ୟୁସୁଫ ପଠାନଙ୍କୁ ଧକ୍କା ମାରିବା ମିଶେଲ ଜନସନଙ୍କୁ ପଡିଲା ମହଙ୍ଗା: ଏବେ ଦେବାକୁ ପଡିବ ଜରିମାନା, ମିଳିଲା ଚେତାବନୀ
ଲିଜେଣ୍ଡ ଲିଗ୍ କ୍ରିକେଟରେ ୟୁସୁଫ ପଠାନଙ୍କୁ ଧକ୍କା ମାରିବା ମିଶେଲ ଜନସନଙ୍କୁ ମହଙ୍ଗା ପଡିଛି। ଇଣ୍ଡିଆ କ୍ୟାପିଟାଲ୍ସ ଏବଂ ଭିଲବାଡା କିଙ୍ଗସ ମଧ୍ୟରେ ମ୍ୟାଚ୍ ଚାଲିଥିବା ବେଳେ ଏହି ଘଟଣା ଦେଖିବାକୁ ମିଳିଥିଲା। ଫଳରେ ମିଶେଲ ଜନସନଙ୍କୁ ଜରିମାନା ଦେବାକୁ ପଡିବ। ମିଶେଲ ଜନସନଙ୍କୁ ମ୍ୟାଚର ୫୦ ପ୍ରତିଶତ ଜରିମାନା ଲାଗିଛି। ତା’ ସହିତ ଚେତାବନୀ ମଧ୍ୟ ମିଳିଛି।
ଏହି ଘଟଣାର ଯାଞ୍ଚ ପରେ ଲିଗର ଆୟୁକ୍ତ ରବି ଶାସ୍ତ୍ରୀଙ୍କ ଅଧ୍ୟକ୍ଷତାରେ ଏକ ବୈଠକ ହୋଇଥିଲା। ଯେଉଁଥିରେ ଜନସନଙ୍କୁ ଦଣ୍ଡିତ କରାଯିବ ସହିତ ଅଫିସିଆଲି ଚେତାବନୀ ମଧ୍ୟ ଦିଆଯାଇଛି। ଏହି ଲିଗରେ ପ୍ରତିସ୍ପର୍ଦ୍ଧା କ୍ରିକେଟକୁ ଅଗ୍ରଣୀ କରିବା ପାଇଁ ଏହାକୁ ଆୟୋଜନ କରାଯାଇଛି। କିନ୍ତୁ କ୍ରିକେଟ ମଇଦାନରେ ଏମିତି କିଛି ଘଟଣା ଘଟିବା ଅଶୋଭନୀୟ ବୋଲି ଲିଗର ସହ ସଂସ୍ଥାପକ ତଥା ମୁଖ୍ୟ କାର୍ଯ୍ୟକାରୀ ଅଧିକାରୀ ରମନ ରହେଜା କହିଛନ୍ତି।
ସୂଚନାଯୋଗ୍ୟ, ଲିଜେଣ୍ଡସ ଲିଗର ପ୍ରଥମ କ୍ୱାଲିଫାୟର ମ୍ୟାଚ୍ ଇଣ୍ଡିଆ କ୍ୟାପିଟାଲ୍ସ ଏବଂ ଭିଲବାଡା କିଙ୍ଗସ ମଧ୍ୟରେ ଯୋଧପୁରରେ ଖେଳାଯାଇଥିଲା। ଏହି ମ୍ୟାଚକୁ ଗୌତମ ଗମ୍ଭୀରଙ୍କ ଅଧିନାୟକତ୍ୱରେ ଇଣ୍ଡିଆ କ୍ୟାପିଟାଲ୍ସ ୪ ଓ୍ଵିକେଟରେ ଜିତି ଫାଇନାଲରେ ପ୍ରବେଶ କରିଥିଲା। କିନ୍ତୁ ଏହି ମ୍ୟାଚରେ ଏମିତି କିଛି ଘଟିଥିଲା, ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହେବାକୁ ଲାଗିଥିଲା। ଏହି ମ୍ୟାଚରେ ଭିଲବାଡା କିଙ୍ଗସର ୟୁସୁଫ ପଠାନ ଇଣ୍ଡିଆ କ୍ୟାପିଟାଲ୍ସର ଦ୍ରୁତ ବୋଲର ମିଶେଲ ଜନସନଙ୍କ ସହିତ ଝଗଡା କରୁଥିବା ଦେଖିବାକୁ ମିଳିଥିଲେ। ଝଗଡା ଏତେ ଅଧିକ ଥିଲା ଯେ, ଦୁହେଁ ପରସ୍ପର ଉପରେ ହାତ ଉଠାଇବାକୁ ପଛାଇ ନଥିଲେ।
#ICYMI: Things got really heated in @llct20 between Yusuf Pathan and Mitchell Johnson. 🔥 pic.twitter.com/4EnwxlOg5P
— Nikhil 🏏 (@CricCrazyNIKS) October 2, 2022
Also Read : ଭାରତ ଏବଂ ସାଉଥ ଆଫ୍ରିକା ଦ୍ୱିତୀୟ ଟି-୨୦ ମ୍ୟାଚ ବେଳେ ପଡିଆକୁ ପଶିଲା ସାପ, ୧୦ ମିନିଟ୍ ପାଇଁ ହୋଇଥିଲା ମ୍ୟାଚ୍ ବନ୍ଦ