କ୍ରିକେଟର ସମସ୍ତ ଫର୍ମାଟରୁ ସନ୍ନ୍ୟାସ ନେଲେ କେଦାର ଯାଦବ, ଫ୍ୟାନ୍ସଙ୍କୁ ଜଣାଇଲେ ଧନ୍ୟବାଦ
ଟି୨୦ ବିଶ୍ୱକପ ଚାଲିଥିବା ବେଳେ ଭାରତର ପ୍ରଥମ ମ୍ୟାଚ୍ ଜୁନ୍ ୫ ତାରିଖରେ ଖେଳାଯିବ । ଏହି ମ୍ୟାଚକୁ ଫ୍ୟାନ୍ସ ଅପେକ୍ଷା କରି ରହିଛନ୍ତି । ଏହାରି ମଧ୍ୟରେ ଭାରତୀୟ ଫ୍ୟାନ୍ସଙ୍କୁ ଝଟକା ଲାଗିଛି । ଭାରତୀୟ ଟିମର ଷ୍ଟାର କ୍ରିକେଟର ସମସ୍ତ ଫର୍ମାଟରୁ କେଦାର ଯାଦବ ସନ୍ନ୍ୟାସ ନେଇଛନ୍ତି ।
କ୍ରିକେଟର ସମସ୍ତ ଫର୍ମାଟରୁ ସନ୍ନ୍ୟାସ ନେଇଛନ୍ତି କେଦାର ଯାଦବ । ୨୦୨୦ରେ ନ୍ୟୁଜିଲାଣ୍ଡ ବିପକ୍ଷରେ ଅକଲାଣ୍ଡରେ ଶେଷ ଇଣ୍ଟରନ୍ୟାସନାଲ ମ୍ୟାଚ ଖେଳିଥିଲେ । ଏହାପର ଠାରୁ ଟିମରୁ ବାଦ୍ ପଡିଛନ୍ତି କେଦାର ଯାଦବ । ଏହାପୂର୍ବରୁ ଇଂଲଣ୍ଡରେ ଖେଳାଯାଇଥିବା ୨୦୧୯ ବିଶ୍ୱକପରେ ଖେଳିଥିଲେ ।
ଟ୍ଵିଟ୍ କରି ସନ୍ନ୍ୟାସ ଘୋଷଣା କରିବା ବେଳେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ନିଜ କ୍ୟାରିଅରରେ ଫ୍ୟାନ୍ସ ଦେଇଥିବା ସମର୍ଥନ ଏବଂ ଭଲପାଇବା ଯୋଗୁଁ ଫ୍ୟାନ୍ସଙ୍କୁ କୃତଜ୍ଞତା ଜଣାଇଛନ୍ତି ।
୨୦୧୯ ବିଶ୍ୱକପରେ ଖେଳିଥିଲେ କିନ୍ତୁ ୨୦୨୩ ବିଶ୍ୱକପରେ ନଜର ଆସିନଥିଲେ । ସେହିପରି ଟି୨୦ ଇଣ୍ଟରନ୍ୟାସନାଲ ମ୍ୟାଚରେ କେବଳ ୧୨୨ ରନ୍ କରିଛନ୍ତି କେଦାର ଯାଦବ । ୨୦୧୮ରେ କେଦାର ଯାଦବ ଚେନ୍ନାଇ ସୁପର କିଙ୍ଗସ ଆଇପିଏଲ ଟାଇଟଲ ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ । ୨୦୨୩ ଆଇପିଏଲରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ତରଫରୁ ମ୍ୟାଚ୍ ଖେଳିଥିଲେ । କେଦାର ଯାଦବ ଏହି ସମୟରେ ଜିଓ ସିନେମା ପାଇଁ ମରାଠୀରେ କମେଣ୍ଟ୍ରି କରିଥିଲେ । ଏହାଛଡା ଆଇପିଏଲରେ ଆରସିବି, ସିଏସକେ ଏବଂ ଦିଲ୍ଲୀ କ୍ୟାପିଟାଲ୍ସ ଏବଂ ସନ ରାଇଜର୍ସ ହାଇଦ୍ରାବାଦ ପାଇଁ ମ୍ୟାଚ ଖେଳିଛନ୍ତି ।
