ସନ୍ଦେହଜନକ ବୋଲିଂ ପାଇଁ ରାୟୁଡୁ ନିଲମ୍ବିତ ହେଲେ
ଦୁବାଇ : ସନ୍ଦେହଜନକ ବୋଲିଂ ଆକସନ୍ ପାଇଁ ଭାରତୀୟ କ୍ରିକେଟର୍ ଅମ୍ବାତି ରାୟୁଡୁ ନିଲମ୍ବିତ । ଅବଶ୍ୟ ଆଇସିସି ତାଙ୍କୁ ୧୪ ଦିନ ପାଇଁ ଅନ୍ତର୍ଜାତୀୟ କ୍ରିକେଟ୍ରେ ବୋଲିଂ କରି ପାରିବେ ନାହିଁ ବୋଲି କହିଛି । ତେବେ ସେ ବ୍ୟାଟିଂ କରିବାରେ କିଛି ଅସୁବିଧା ନାହିଁ ।
ସେ ଜଣେ ନିୟମିତ ବୋଲର୍ ନୁହନ୍ତି । ଗତ ୧୩ ତାରିଖ ଦିନ ଅଷ୍ଟ୍ରେଲିଆ ସହ ପ୍ରଥମ ଦିନିକିଆରେ ରାୟୁଡୁ ବୋଲିଂ କରି ଫସି ଯାଇଛନ୍ତି । ଏପଟେ ଆଜି ରାୟୁଡୁ ନ୍ୟୁଜିଲାଣ୍ଡ ସହ ଖେଳୁଛନ୍ତି । ଏହି ୧୪ ଦିନ ଭିତରେ ତାଙ୍କୁ ନିଜ ବୋଲିଂ ଆକସନ୍ରେ ଥିବା ତ୍ରୁଟି ସୁଧାରି ରିପୋର୍ଟ ଦେବାକୁ ପଡ଼ିବ । ଅବଶ୍ୟ ଏହି ସମୟ ମଧ୍ୟରେ ସେ ଘରୋଇ କ୍ରିକେଟ୍ରେ ବୋଲି କରି ପାରିବେ ବୋଲି ଆଇସିସି ତରଫରୁ କୁହାଯାଇଛି ।
