ଗାର୍ଲଫ୍ରେଣ୍ଡକୁ ଧରି ବାବା ବାଗେଶ୍ବରଙ୍କ ପାଖରେ ପହଞ୍ଚିଲେ ଶିଖର ଧୱନ, ଆଶୀର୍ବାଦ ନେବା ପରେ ଧୀରେନ୍ଦ୍ର ଶାସ୍ତ୍ରୀଙ୍କ ସହିତ ଖେଳିଲେ କ୍ରିକେଟ

By Swagatika
sikhar dhawan

ପୂର୍ବତନ କ୍ରିକେଟର ଶିଖର ଧୱନ ଏବେ ନୂଆ ଗାର୍ଲଫ୍ରେଣ୍ଡକୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି । ଶୋଫି ସାଇନଙ୍କ ସହିତ ଶିଖରଙ୍କୁ ଦେଖିବାକୁ ମିଳିଛି । ଏହାରି ମଧ୍ୟରେ ଶିଖର ଧୱନ ଗାର୍ଲଫ୍ରେଣ୍ଡ ଶୋଫିଙ୍କ ସହିତ ବାଗେଶ୍ବର ବାଲାଜୀ ସନାତନ ମଠରେ ପହଞ୍ଚି ବାଲାଜୀ ସରକାରଙ୍କ ଆଶୀର୍ବାଦ ନେଇଛନ୍ତି । ଧୀରେନ୍ଦ୍ର ଶାସ୍ତ୍ରୀ ପୂର୍ବତନ କ୍ରିକେଟରଙ୍କୁ ମଞ୍ଚକୁ ଡାକି ପ୍ରଶଂସା କରିଛନ୍ତି ।

ଶିଖରଙ୍କ ସହିତ ଗାର୍ଲଫ୍ରେଣ୍ଡ ଶୋଫି ମଧ୍ୟ ବାଗେଶ୍ବର ବାବାଙ୍କ ଆର୍ଶୀବାଦ ନେଇଛନ୍ତି । ଧୀରେନ୍ଦ୍ର ଶାସ୍ତ୍ରୀ ଶିଖର ଧୱନଙ୍କୁ କେସର ରଙ୍ଗର ପଗଡି ପିନ୍ଧାଇ ତାଙ୍କୁ ସ୍ବାଗତ କରିଛନ୍ତି । ଏହାସହିତ ପାରଦ ଶିବଲିଙ୍ଗର ପୂଜା କରିଛନ୍ତି ଶିଖର ଧୱନ ।

ଶିଖର ଧୱନ ଏବଂ ଧୀରେନ୍ଦ୍ର ଶାସ୍ତ୍ରୀଙ୍କ ସହିତ କ୍ରିକେଟ ମଧ୍ୟ ଖେଳିଛନ୍ତି । ପ୍ରଥମେ ଧୱନ ବ୍ୟାଟିଂ କରିଥିବା ବେଳେ ଶାସ୍ତ୍ରୀଜୀ ଗୋଟିଏ ବଲରେ ବୋଲ୍ଡ କରିଛନ୍ତି । ସେହିପରି ଧୀରେନ୍ଦ୍ର ଶାସ୍ତ୍ରୀଜୀ ଧୱନଙ୍କ ବୋଲିଂରେ କିଛି ସଟ୍ ମଧ୍ୟ ମାରିଛନ୍ତି ।

ଶିଖରଙ୍କ ଗାର୍ଲଫ୍ରେଣ୍ଡ ଶୋଫି ସାଇନ ଆୟରଲାଣ୍ଡର ବାସିନ୍ଦା । ଚାମ୍ପିଅନ୍ସ ଟ୍ରଫିରେ ଭାରତ-ପାକିସ୍ତାନ ମ୍ୟାଚ ଦେଖିବାକୁ ଧୱନଙ୍କ ସହିତ ଆସିଥିଲେ । ଏହାପରେ ଦୁହିଁଙ୍କୁ ଏୟାରପୋର୍ଟ, ଇଭେଣ୍ଟରେ ଦେଖିବାକୁ ମିଳିଥିଲା । ଦୁହେଁ ଇନଷ୍ଟାଗ୍ରାମରେ ପରସ୍ପରକୁ ଫଲୋ ମଧ୍ୟ କରୁଛନ୍ତି ।

ସୂଚନାଯୋଗ୍ୟ, ୨୦୧୨ରେ ଶିଖର ଆୟଶା ମୁଖାର୍ଜୀଙ୍କ ସହିତ ବିବାହ କରିଥିଲେ । ୨୦୧୪ରେ ତାଙ୍କର ପୁଅ ଜୋରାବର ଜନ୍ମ ହୋଇଥିଲା । ଛାଡପତ୍ର ପରେ ଜୋରାବର ନିଜ ମା’ ସହିତ ମେଲବର୍ଣ୍ଣରେ ରହୁଛନ୍ତି । ଧଓ୍ଵନ ପୁଅକୁ ଦେଖାକରିବା ପାଇଁ ମେଲବର୍ଣ୍ଣ ମଧ୍ୟ ଯାଉଛନ୍ତି । ୨୦୨୦ରୁ ଉଭୟ ପତିପତ୍ନୀ ଭାବେ ରହୁନାହାନ୍ତି ।

୨୦୨୧ରେ ଶିଖର ଧଓ୍ଵନଙ୍କ ଜୀବନରେ ଭାଙ୍ଗିପଡିଥିଲେ । ପତ୍ନୀ ଆୟଶା ମୁଖାର୍ଜୀ ୯ ବର୍ଷର ସଂପର୍କ ଭାଙ୍ଗିବାକୁ ନିଷ୍ପତ୍ତି ନେଇ ତାଙ୍କୁ ଭାଙ୍ଗିଦେଇଥିଲେ ।

Also Read : ବାହାଘରର ୮ ବର୍ଷ ପରେ ବାପା ମା’ ହେଲେ ଜାହିର ଏବଂ ସାଗରିକା, ଶିଶୁପୁତ୍ରକୁ ଜନ୍ମ ଦେଲେ ଅଭିନେତ୍ରୀ