ଧୋନିଙ୍କୁ ସୁର ସାମ୍ରାଜ୍ଞୀ ଲତା ମଙ୍ଗେସ୍କରଙ୍କ ନିବେଦନ; ଅବସର ନିଅ ନାହିଁ, ଦେଶକୁ ତୁମର ଆବଶ୍ୟକତା ଅଛି
ମୁମ୍ବାଇ : ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କର କୋଟି କୋଟି ପ୍ରଶଂସକ ଅଛନ୍ତି । ତାଙ୍କ ଭିତରେ ଜଣେ ବଡ଼ କ୍ରିକେଟ୍ ପ୍ରେମୀ ଏବଂ ଧୋନି ପ୍ରଶଂସକ ହେଉଛନ୍ତି ସୁର ସାମ୍ରାଜ୍ଞୀ ଲତା ମଙ୍ଗେସ୍କର । ସେ ଧୋନିଙ୍କୁ ଅନୁରୋଧ କରିଛନ୍ତି ଏବେ କ୍ରିକେଟ୍ରୁ ଅସର ନନେବା ପାଇଁ ।
ଟୁଇଟ୍ କରି ଲତା କହିଛନ୍ତି ଯେ ଦେଶକୁ ଆପଣଙ୍କ ଖେଳର ଆବଶ୍ୟକତା ରହିଛି । ତେଣୁ ଅବସର କଥା ଆପଣ ମନକୁ ଆଣନ୍ତୁ ନାହିଁ । ସୂଚନା ଅନୁସାରେ, ଭାରତର ସବୁଠାରୁ ସଫଳ କ୍ରିକେଟ୍ ଅଧିନାୟକ ଧୋନି ଚଳିତ ବିଶ୍ୱକପ୍ ପରେ ଖେଳରୁ ଅବସର ନେଇଯିବେ ବୋଲି ଚର୍ଚ୍ଚା ହେଉଛି । ଯଦିଓ ସେ ନିଜେ ଏ କଥାକୁ ଖଣ୍ଡନ କରିଛନ୍ତି ତେବେ ସେମିଫାଇନାଲ୍ରେ ନ୍ୟୁଜିଲାଣ୍ଡ ଠାରୁ ଭାରତ ହାରିବା ପରେ ଏହି ଚର୍ଚ୍ଚା ଆହୁରି ବଢ଼ି ଯାଇଛି । ଏସବୁକୁ ଦୃଷ୍ଟିରେ ରଖି ଲତା ମଙ୍ଗେସ୍କର ଅତି ଭାବପ୍ରବଣ ହୋଇ ଏହି ଟୁଇଟ୍ କରିଛନ୍ତି ।
Namaskar M S Dhoni ji.Aaj kal main sun rahi hun ke Aap retire hona chahte hain.Kripaya aap aisa mat sochiye.Desh ko aap ke khel ki zaroorat hai aur ye meri bhi request hai ki Retirement ka vichar bhi aap mann mein mat laayiye.@msdhoni
— Lata Mangeshkar (@mangeshkarlata) July 11, 2019
