ଇତିହାସ ରଚିଲେ ନୀରଜ ଚୋପ୍ରା, ବିଶ୍ୱର ନଂ ୧ ଜାଭେଲିନ ଫିଙ୍ଗାଳି ହେଲେ ନୀରଜ
ବିଶ୍ୱର ନଂ ୧ ଜାଭେଲିନ ଫିଙ୍ଗାଳି ହେଲେ ନୀରଜ ଚୋପ୍ରା । ଜାଭେଲିନ ର୍ୟାଙ୍କିଂରେ ବିଶ୍ୱର ୧ ନଂ ମାନ୍ୟତା ହାସଲ କରିଛନ୍ତି । ୧୪୫୫ ନମ୍ବର ସହିତ ଶୀର୍ଷ ସ୍ଥାନରେ ରହିଛନ୍ତି ।
ଅଲମ୍ପିକ୍ ଚାମ୍ପିଅନ ନୀରଜ ଚୋପ୍ରାଙ୍କୁ ବିଶ୍ୱ ଜାଭେଲିନ ଥ୍ରୋ ର୍ୟାଙ୍କିଂରେ ପ୍ରଥମ ସ୍ଥାନ ପାଇଛନ୍ତି । ନୀରଜ ଚୋପ୍ରା କ୍ୟାରିଅରରେ ପ୍ରଥମ ଥର ପାଇଁ ବିଶ୍ୱର ନମ୍ବର ୧ ଖେଳାଳି ହୋଇଛନ୍ତି । ଭାରତର ପ୍ରଥମ ଟ୍ରାକ୍ ଏବଂ ଫିଲ୍ଡ ଆଥଲେଟ୍ ଭାବେ ନୀରଜ ପୁରୁଷ ଜାଭେଲିନ୍ ର୍ୟାଙ୍କିଂରେ ବିଶ୍ୱ ୧ ନମ୍ବର ମାନ୍ୟତା ହାସଲ କରିଛନ୍ତି । ଆଣ୍ଡରସନ୍ ପିଟର୍ସଙ୍କୁ ବିଶ୍ୱ ନଂ ୧ ସ୍ଥାନରୁ ହଟାଇ ସେ ଏହି ସଫଳତା ପାଇଛନ୍ତି ।
ନୀରଜ ଚଳିତ ସିଜିନରେ ଭଲ ଆରମ୍ଭ କରିଥିଲେ । ଦୋହାରେ ଖେଳାଯାଇଥିବା ଡାଇମଣ୍ଡ ଲିଗରେ କମାଲ ପ୍ରଦର୍ଶନ କରିଥିଲେ । ନୀରଜ ଏଠାରେ ୮୮.୬୭ ମିଟର ଥ୍ରୋ କରି ସ୍ୱର୍ଣ୍ଣପଦକ ଜିତିଥିଲେ । ନୀରଜ ଅଲମ୍ପିକରେ ସ୍ୱର୍ଣ୍ଣ ପଦକ ଜିତିବା ପରେ ଜୁରିକରେ ଡାଇମଣ୍ଡ ଲିଗରେ ୮୯.୬୩ ମିଟର ଥ୍ରୋ କରି ପ୍ରଥମ ସ୍ଥାନ ହାସଲ କରିଥିଲେ ।
🇮🇳India’s Tokyo Olympics gold medalist Neeraj Chopra once again scripted history as he became Number 1 Javelin thrower as per new rankings released by World Athletics.
File📽️#NeerajChopra । #Olympicspic.twitter.com/ZcPFofH0x0
— All India Radio News (@airnewsalerts) May 23, 2023
୨୦୨୧ ମସିହାରେ ଟୋକିଓ ଅଲିମ୍ପିକ୍ସରେ ଐତିହାସିକ ସ୍ୱର୍ଣ୍ଣ ପଦକ ଜିତିବା ସହିତ ନୀରଜ ଚୋପ୍ରାଙ୍କ ଡ୍ରିମ ରନ୍ ଆରମ୍ଭ ହୋଇଥିଲା । ୮୭.୫୮ ମିଟରର ଥ୍ରୋ ଅଲିମ୍ପିକ୍ସରେ ସଫଳତା ପରେ ନୀରଜ ଅନ୍ୟ ପ୍ରତିଯୋଗିତା ଗୁଡ଼ିକରେ ନିଜର ଦବଦବା ଜାହିର କରିଛନ୍ତି ।
ନୀରଜ ୧୪୫୫ ନମ୍ବର ସହିତ ଶୀର୍ଷ ସ୍ଥାନରେ ରହିଥିବା ବେଳେ ଆଣ୍ଡରସନ୍ ୧୪୩୩ ନମ୍ବର ରଖି ତୃତୀୟ ସ୍ଥାନରେ ରହିଛନ୍ତି । ଚେକ୍ ରିପବ୍ଲିକ୍ ର ଜାକବ ଭାଡେଲେଜ୍ଭ୍ ୧୪୧୬ ପଏଣ୍ଟ ସହ ତାଲିକାର ତୃତୀୟ ସ୍ଥାନରେ ରହିଛନ୍ତି। ଜର୍ମାନୀର ୨୮ ବର୍ଷୀୟ ଜୁଲିଆନ୍ ୱେବର ୧୩୮୫ ପଏଣ୍ଟ ସହ ଚତୁର୍ଥ ସ୍ଥାନରେ ରହିଛନ୍ତି। ସେହିପରି ପାକିସ୍ତାନର ଅର୍ଶଦ ନଦୀମ ୧୩୦୬ ପଏଣ୍ଟ ସହ ପଞ୍ଚମ ସ୍ଥାନରେ ରହିଛନ୍ତି।