୩୪ ବର୍ଷରେ ପାଦ ଦେଲେ କିଙ୍ଗ କୋହଲି, ଜନ୍ମଦିନ ଅବସରରେ ସୋସିଆଲ ମିଡ଼ିଆରେ ଟ୍ରେଣ୍ଡ୍ କରୁଛି ଏହି ଅଜବ ହାଶ୍ଟ୍ୟାଗ୍
ମୁକଟ ବିହୀନ ସମ୍ରାଟ, ଭାରତୀୟ ସ୍କୋର ବୋର୍ଡର ରନ ମେସିନ, ବିଶ୍ୱ କ୍ରିକେଟର ବାଦାଶାହ, କିଙ୍ଗ କୋହଲିଙ୍କ ଆଜି ଜନ୍ମ ଦିନ। ନଭେମ୍ବର ୫ରେ ବିରାଟ କୋହଲି ୩୪ ବର୍ଷରେ ପାଦ ଦେଲେ। ଟି-୨୦ ବିଶ୍ୱକପ୍ ମ୍ୟାଚ୍ ପାଇଁ ବିରାଟ ଏବେ ଅଷ୍ଟ୍ରେଲିଆରେ ଅଛନ୍ତି। ତେବେ ତାଙ୍କ ଜନ୍ମଦିନର ଦିନକ ପୂର୍ବରୁ ସାରା ବିଶ୍ୱରେ ଥିବା ତାଙ୍କର ଫ୍ୟାନ୍ସ ବିରାଟଙ୍କୁ ଏକ ଜବରଦସ୍ତ ଗିଫ୍ଟ ଦେବା ପାଇଁ ଯୋଜନା କରିଛନ୍ତି। କେବଳ ଏତିକି ନୁହେଁ ପାକିସ୍ତାନର ବୋଲର ଶାହନୱାଜ ଦହାନୀ ତାଙ୍କୁ ଜନ୍ମଦିନରେ ଅଭିନନ୍ଦନ ଜଣାଇଛନ୍ତି। କିଙ୍ଗକୋହଲିଙ୍କୁ ଜନ୍ମଦିନ କାମନା କରିବା ପାଇଁ ସେ ୫ ନଭେମ୍ବର ତାରିଖ ପର୍ଯ୍ୟନ୍ତ ଅପେକ୍ଷା କରିପାରିବେ ନାହିଁ ବୋଲି ଦହାନୀ କହିଛନ୍ତି। ସେ କୋହଲିଙ୍କୁ GOAT (ସବୁ ସମୟର ଶ୍ରେଷ୍ଠ) ବୋଲି ବର୍ଣ୍ଣନା କରିଛନ୍ତି।
କୋହଲିଙ୍କ ସହ ଫଟୋ ସେୟାର କରି ଶାହନୱାଜ ଦହାନୀ ଟ୍ୱିଟରରେ ଲେଖିଛନ୍ତି, କ୍ରିକେଟ୍ ତିଆରି କରିଥିବା କଳାକାରଙ୍କୁ ମୁଁ ୫ ନଭେମ୍ବର ଅପେକ୍ଷା କରିପାରିବି ନାହିଁ। ବିରାଟ କୋହଲିଙ୍କୁ ଜନ୍ମଦିନର ଅନେକ ଅନେକ ଶୁଭେଚ୍ଛା। ଭାଇ ଆପଣ ଏହି ଦିନକୁ ଖୁବ ଉପଭୋଗ କରନ୍ତୁ ଏବଂ ଏହିପରି ଦୁନିଆକୁ ମନୋରଞ୍ଜନ କରୁଥାନ୍ତୁ।
Just couldn’t wait for 5th Nov to wish the artist who made cricket the most beautiful. Happy birthday @imVkohli the #GOAT𓃵. Enjoy your day brother & Keep entertaining the world. ❤️🎂. pic.twitter.com/601TfzWV3C
— Shahnawaz Dahani (@ShahnawazDahani) November 4, 2022
ସେହିପରି କିଙ୍ଗ କୋହଲିଙ୍କ ଜନ୍ମ ଦିନ ଅବସରରେ ତାଙ୍କର ଫ୍ୟାନ୍ସ/ଫଲୋର୍ସ ଟ୍ୱିଟରରେ ଏକ କ୍ୟାମ୍ପେନ ଚଲାଇଛନ୍ତି। ବିରାଟଙ୍କ ଜନ୍ମଦିନରେ ସମସ୍ତଙ୍କ ସୋସିଆଲ୍ ମିଡିଆ ପ୍ରୋଫାଇଲ୍ର ଫଟୋ ଏକା ଭଳି ହେବା ଉଚିତ୍। ଏନେଇ ଫ୍ୟାନ୍ସ ଏକ ହାଶ୍ଟ୍ୟାଗ୍ ଦେଇଛନ୍ତି ଓ ଏବେ ଏହି ଟ୍ୟାଗ୍ ସୋସିଆଲ୍ ମିଡିଆରେ #KingKohliBirthdayCDP ନାଁରେ ଟ୍ରେଣ୍ଡ୍ କରୁଛି। CDP ଅର୍ଥ କମନ୍ ଡିପି(Common DP)। ଅର୍ଥାତ୍ ସମସ୍ତଙ୍କର ପ୍ରୋଫାଇଲ୍ ଫଟୋ ସମାନ।
I never celebrate my birthday. Never. But I am going to celebrate Virat Kohli’s birthday. He gives us such joy with his batsmanship of pristine beauty. Bring the Cup as a return gift young man 🙂#KingKohliBirthdayCDP
— Vijay Lokapally 🇮🇳 (@vijaylokapally) November 4, 2022
Wishing you a very happy birthday Virat Kohli, Stay Blessed!! @imVkohli
Onwards and upwards 🥳#KingKohliBirthdayCDP #HappyBirthdayViratKohli #RjAlok pic.twitter.com/5OpCmbi77a— RJ ALOK (@OYERJALOK) November 4, 2022
ବିରାଟଙ୍କ ଫ୍ୟାନ୍ସ କ୍ରେଜ୍ କାହାକୁ ଅଛପା ନାହିଁ। ବିରାଟ ମଧ୍ୟ ଫ୍ୟାନ୍ସଙ୍କ ସହ ସବୁବେଳେ ଯୋଡ଼ି ହୋଇଥାନ୍ତି, ତା’ ଫିଲ୍ଡରେ ହେଉ କିମ୍ବା ଫିଲ୍ଡ ବାହାରେ। ଟିମ୍ ଇଣ୍ଡିଆର ଏହି ଷ୍ଟାର୍ ଖେଳାଳି ଫ୍ୟାନ୍ସଙ୍କ ହୃଦୟ ଜିତିବା ପାଇଁ ସବୁବେଳେ ଚେଷ୍ଟା କରିଥାନ୍ତି। ବର୍ତ୍ତମାନ ସେ ମଧ୍ୟ ଟି-20 ବିଶ୍ୱକପରେ ଧମଲା ମଚାଇଛନ୍ତି । ସେ ଏପର୍ଯ୍ୟନ୍ତ ୪ ଟି ମ୍ୟାଚ ମଧ୍ୟରୁ ୩ଟିରେ ଅର୍ଦ୍ଧଶତକ ହାସଲ କରିଛନ୍ତି। ହାରାହାରି ୨୨୦ ରେ ୨୨୦ ରନ୍ ସ୍କୋର କରିଛନ୍ତି । ଏହି କାରଣରୁ ଭାରତୀୟ ଦଳର ପ୍ରଦର୍ଶନ ମଧ୍ୟ ଭଲ ହୋଇଛି। ସେମାନେ ୪ ଟି ମ୍ୟାଚ୍ ମଧ୍ୟରୁ ୩ ଟି ଜିତିଛନ୍ତି ଏବଂ ଗ୍ରୁପ୍ ୨ ର ପଏଣ୍ଟ୍ ଟେବୁଲ୍ ଶୀର୍ଷରେ ଅଛନ୍ତି । ଦଳ ସେମିଫାଇନାଲର ନିକଟତର ହୋଇଛି।
ବିଶ୍ୱକପରେ ପାକିସ୍ତାନ ବିପକ୍ଷରେ କୋହିଲ ଅପରାଜିତ ୮୨ ରନର ପାଳି ଖେଳି ଦଳକୁ ରୋମାଞ୍ଚକର ବିଜୟ ପ୍ରଦାନ କରିଥିଲେ । ୧୯ ତମ ଓଭରରେ ଦ୍ରୁତ ବୋଲର ହରିସ ରୌଫଙ୍କ ଦୁଇଟି ବଲରେ ଦୁଇଟି ଛକା ସାରା କ୍ରିକେଟ ଜଗତରେ ସଦା ସ୍ମରଣୀୟ ହୋଇ ରହିବ । ସେହିପରି ସେହି ମ୍ୟାଚରେ କୋହଲିଙ୍କ ପାଳିକୁ ବାରମ୍ବାର ମନେ ପକାଇବେ କ୍ରିକେଟ ପ୍ରେମୀ । ତେବେ ବିରାଟ୍ ନିଜେ ମଧ୍ୟ ଏହାକୁ ତାଙ୍କର ସର୍ବୋତ୍ତମ ଇନିଂସ ବୋଲି ବର୍ଣ୍ଣନା କରିଛନ୍ତି । ସେ ଇଣ୍ଟରନ୍ୟାସନାଲ କ୍ରିକେଟରେ ୭୧ ଶତକ ହାସଲ କରିଛନ୍ତି ଏବଂ ଏହି ପ୍ରସଙ୍ଗରେ କେବଳ ସଚିନ ତେନ୍ଦୁଲକରଙ୍କ ପଛରେ ଅଛନ୍ତି । ରନ୍ ପଛରେ ଗୋଡ଼ାଇବା କ୍ଷେତ୍ରରେ, କୌଣସି ବ୍ୟାଟର ତାଙ୍କଠାରୁ ସର୍ବୋତ୍ତମ ରେକର୍ଡ କରିପାରି ନାହାନ୍ତି ।
