ୟୁଏଇରେ ଏବେ ଆଇପିଏଲ୍ ମ୍ୟାଚ ଚାଲିଛି। ଟୁର୍ଣ୍ଣାମେଣ୍ଟ ରେ ଖୁବଶୀଘ୍ର ପ୍ଲେଅଫ ମ୍ୟାଚ ଆରମ୍ଭ ହେବାକୁ ଯାଉଛି। ଏହାମଧ୍ୟରେ ମହିଳା ଟିଟ୍ୱେଣ୍ଟି ଚ୍ୟାଲେଞ୍ଜ ପାଇଁ ଭାରତୀୟ ଖେଳାଳି ଦୁବାଇରେ ପହଞ୍ଚିଛନ୍ତି । ସ୍ମୃତି ମନ୍ଧନା, ମିଥାଲି ରାଜ ଏବଂ ହରମନପ୍ରୀତ କୌରଙ୍କ ଯାତ୍ରା ସଂପର୍କିତ ଫଟୋ ଆଇପିଏଲ୍ ଅଫିସିଆଲ୍ ଟ୍ୱିଟର ପୋଷ୍ଟ୍ କରାଯାଇଥିଲା ।
ଆଇପିଏଲରେ ପ୍ଲେ ଅଫ୍ ସପ୍ତାହ ଅର୍ଥାତ ନଭେମ୍ବର ୪ରୁ ୯ ତାରିଖ ପର୍ଯ୍ୟନ୍ତ ମହିଳା ଟି-ଟ୍ୱେଣ୍ଟି ଚ୍ୟାଲେଞ୍ଜ ଖେଳାଯିବାର କାର୍ଯ୍ୟକ୍ରମ ରହିଛି। ଖେଳାଳିମାନେ ୟୁଏଇରେ ପହଞ୍ଚିବା ମାତ୍ରେ ୬ ଦିନ ସଙ୍ଗରୋଧରେ ରହିବେ। ଏହାପରେ ସେମାନେ ଜୈବ ସୁରକ୍ଷା ବଳୟରେ ଅଭ୍ୟାସ ଆରମ୍ଭ କରିବେ।
Let’s hear it for our girls! 😎✨
Hello UAE 🇦🇪!
The #Supernovas, #Trailblazers, #Velocity have arrived. 👍👍
CANNOT WAIT for #WomensT20Challenge pic.twitter.com/9imeu1EuUL
— IndianPremierLeague (@IPL) October 22, 2020
ଫଟୋରେ ଦେଖିବାକୁ ମିଳିଛି ଯେ, ମନ୍ଧନା, ମିଥାଲି ଓ ହର୍ମନପ୍ରୀତ ଯାତ୍ରା କରିବା ସମୟରେ ପିପିଇ କିଟ୍ସ ପରିଧାନ କରିଥିଲେ। ପ୍ରଥମେ ଭାରତୀୟ ଖେଳାଳିମାନଙ୍କୁ ମୁମ୍ବାଇରେ ପହଞ୍ଚିବାକୁ କୁହାଯାଇଥିଲା। ସେଠାରେ ସଙ୍ଗରୋଧରେ ରହିବା ପରେ ଗୁରୁବାର ଦିନ ମୁମ୍ବାଇରୁ ଖେଳାଳିମାନେ ୟୁଏଇ ଯାତ୍ରା କରିଥିଲେ।