ଟି-୨୦ ବିଶ୍ୱକପ୍ ପୂର୍ବରୁ ପାକିସ୍ତାନ କରିଦେଲା ହୁସିୟାର, ଜିତିଲା ତ୍ରିରାଷ୍ଟ୍ରୀୟ ଟ୍ରଫି
ଖ୍ରୀଷ୍ଟଚର୍ଚ୍ଚ : ତ୍ରିରାଷ୍ଟ୍ରୀୟ ଟି-୨୦ ସିରିଜ୍ ଫାଇନାଲ୍ରେ ଆୟୋଜକ ନ୍ୟୁଜିଲାଣ୍ଡକୁ ହରାଇ ଟ୍ରଫି ଜିତିଛି ପାକିସ୍ତାନ । ଏହା ସହିତ ଟି-୨୦ ବିଶ୍ୱକପ୍ ପାଇଁ ପୂରା ପ୍ରସ୍ତୁତ ବୋଲି ଚେତାବନୀ ଦେଇଛି ଆଉ ଜଣାଇ ଦେଇଛି ପ୍ରତିଦ୍ୱନ୍ଦ୍ୱୀମାନଙ୍କୁ ।
ଆଜି ଖେଳା ଯାଇଥିବା ଫାଇନାଲ୍ ମ୍ୟାଚ୍ରେ ପାକିସ୍ତାନ ୫ ଓ୍ଵିକେଟ୍ରେ ନ୍ୟୁଜିଲାଣ୍ଡକୁ ହରାଇଛି । ପାକ୍ ଦଳ ଟସ୍ ଜିତି ପ୍ରଥମେ ବୋଲିଂ କରିଥିଲା । ଆଉ ନ୍ୟୁଜିଲାଣ୍ଡ ନିର୍ଦ୍ଧାରିତ ୨୦ ଓଭରରେ ୭ ଓ୍ଵିକେଟ୍ ହରାଇ ୧୬୩ ରନ୍ ସ୍କୋର କରିଥିଲା । ଘରୋଇ ଟିମ୍ ପକ୍ଷରୁ ଅଧିନାୟକ ଓ୍ଵିଲିୟମସନ୍ ୩୮ ବଲ୍ରେ ସର୍ବାଧିକ ୫୯ ରନ୍ କରିଥିଲେ । ପାକିସ୍ତାନ ବୋଲର ନସିମ ଶାହ ଓ ହାରିସ୍ ରଉଫ ୨ଟି ଲେଖାଏଁ ଓ୍ଵିକେଟ୍ ଦଖଲ କରିଥିଲେ ।
ପରେ ପାକିସ୍ତାନ ୧୯.୩ ଓଭରରେ ୫ ଓ୍ଵିକେଟ୍ ହରାଇ ୧୬୮ ରନ୍ ସଂଗ୍ରହ କରି ବିଜୟୀ ହୋଇଥିଲା । ଓପ୍ନର ମହମ୍ମଦ ରିଜଓ୍ଵାନ ୩୪, ମହମ୍ମଦ ନଓ୍ଵାଜ ଅପରାଜିତ ୩୮, ହାଇଦର ଅଲି ୩୧ ଏବଂ ଇଫତିକାର ଅହମଦ ଅପରାଜିତ ୨୫ ରନ୍ କରି ଦଳକୁ ଜିତାଇ ଦେଇଥିଲେ ।