପିଏଲ୍ ୨୦୨୦ ସମୟରେ ଏହା ଖୁବ୍ ଭାଇରାଲ ହୋଇଥିଲା। ଏଥିସହ ଚେନ୍ନାଇ ସୁପରକିଂଗ ସ୍ପଷ୍ଟ କରିଛି କି ଆଗାମୀ ସିଜନ୍ ଅର୍ଥାତ ଆଇପିଏଲ୍ ୨୦୨୧ ରେ ମଧ୍ୟ ଟିମ୍ ର କ୍ୟାପଟେନ୍ ମେହନ୍ଦ୍ର ସିଂହ ଧୋନୀ ହିଁ ରହିବେ।
