ବର୍ଡର ଗାଭାସ୍କର ସିରିଜ ପାଇଁ ପ୍ରସ୍ତୁତ ଷ୍ଟାର ଖେଳାଳି, ଭାରତୀୟ ସମ୍ଭାବ୍ୟ ଏକାଦଶରେ ମିଳିପାରେ ସ୍ଥାନ
ନଭେମ୍ବର ୮ ରୁ ଭାରତ ଏବଂ ସାଉଥ ଆଫ୍ରିକା ମଧ୍ୟରେ ୪ଟି ମ୍ୟାଚ ବିଶିଷ୍ଟ ଟି୨୦ ସିରିଜ ଖେଲାଯିବ । କିନ୍ତୁ ଏବେ ଖେଳ ପ୍ରେମୀଙ୍କ ନଜର ବର୍ଡର ଗାଭାସ୍କର ସିରିଜ ଉପରେ ରହିଛି । ଭାରତ-ଅଷ୍ଟ୍ରେଲିଆ ମଧ୍ୟରେ ୫ଟି ମ୍ୟାଚ ବିଶିଷ୍ଟ ସିରିଜ ୨୨ ନଭେମ୍ବରରୁ ଖେଳାଯିବ । ଏହି ମ୍ୟାଚ ପାଇଁ ଭାରତୀୟ ଟିମରେ ପରିବର୍ତ୍ତନ କରାଯାଇପାରେ । ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ପାଇଁ ଭାରତୀୟ ଟିମ ପ୍ଲେଇଂ ଇଲେଭେନରେ ଧ୍ରୁବ ଜୁରେଲଙ୍କୁ ସ୍ଥାନ ମିଳିପାରେ ବୋଲି ଚର୍ଚ୍ଚା ଚାଲିଛି ।
ଭାରତ ଏ ପାଇଁ ଖେଳୁଥିବା ଧ୍ରୁବ ଜୁରେଲ ଆଜି ୧୮୬ ବଲରେ ୮୦ ରନର ଇନିଂସ ଖେଳିଛନ୍ତି । ଏହି ଇନିଂସରେ ଧ୍ରୁବ ୨ଟି ଛକା ଏବଂ ୪ଟି ଚଉକା ମାରିଛନ୍ତି । ଟିମର ସଙ୍କଟମୋଚକ ସାଜିଥିଲେ ଧ୍ରୁବ । ଟପ୍ ଅର୍ଡର ଫେଲ ମାରିଥିବା ବେଳେ ଧ୍ରୁବ ନିଜ ବ୍ୟାଟିଂ ଜରିଆରେ ଟିମକୁ ସମ୍ମାନଜନକ ସ୍କୋରରେ ପହଞ୍ଚାଇଥିଲେ । ଧ୍ରୁବ ଏଭଳି ଖେଳିଲେ ଭାରତୀୟ ଟିମରେ ସୁଯୋଗ ମିଳିପାରେ ବୋଲି ଚର୍ଚ୍ଚା ଚାଲିଛି ।
ଧ୍ରୁବ ଟିମରେ ସାମିଲ ହେଲେ ସରଫରାଜ ଖାନଙ୍କୁ ଟିମରୁ ବାଦ୍ ଦିଆଯାଇପାରେ । ତେବେ ଧ୍ରୁବ ଏପର୍ଯ୍ୟନ୍ତ ଭାରତ ପାଇଁ ୩ଟି ଟେଷ୍ଟ ମାଚରେ ୪ଟି ଇନିଂସ ଖେଳିଛନ୍ତି । ଏହି ୪ଟି ଇନିଂସରେ ୧୯୦ ରନ୍ କରିଛନ୍ତି ଧ୍ରୁବ । ତାଙ୍କ ନାମରେ ଅର୍ଦ୍ଧଶତକ ରହିଛି । ଧ୍ରୁବ ନୁଜିଲାଣ୍ଡ ବିପକ୍ଷ ଟେଷ୍ଟ ସରିଜିରେ ନଥିଲେ । ତେବେ ଧ୍ରୁବଙ୍କୁ ଭାରତୀୟ ଟିମର ଚୟନକର୍ତ୍ତାଙ୍କ ନିଷ୍ପତ୍ତିକୁ ଅପେକ୍ଷା ରହିଛି ।