ଟି୨୦ ବିଶ୍ୱକପ : ଅଧିନାୟକ ରୋହିତ ଶର୍ମାଙ୍କ ଫଟୋକୁ ନେଇ କରାଯାଇଛି କଦର୍ଥ, ଫ୍ୟାନ୍‌ ଦେଲେ ମୁହଁତୋଡ ଜବାବ

ଆଇସିସି ଟି୨୦ ବିଶ୍ୱକପ ମହାକୁମ୍ଭ ଆରମ୍ଭ ହୋଇଛି । ଲଗାତାର ଦ୍ୱିତୀୟ ଥର ପାଇଁ ରୋହିତ ଶର୍ମା ଭାରତୀୟ ଟିମର ଅଧିନାୟକ ଦାୟିତ୍ୱରେ ରହିଛନ୍ତି । ବିରାଟ କୋହଲି ଏବଂ ରୋହିତ ଶର୍ମାଙ୍କୁ ଟି୨୦ ବିଶ୍ୱକପ ଫର୍ମାଟକୁ ଫେରିଛନ୍ତି । ଗତଥର ଭାରତ ସେମି ଫାଇନାଲରେ ଇଂଲଣ୍ଡ ଠାରୁ ହାରିଯାଇଥିଲା । ତେଣୁ ଏଥର ଏ ଦୁହେଁ ଭାରତ ପାଇଁ ଟ୍ରଫି ସ୍ୱପ୍ନକୁ ପୂରଣ କରିବାକୁ ଚାହୁଁଛନ୍ତି । ବିରାଟଙ୍କ ଫିଟନେସକୁ ନେଇ ସମସ୍ତେ ଜାଣିଥିବା ବେଳେ କିନ୍ତୁ ରୋହିତ ଶର୍ମା ଏହି ମାମଲାରେ ପଛରେ ରହିଛନ୍ତି । ତେବେ ଏହାକୁ ଫାଇଦା ଉଠାଇ ସୋସିଆଲ ମିଡିଆରେ ତାଙ୍କ ଫଟୋ ସହିତ ମଜାକ ହୋଇଛି ।

ଭାରତୀୟ ଟିମ୍‌ ଅଧିନାୟକ ରୋହିତ ଶର୍ମା ଆଇସିସି ଟି୨୦ ବିଶ୍ୱକପ ପୂର୍ବରୁ ରୋହିତ ଶର୍ମାଙ୍କ ଏକ ଫଟୋ ସୋସିଆଲ ମିଡିଆରେ ଭାଇରଲ ହେଉଛି । ଏଥିରେ ରୋହିତଙ୍କ ପେଟ ବାହାରିଥିବା ବେଳେ ଫିଲ୍ଡିଂ କରୁଥିବାର ଦେଖିବାକୁ ମିଳିଛି । ଫଟୋ ପୋଷ୍ଟ କରିବା ସହିତ କ୍ୟାପସନରେ
ୟୁଜର ଲେଖିଛନ୍ତି, ଓ୍ଵାହା ଜି ଓ୍ଵାହା ଭାରତୀୟ ଟିମର ଅଧିନାୟକଙ୍କ ଫିଟନେସ ।

ରୋହିତ ଶର୍ମାଙ୍କ ଫଟୋ ସହିତ ଫଟୋସପ୍‌ କରାଯାଇ ତାଙ୍କ ଇମେଜକୁ ଖରାପ କରିବାକୁ ପୋଷ୍ଟ କରାଯାଇଛି । ତେଣୁ ଏହି ପୋଷ୍ଟରେ ରୋହିତଙ୍କ ଟି୨୦ ଜର୍ସିରେ ଥିବା ଫଟୋକୁ ଜଣେ ଫ୍ୟାନ୍‌ ଯୋଡି ମୁହଁତୋଡ ଜବାବ ଦେଇଛନ୍ତି । ଜାଣିଶୁଣି ରୋହିତଙ୍କ ଫଟୋକୁ ଏଭଳି କରାଯାଇଛି ।

ଭାରତୀୟ ଟିମ୍‌ ଆଇସିସି ଟି୨୦ ବିଶ୍ୱକପ ଗ୍ରୁପ ଏରେ ପାକିସ୍ତାନ, ଆୟରଲାଣ୍ଡ, ଆମେରିକା ଏବଂ କାନାଡା ସହିତ ମ୍ୟାଚ ଖେଳିବ । ଜୁନ୍‌ ୫ ତାରିଖରେ ଆୟରଲାଣ୍ଡ ବିପକ୍ଷରେ ପ୍ରଥମ ମ୍ୟାଚ ଖେଳିବ ଭାରତ। ଜୁନ୍‌ ୯ରେ ପାକିସ୍ତାନ ସହିତ ଭାରତ ମ୍ୟାଚ ଖେଳିବ । ଏହାପରେ ୧୨ରେ ଆମେରିକା ସହିତ ଏବଂ ୧୫ ଜୁନରେ କାନାଡା ସହିତ ଶେଷ ଲିଗ ମ୍ୟାଚ ଖେଳିବ ଭାରତ ।

ଟି୨୦ ବିଶ୍ୱକପ ପାଇଁ ଭାରତୀୟ ଦଳ :

ରୋହିତ ଶର୍ମା(ଅଧିନାୟକ), ଯଶସ୍ୱୀ ଜୟସଓ୍ଵାଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ରିଷଭ ପନ୍ତ, ସଞ୍ଜୁ ସାମସନ, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ଯୁଜବେନ୍ଦ୍ର ଚହଲ, ଜସପ୍ରୀତ ବୁମରା, ମହମ୍ମଦ ସିରାଜ, ଅର୍ଶଦୀପ ସିଂ ସାମିଲ ରହିଛନ୍ତି ।

ଷ୍ଟାଣ୍ଡବାଏ : ଶବମନ ଗିଲ, ରିଙ୍କୁ ସିଂ, ଖଲୀଲ ଅହମଦ, ଆବେଶ ଖାନ ।