ଆଜିଠୁ ଭାରତ-ୱେଷ୍ଟଇଣ୍ଡିଜ୍ ଦିନିକିଆ ସିରିଜ୍‌ : ଗୁଆହାଟୀରେ ଖେଳାଯିବ ପ୍ରଥମ ମ୍ୟାଚ୍‌

ଆଜିଠୁ ଭାରତ-ୱେଷ୍ଟଇଣ୍ଡିଜ୍ ଦିନିକିଆ ସିରିଜ୍ । ଗୁଆହାଟୀରେ ପ୍ରଥମ ମ୍ୟାଚ୍ । ଅପରାହ୍ନ ସାଢ଼େ ଗୋଟାଏରେ ମ୍ୟାଚ୍ ଖେଳାଯିବ । ଟେଷ୍ଟ ସିରିଜ କବ୍ଜା କରିବା ପରେ ଏବେ ଦିନିକିଆ ସିରିଜ କବଜା କରିବା ଲକ୍ଷ୍ୟରେ ମୈଦାନକୁ ଓହ୍ଲାଇବ ମେନ୍ ଇନ୍ ବ୍ଲୁ । ଚଳିତ ସିଜିନରେ ଡେବ୍ୟୁ କରି ପାରନ୍ତି ଓ୍ଵିକେଟ୍ କିପର୍ ବ୍ୟାଟ୍ସମ୍ୟାନ୍ ରୁଷଭ ପନ୍ଥ । ୧୨ ଜଣିଆ ଟିମରେ ତାଙ୍କୁ ସ୍ଥାନ ମିଳିଛି । ଯଦି ସେ ଖେଳିବେ କେବଳ ବ୍ୟାଟ୍ସମ୍ୟାନ୍ ଭାବରେ ଖେଳିବେ । ମହେନ୍ଦ୍ର ସିଂହ ଧୋନି ଓ୍ଵିକେଟ କିପର ଦାୟିତ୍ୱ ତୁଲାଇବେ । ତାଙ୍କ ସହ ବୋଲର ଖଲିଲ ଅହମ୍ମଦ ବି ୧୨ ଜଣିଆ ଟିମରେ ସାମିଲ ହୋଇଛନ୍ତି ।

ଏପର୍ଯ୍ୟନ୍ତ ପାଞ୍ଚଟି ଟେଷ୍ଟ ଓ ଚାରିଟି ଟି-ଟ୍ବେଣ୍ଟି ମ୍ୟାଚ୍ ଖେଳିଛନ୍ତି ରୁଷଭ ପନ୍ଥ । ବ୍ୟାଟିଂ ଭାର ରୋହିତ ଶର୍ମା, ଶିଖର ଧଓ୍ଵନ, ବିରାଟ କୋହଲି, ଅମ୍ବାତି ରାୟଡୁ, ମହେନ୍ଦ୍ର ସିଂହ ଧୋନିଙ୍କ କାନ୍ଧରେ ରହିବ । ସ୍ପିଡ୍ ବୋଲିଂ ଭାର ସମ୍ଭାଳିବେ ଉମେଶ ଯାଦବ, ମହମ୍ମଦ ସାମି । ସ୍ପିନ୍ ବାହିନୀ ଦାୟିତ୍ୱରେ ରହିବେ କୁଳଦୀପ ଯାଦବ, ଯୁଜବେନ୍ଦର ଚହଲ । ରବୀନ୍ଦ୍ର ଜାଡେଜା ଅଲରାଉଣ୍ଡର ଭାବରେ ଖେଳିବେ । ସେପଟେ ଟେଷ୍ଟ ମ୍ୟାଚ୍ ହାରିଥିଲେ ବି ଦିନିକିଆରେ କମ୍ବ୍ୟାକ୍ କରିବା ଲକ୍ଷ୍ୟରେ ପଡ଼ିଆକୁ ଓହ୍ଲାଇବ କାରାବେଆନ୍ ଦଳ ।