ୱାଙ୍ଖଡେରେ ସମ୍ମାନ ବଞ୍ଚାଇବାକୁ ସଂଘର୍ଷ କରୁଛି ଭାରତ। ନ୍ୟୁଜିଲାଣ୍ଡଠାରୁ ଦୁଇଟି ଟେଷ୍ଟ ହାରିଥିବା ଭାରତ ତୃତୀୟ ଟେଷ୍ଟ ଜିତିବାକୁ ମୈଦାକୁ ଓହ୍ଲାଇ ସାରିଛି । ପ୍ରଥମ ଇନିଂସରେ ଦେଖିବାକୁ ମିଲିଥିବା ଭାରତୀୟ ସ୍ପିନରଙ୍କ ଯାଦୁ। ୨୩୫ରନରେ ସରିଛି ନ୍ୟୁଜିଲାଣ୍ଡର ପ୍ରଥମ ଇନିଂସ ।
ରବୀନ୍ଦ୍ର ଜାଡେଜା ୫ଟି ୱିକେଟ ନେଇଥିବା ବେଳେ ୱାସିଂଟନ ସୁନ୍ଦର ୪ଟି ୱିକେଟ ନେଇଥିଲେ । ନ୍ୟୁଜିଲାଣ୍ଡ ତରଫରୁ ଡାରେଲ ମିଚେଲ ଓ ୱିଲ୍ ୟଙ୍ଗ ଅର୍ଦ୍ଧ ଶତକ କରିଥିଲେ। ପ୍ରଥମ ଇନିଂସ ବ୍ୟାଟିଂ ଆରମ୍ଭରୁ ଭାରତକୁ ଝଟକା ଲାଗିଛି। ପ୍ରଥମ ଦିନ ଖେଳ ଶେଷ ସୁଦ୍ଧା ଭାରତ ୪ ୱିକେଟରେ ୮୬ ରନ୍ କରିଛି ।
ପୁଣି ଥରେ ନିରାଶ କରିଛନ୍ତି ଅଧିନାୟକ ରୋହିତ ଶର୍ମା ଓ ଭେଟେରାନ ବିରାଟ କୋହଲି । ରୋହିତ ୧୮ ରନ୍ କରି ଆଉଟ ହୋଇଥିବା ବେଳେ ବିରାଟ ୪ ରନ କରି ରନ୍ ଆଉଟ ହୋଇଛନ୍ତି । ପ୍ରଥମ ଦୁଇଟି ଟେଷ୍ଟରେ ମଧ୍ୟ ଉଭୟ ଖେଳାଳିଙ୍କ ପ୍ରଦର୍ଶନ ଭଲ ନଥିଲା । ନ୍ୟୁଜିଲାଣ୍ଡ ବିପକ୍ଷ ସିରିଜର ୫ଟି ଇନିଂସରେ ରୋହିତ ୭୯ ରନ୍ କରିଛନ୍ତି । ବିରାଟ କୋହଲି ୫ଟି ଇନିଂସରେ କରିଛନ୍ତି ୯୪ରନ୍ । ଉଭୟଙ୍କ ଫର୍ମ ଉପରେ ଏବେ ପ୍ରଶ୍ନ ଉଠୁଛି ।