ଆଇପିଏଲ ୨୦୨୩ ସିଜିନ ପୂର୍ବରୁ ଫାର୍ମ ହାଉସରେ ସମୟ ବିତାଉଛନ୍ତି ଏମଏସ ଧୋନି ଏବଂ କେଦାର ଯାଦବ, ଫଟୋ ହେଉଛି ଭାଇରଲ
କେନ୍ୟୁଜ୍ : ଆଇପିଏଲ ୨୦୨୩ ସିଜିନରେ ଭାରତୀୟ କ୍ରିକେଟ ଟିମ୍ର ପୂର୍ବତନ କ୍ୟାପଟେନ ଏମଏସ୍ଡି ପୁଣି ଥରେ ଚେନାଇ ସୁପର କିଙ୍ଗ୍ସର ମଙ୍ଗ ଧରିବାକୁ ଯାଉଛନ୍ତି । ଏବେ ଆଇପିଏଲ ଆରମ୍ଭ ହେବାର ବହୁତ ଦିନ ବାକି ଥିବା ବେଳେ ଏବେ ସାଙ୍ଗମାନଙ୍କ ସହିତ ଫାର୍ମ ହାଉସରେ ସମୟ ବିତାଉଛନ୍ତି । ଏବେ କ୍ରିକେଟର କେଦାର ଯାଦବଙ୍କ ସହିତ ତାଙ୍କର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଧୋନି ସବୁବେଳେ କାର ଏବଂ ବାଇକର ସଉକ ରଖନ୍ତି । ସେ ସବୁବେଳେ ନିଜ ଗାଡ଼ିକୁ ନେଇ ଚର୍ଚ୍ଚାରେ ଥାଆନ୍ତି । ରିପୋର୍ଟ ଅନୁସାରେ ସେ ନିକଟରେ ଏକ ଇଲେକ୍ଟ୍ରିକ କାର ମଧ୍ୟ କିଣିଛନ୍ତି , ସେହି ଗାଡ଼ି ସହିତ ତାଙ୍କର, କେଦାର ଯାଦବ ଏବଂ ଋତୁରାଜ ଗାଏକ୍ୱାଡ଼ଙ୍କ ଫଟୋ ବି ଭାଇରାଲ ହେଉଛି ।
View this post on Instagram
ଏହାରି ଭିତରେ ଭାରତୀୟ କ୍ରିକେଟର କେଦାର ଯାଦବ ତାଙ୍କ ଇନଷ୍ଟାଗ୍ରାମ ପ୍ରୋଫାଇଲରେ ଏକ ଫଟୋ ଛାଡ଼ିଛନ୍ତି ଯେଉଁଥିରେ ଧୋନି ଏବଂ କେଦାର ଗୋଟିଏ ଫାର୍ମ ହାଉସରେ ଅଛନ୍ତି ତାଙ୍କ ସହିତ ଏକ ଘୋଡ଼ା ମଧ୍ୟ ଅଛି । ଏହି ଫଟୋରେ ଦୁଇ ଜଣଙ୍କ ହାତରେ କପ ଅଛି ଏବଂ ତାଙ୍କ ପଛ ପଟରେ ଗାଡ଼ି ବି ରଖାଯାଇଛି । କେଦାର ଯାଦବ ଏହି ଫଟୋ ସେୟାର କରି ଲେଖିଛନ୍ତି, ‘ସୁନହେରୀ କେ ସାଥ୍ ମାହି ଭାଇ ଔର ମେଁ, ଫାର୍ମ ହାଉସ ପର୍ ଏକ ଆଚ୍ଛା ଦିନ ବିତାୟା’ ।
କେଦାର ଯାଦବ ବର୍ତ୍ତମାନ ଭାରତୀୟ ଦଳରେ ନାହାଁନ୍ତି, ୨୦୨୦ ମସିହାର ନ୍ୟୁଜିଲାଣ୍ଡ ବିପକ୍ଷ ଓ୍ଵାନ୍ଡେ ସିରିଜ ପରଠାରୁ ସେ ଦଳରେ ନାହାଁନ୍ତି । ସେ ୨୦୨୨ ଆଇପିଏଲ୍ ରେ ମଧ୍ୟ ଅନସୋଲ୍ଡ ଥିଲେ । ତାଙ୍କର ବେସ୍ ପ୍ରାଇସ୍ ଥିଲା ୨ କୋଟି । କେଦାର ଧୋନିଙ୍କ ସହିତ ଚେନ୍ନାଇ ସୁପର କିଙ୍ଗ୍ସରେ ରେ ଅନେକ ଥର ଖେଳିଛନ୍ତି । ତେବେ ଏହି କ୍ରିକେଟର ଆସନ୍ତା ଆଇପିଏଲର ୧୬ତମ ସଂସ୍କରଣରେ କେଉଁ ଦଳ ତରଫରୁ ଖେଳୁଛନ୍ତି, ଦେଖିବାକୁ ବାକି ରହିଲା ।