ପ୍ୟାରିସ ପାରାଅଲିମ୍ପିକ୍ସରେ ଭାରତକୁ ମିଳିଲା ଆଉ ଏକ ସ୍ୱର୍ଣ୍ଣ । ବ୍ୟାଡମିଣ୍ଟନ ପୁରୁଷ ସିଙ୍ଗଲ ଏସ-ଏଲ ୩ରେ ସ୍ୱର୍ଣ୍ଣ ଜିତିଛନ୍ତି ନୀତେଶ କୁମାର । ଗ୍ରେଟ ବ୍ରିଟେନର ଡେନିଏଲ ବେଥେଲଙ୍କୁ ହରାଇ ଭାରତ ପାଇଁ ସ୍ୱର୍ଣ୍ଣ ହାତେଇଛନ୍ତି ନୀତେଶ । ସେ ୨୧-୧୪ ସେଟରେ ସ୍ୱର୍ଣ୍ଣ ପଦକ ପାଇଛନ୍ତି । ଏହାସହିତ ପ୍ୟାରିସ ପାରା ଅଲିମ୍ପିକ୍ସରେ ଭାରତର ପଦକ ସଂଖ୍ୟା ୯ରେ ପହଞ୍ଚିଛି । ଭାରତକୁ ଏପର୍ଯ୍ୟନ୍ତ ୨ଟି ସ୍ୱର୍ଣ୍ଣ, ୩ଟି ରୌପ୍ୟ ଏପଂ ୪ଟି କାଂସ୍ୟ ପଦକ ମିଳିଛି ।
ପ୍ୟାରିସ ପାରାଅଲିମ୍ପିକ୍ସରେ ଭାରତୀୟ ଆଥଲେଟ୍ କମାଲ କରୁଛନ୍ତି । ପ୍ୟାରିସ ପାରାଅଲିମ୍ପିକ୍ସରେ ଅବନୀ ଲେଖରା ଏବଂ ମୋନା ଅଗ୍ରଓ୍ୱାଲଙ୍କ ପରେ ପ୍ରୀତି ପାଲ ଭାରତକୁ ପଦକ ଜିତାଇଥିଲେ । ମୋନା ଅଗ୍ରଓ୍ୱାଲ ମହିଳା ୧୦୦ ମିଟର ରେସରେ ପଦକ ଜିତିଥିଲେ । ଭାରତକୁ ଚତୁର୍ଥ ପଦକ ମନୀଷ ନରଓ୍ୱାଲ ୧୦ ମିଟର ଏୟାର ପିସ୍ତଲରେ ରୌପ୍ୟ ଜିତିଥିଲେ । ରୁବନୀ ଫ୍ରାନ୍ସିସ ୫ମ, ପ୍ରୀତି ପାଲ ୬ଷ୍ଠ, ନିଶାଦ କୁମାର ୭ମ ଏବଂ ଯୋଗେଶ କାଥୁନିୟା ୮ମ ପଦକ ଜିତିଛନ୍ତି ।
