ଏସିଆନ ଚାମ୍ପିଅନ୍ସ ଟ୍ରଫି: ଭାରତୀୟ ଟିମର ଅପରାଜେୟ ବିଜୟ, ୩-୧ ରେ ହାରିଲା ସାଉଥ କୋରିଆ
ଏସିଆନ ଚାମ୍ପିଅନ୍ସ ଟ୍ରଫିରେ ଭାରତୀୟ ହକି ଟିମର କମାଲ ପ୍ରଦର୍ଶନ ଜାରି ରହିଛି । ଭାରତ ଆଜି ୪ର୍ଥ ମୁକାବିଲାରେ କୋରିଆକୁ ୩-୧ ଗୋଲରେ ମାତ ଦେଇଛି । ବୁଧବାର କ୍ରମାଗତ ହ୍ୟାଟ୍ରିକ ବିଜୟ ସହ ସେମିଫାଇନାଲରେ ନିଜର ସ୍ଥାନ ପକ୍କା କରି ସାରିଛି ଭାରତ । ଏବେ ଶେଷ ଗ୍ରୁପ ମ୍ୟାଚ୍ରେ ଭାରତୀୟ ହକି ଟିମ ଚୀରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ ।
ଡିଫେଣ୍ଡିଂ ଚାମ୍ପିୟନ ଭାରତ ପୂର୍ବ ମ୍ୟାଚ୍ ଗୁଡ଼ିକ ଭଳି ଆଜି ମଧ୍ୟ କୋରିଆ ବିପକ୍ଷରେ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା । ଆରମ୍ଭରୁ ହିଁ କୋରିଆକୁ ଦଳ ବ୍ୟାକଫୁଟରେ ରଖିଥିଲା । ମ୍ୟାଚ୍ର ୮ମ ମିନିଟରେ ଅରିଜିତ ସିଂହ ଭାରତ ପାଇଁ ଖାତା ଖୋଲିଥିଲେ । ଏହାର ଗୋଟିଏ ମିନିଟ ପରେ ଅଧିନାୟକ ହରମନପ୍ରୀତ ସିଂହ ଙ୍କ ଗୋଲ ଭାରତର ସ୍ଥିତିକୁ ୨-୦ କରି ଦେଇଥିଲେ ।
ଏହାପୂର୍ବରୁ ଚୀନକୁ ଭାରତ ୩-୦ରେ ହରାଇଥିଲା । ଦ୍ୱିତୀୟ ମ୍ୟାଚରେ ଜାପାନକୁ ୫-୧ରେ ହରାଇଥିଲା । ତୃତୀୟ ମ୍ୟାଚରେ ମାଲେସିଆକୁ ୮-୧ରେ ଧୂଳି ଚଟାଇଥିଲା ଭାରତ । ଚତୁର୍ଥ ମ୍ୟାଚ ୧୪ ତାରିଖରେ ଚୀରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ ଭାରତ ।
