ଇଂଲଣ୍ଡର ପୂର୍ବତନ ଖେଳାଳି ଗ୍ରାମ ଥରପଙ୍କ ପରଲୋକ, ସଚିନ ଓ ସେହ୍ଵାଗଙ୍କ ସହିତ ଖେଳିଛନ୍ତି ମ୍ୟାଚ୍
ଇଂଲଣ୍ଡର ଲୋକପ୍ରିୟ ବ୍ୟାଟର ଗ୍ରାମ ଥରପଙ୍କ ପରଲୋକ ହୋଇଛି । ୫୫ ବର୍ଷୀୟ ଖେଳାଳି ଦୀର୍ଘଦିନରୁ ରୋଗରେ ପୀଡିତ ଥିଲେ । ଚଳିତ ମାସ ଆରମ୍ଭରୁ କ୍ରିକେଟର ନିଜର ଜନ୍ମଦିନ ପାଳନ କରିଥିଲେ । ସେ ୧୦୦ଟି ଟେଷ୍ଟ ମ୍ୟାଚ ଖେଳିଥିବା ବେଳେ ସଚିନ ତେନ୍ଦୁଲକର ଏବଂ ବୀରେନ୍ଦ୍ର ସେହ୍ଵାଗଙ୍କ ବିପକ୍ଷରେ ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି ।
ଇଂଲଣ୍ଡ ଖେଳାଳିଙ୍କ ମୃତ୍ୟୁରେ ସମଗ୍ର କ୍ରିକେଟ ଜଗତ ଶୋକରେ ରହିଛି । ଇଂଲଣ୍ଡ ତରଫରୁ ଗ୍ରାମ ଥରପ ୧୦୦ଟି ଟେଷ୍ଟ ମ୍ୟାଚ ଖେଳିଛନ୍ତି । ଭାରତ ବିପକ୍ଷରେ ସେ ୫ଟି ଟେଷ୍ଟ ମ୍ୟାଚ ଖେଳିଛନ୍ତି । ଇଂଲଣ୍ଡ ଏବଂ େଓ୍ଵଲ୍ସ କ୍ରିକେଟ ବୋର୍ଡ ଏହି ସୂଚନା ଦେଇଛି । ଇଂଲଣ୍ଡ ତରଫରୁ ୧୯୯୩ରେ ୨୦୦୫ ପର୍ଯ୍ୟନ୍ତ ୧୦୦ଟି ଟେଷ୍ଟ ମ୍ୟାଚ ଖେଳିଛନ୍ତି । ଗ୍ରାମ ଥରପ ୨୦୨୨ରେ ଗମ୍ଭୀର ରୋଗରେ ପୀଡିତ ଥିବା ଖବର ମିଳିଥିଲା ।
ସେ ନିଜ କ୍ୟାରିଅରରେ ୧୦୦ଟି ଟେଷ୍ଟ ଏବଂ ୮୨ ଦିନିକିଆ ମ୍ୟାଚ ଖେଳିଛନ୍ତି । ଟେଷ୍ଟରେ ୧୭୯ ଇନିଂସରେ ୧୬ଟି ଶତକ ଏବଂ ୩୯ ଅର୍ଦ୍ଧଶତକ କରିଛନ୍ତି । ସେ ୪୪.୬୬ ପ୍ରତିଶତରେ ୬୭୪୪ ରନ୍ କରିଛନ୍ତି । ଟେଷ୍ଟରେ ଗ୍ରାମ ଥରପ ଙ୍କ ଶ୍ରେଷ୍ଠ ସ୍କୋର ୨୦୦ ଅପରାଜିତ ରହିଛନ୍ତି । ଦିନିକିଆରେ ୭୭ ମ୍ୟାଚରେ ୩୭.୧୮ ପ୍ରତିଶତରେ ୨୩୮୦ ରନ କରିଛନ୍ତି ।
