ଆଇପିଏଲ ମେଗା ନିଲାମ ନଭେମ୍ବର ୨୪ ଓ ୨୫ରେ ହେବାକୁ ଯାଉଛି । ସାଉଦି ଆରବର ଜେଦ୍ଦାରେ ହେବାକୁ ଥିବା ନିଲାମୀ ପୂର୍ବରୁ ଭାରତୀୟ ଟିମର ପୂର୍ବତନ ଖେଳାଳି ତଥା ଚେନ୍ନାଇ ସୁପର କିଙ୍ଗସର ଥାଲା ଏମଏସ ଧୋନି ନିଜ ପରିବାର ସହିତ ଛୁଟି ମନାଉଛନ୍ତି । ପତ୍ନୀ ସାକ୍ଷୀ ଏବଂ ଝିଅ ଜିଭା ସହିତ ଥାଇଲାଣ୍ଡରେ ଛୁଟି କାଟୁଛନ୍ତି ମାହି । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହେଉଛି ।
ମହେନ୍ଦ୍ର ସିଂ ଧୋନି ଏବେ କ୍ରିକେଟ ଏବଂ ଗହଳିରୁ ଦୂରେଇ ଥାଇଲାଣ୍ଡ ଫୁକେଟରେ ନିଜ ପରିବାର ସହିତ ଛୁଟି କାଟୁଛନ୍ତି । କ୍ରିକେଟରୁ ବ୍ରେକ ନେଇ ଧୋନି ଏବେ ନିଜ ପରିବାର ସହିତ ଶାନ୍ତିରେ ଛୁଟି କାଟୁଛନ୍ତି । ତାଙ୍କ ଝିଅ ଜିଭାଙ୍କ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି । ଏଥିରେ ଧୋନି ସ୍ଲିଭଲେସ ଟି ସାର୍ଟ ପିନ୍ଧି ସମୁଦ୍ର ପାଣିରେ ଠିଆ ହୋଇଛନ୍ତି । ଧୋନିଙ୍କ ସହିତ ସାକ୍ଷୀ ପିଙ୍କ ସୁଇମସୁଟରେ କୂଳରେ ଠିଆ ହୋଇଛନ୍ତି । ତେବେ ଆଇପିଏଲ ୨୦୨୫ ପୂର୍ବରୁ ଧୋନି ଛୁଟି କାଟିବାକୁ ଯାଇଛନ୍ତି ।
View this post on Instagram
ଆଇପିଏଲ ୨୦୨୫ ମେଗା ଅକ୍ସନ ପୂର୍ବରୁ ଧୋନିଙ୍କ ଖେଳିବାକୁ ନେଇ ଅନେକ ଅଟକଳ କରାଯାଉଥିଲା । ଧୋନି ଆଗାମୀ ଆଇପିଏଲରେ ଖେଳିବେ କି ନାହିଁ, ତାହାକୁ ନେଇ ଅନେକ ଚର୍ଚ୍ଚା ଚାଲିଥିଲା । ତେବେ ଧୋନି ଆଇପିଏଲ ୨୦୨୫ରେ ଚେନ୍ନାଇ ସୁପରକିଙ୍ଗସ ତରଫରୁ ଖେଳିବେ । ଚେନ୍ନାଇ ସୁପରକିଙ୍ଗସ ଧୋନିଙ୍କୁ ଅନକ୍ୟାପଡ ଖେଳାଳି ଭାବେ ରିଟେନ କରିଛନ୍ତି ।