ଟି୨୦ ବିଶ୍ୱକପ : ନ୍ୟୁୟର୍କରେ ମସ୍ତି ମୁଡରେ ରୋହିତ, ଫଟୋ ଦେଖି ଫ୍ୟାନ୍ସ କଲେ ନିବେଦନ

ଟି୨୦ ବିଶ୍ୱକପରେ ଆସନ୍ତାକାଲି ଭାରତ ଏବଂ ଆୟରଲାଣ୍ଡ ମଧ୍ୟରେ ମ୍ୟାଚ ଖେଳାଯିବ । ଏଥିପାଇଁ ଭାରତୀୟ ଟିମ୍‌ ସଂପୂର୍ଣ୍ଣ ଭାବେ ପ୍ରସ୍ତୁତ ରହିଛି । ଭାରତ ଓ୍ଵାର୍ମ ଅପ୍‌ ମ୍ୟାଚ ବାଂଲାଦେଶ ବିପକ୍ଷରେ ଖେଳି ମ୍ୟାଚ ଜିତିସାରିଛି । ତେବେ ଭାରତ-ଆୟରଲାଣ୍ଡ ମ୍ୟାଚ ପୂର୍ବରୁ ରୋହିତ ଶର୍ମା ମସ୍ତି ମୁଡରେ ନଜର ଆସିଛନ୍ତି । ରୋହିତ ଶର୍ମା ନ୍ୟୁୟର୍କର ଏକ ରେଷ୍ଟୁରାଣ୍ଟରେ ପହଞ୍ଚିଛନ୍ତି । ରୋହିତ ଏହାର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଫ୍ୟାନ୍ସ ଏହି ଫଟୋରେ କମେଣ୍ଟ କରୁଛନ୍ତି ।

ରୋହିତ ଇନଷ୍ଟାଗ୍ରାମରେ ୪ଟି ଫଟୋ ସେୟାର କରିଛନ୍ତି । ଏଥିରେ କ୍ୟାପସନରେ ଲେଖିଛନ୍ତି, ବିଗ୍‌ ମୁଡସ୍‌ ଇନ ଦ ବିଗ୍‌ ଆପଲ । ରୋହିତଙ୍କ ଏହି ଫଟୋରେ ଅତି କମରେ ୮ ଲକ୍ଷରୁ ଅଧିକ ଲୋକ ଲାଇକ୍‌ କରିସାରିଛନ୍ତି ।

ଏହାକୁ ନେଇ ଫ୍ୟାନ୍ସ ବିଭିନ୍ନ ପ୍ରକାର କମେଣ୍ଟ ଦେଇଛନ୍ତି । ୟୁଜର୍ସ ରୋହିତଙ୍କୁ କପ୍‌ ଆଣିବାକୁ କହିଛନ୍ତି । ରୋହିତ ଏହି ଫଟୋରେ ଧଳା ରଙ୍ଗର ସାର୍ଟ ପିନ୍ଧିଛନ୍ତି । ଏହାସହିତ ଅଲଭି ରଙ୍ଗର ଏକ କ୍ୟାପ ପିନ୍ଧିଥିବା ସହିତ ଚଷମା ଲଗାଇଛନ୍ତି ।

ରୋହିତ ବାଂଲାଦେଶ ବିପକ୍ଷ ଓ୍ଵାର୍ମଅପ ମ୍ୟାଚରେ କିଛି ଖାସ୍‌ କରି ପାରିନଥିଲେ । ୧୯ ବଲ ଖେଳି ୨୩ ରନ୍‌ କରିଥିଲେ ରୋହିତ । ରୋହିତ ଏଥିରେ ୨ଟି ଚଉକା ଏବଂ ୧ଟି ଛକା ମାରିଛନ୍ତି । ଭାରତ ପ୍ରଥମେ ବ୍ୟାଟିଂ କରି ୧୮୨ ରନ କରିଥିଲା ବେଳେ ବାଂଲାଦେଶ ୧୨୨ ରନ୍‌ କରିପାରିଥିଲା ।

ଭାରତ ଆୟରଲାଣ୍ଡ ସହିତ ମ୍ୟାଚ ପରେ ପାକିସ୍ତାନ ବିପକ୍ଷରେ ମ୍ୟାଚ ଖେଳିବ । ଏହି ମ୍ୟାଚକୁ ଫ୍ୟାନ୍ସ ଅପେକ୍ଷା କରି ରହିଛନ୍ତି । ଏହି ମ୍ୟାଚ ନ୍ୟୁୟର୍କରେ ଖେଳାଯିବ ।

ଭାରତୀୟ ଟିମ୍‌ ଆଇସିସି ଟି୨୦ ବିଶ୍ୱକପ ଗ୍ରୁପ ଏରେ ପାକିସ୍ତାନ, ଆୟରଲାଣ୍ଡ, ଆମେରିକା ଏବଂ କାନାଡା ସହିତ ମ୍ୟାଚ ଖେଳିବ । ଜୁନ୍‌ ୫ ତାରିଖରେ ଆୟରଲାଣ୍ଡ ବିପକ୍ଷରେ ପ୍ରଥମ ମ୍ୟାଚ ଖେଳିବ ଭାରତ। ଜୁନ୍‌ ୯ରେ ପାକିସ୍ତାନ ସହିତ ଭାରତ ମ୍ୟାଚ ଖେଳିବ । ଏହାପରେ ୧୨ରେ ଆମେରିକା ସହିତ ଏବଂ ୧୫ ଜୁନରେ କାନାଡା ସହିତ ଶେଷ ଲିଗ ମ୍ୟାଚ ଖେଳିବ ଭାରତ ।

ଟି୨୦ ବିଶ୍ୱକପ ପାଇଁ ଭାରତୀୟ ଦଳ :

ରୋହିତ ଶର୍ମା(ଅଧିନାୟକ), ଯଶସ୍ୱୀ ଜୟସଓ୍ଵାଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ରିଷଭ ପନ୍ତ, ସଞ୍ଜୁ ସାମସନ, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ଯୁଜବେନ୍ଦ୍ର ଚହଲ, ଜସପ୍ରୀତ ବୁମରା, ମହମ୍ମଦ ସିରାଜ, ଅର୍ଶଦୀପ ସିଂ ସାମିଲ ରହିଛନ୍ତି ।

ଷ୍ଟାଣ୍ଡବାଏ : ଶବମନ ଗିଲ, ରିଙ୍କୁ ସିଂ, ଖଲୀଲ ଅହମଦ, ଆବେଶ ଖାନ ।