ଅନ୍ତିମ ପଙ୍ଘାଲ ୩ ବର୍ଷ ପାଇଁ ହୋଇପାରନ୍ତି ବ୍ୟାନ୍, ସାମ୍ନାକୁ ଆସିଲା ପୁରା ମାମଲା
ଭାରତୀୟ ମହିଳା ରେସଲର ଅନ୍ତିମ ପଙ୍ଘାଲଙ୍କୁ ଶକ୍ତ ଝଟକା । ଅନ୍ତିମଙ୍କ ଉପରେ ଭାରତୀୟ ଅଲିମ୍ପିକ୍ସ ସଂଘ ୩ ବର୍ଷ ପାଇଁ ବ୍ୟାନ୍ ଲଗାଇପାରେ । ପ୍ୟାରିସ ଅଲିମ୍ପିକ୍ସରେ ବିଶୃଙ୍ଖଳା ଆଚରଣ ପାଇଁ ତାଙ୍କୁ ୩ ବର୍ଷ ପାଇଁ ଆଇଓଏ ବ୍ୟାନ କରିପାରେ ।
୫୩ କେଜି ବର୍ଗରେ କୁସ୍ତି ଲଢ଼ିଥିବା ଅନ୍ତିମ ପ୍ରଥମ ରାଉଣ୍ଡରେ ହାରି ଯାଇଥିଲା । ମ୍ୟାଚ୍ ହାରିବା ପରେ ସେ ହୋଟେଲକୁ ଚାଲି ଯାଇଥିଲେ । ହେଲେ କିଛି ଜିନିଷ କ୍ରୀଡାଗ୍ରାମରେ ରହିଥିବାରୁ ଭଉଣୀ ସେ ଆର୍କିଡେକ୍ସନ କାର୍ଡ ଦେଇ ପଠାଇଥିଲେ । ସେ ଏହାକୁ ବ୍ୟବହାର କରି ଅଲିମ୍ପିକ୍ସ କ୍ରୀଡ଼ା ଗ୍ରାମରେ ପ୍ରବେଶ କରିଥିଲେ । ଏହି ସମୟରେ ସୁରକ୍ଷାକର୍ମୀମାନେ ତାଙ୍କୁ ଧରିବା ପରେ ପୋଲିସ କିଛି ସମୟ ପାଇଁ ହେପାଜତକୁ ନେଇଥିଲା । ତେବେ ଅନ୍ତିମଙ୍କ ଏଭଳି ଆଚରଣ କରିଥିବାରୁ ଆଇଓଏ କାର୍ଯ୍ୟାନୁଷ୍ଠାନ ନେଇଥିବା କୁହାଯାଉଛି ।
VIDEO | There has been a disciplinary action against wrestler Antim Panghal at the ongoing Paris Olympics. The wrestler has issued her side of the story in a video:
“I had come here to Olympics, there was a bout yesterday. I got defeated. It is wrong that police had taken me.… pic.twitter.com/xVMrTpOMkP
— Press Trust of India (@PTI_News) August 8, 2024
ତେବେ ଏହି ଖବର ପରେ ଅନ୍ତିମ କହିଛନ୍ତି ଯେ, ମ୍ୟାଚ୍ ହାରିବା ପରେ ଅସୁସ୍ଥ ଅନୁଭବ କରିଥିଲି । ତେଣୁ କୋଚଙ୍କ ଅନୁମତିକ୍ରମେ ମୁଁ ମୋ ଭଉଣୀଙ୍କ ହୋଟେଲକୁ ଚାଲି ଯାଇଥିଲି । ହେଲେ ମୋର କିଛି ଜିନିଷ କ୍ରୀଡାଗ୍ରାମରେ ରହିଥିବାରୁ ଭଉଣୀ ସେ ଆର୍କିଡେକ୍ସନ କାର୍ଡ ଦେଇ ପଠାଇଥିଲେ । ସେ ଅଧିକାରୀମାନଙ୍କୁ ମୋ ଜିନିଷ ଆଣିବା ପାଇଁ ଅନୁମତି ମାଗିଥିଲେ । ଅଧିକାରୀମାନେ ମୋ ପରିଚୟପତ୍ର ତାଙ୍କ ଠାରୁ ନେଇଯିବା ସହ ତାଙ୍କୁ ପୋଲିସ ଷ୍ଟେସନ ନେଇଯାଇଥିଲେ। ଏହାପରେ ହିଁ ସବୁ ବିବାଦ ଆରମ୍ଭ ହୋଇଥିଲା ।
