ଆଇପିଏଲ ୨୦୨୫ରେ ପଞ୍ଜାବ କିଙ୍ଗସର ଅଧିନାୟକତ୍ୱ କରୁଥିବା ଭାରତୀୟ କ୍ରିକେଟର ଶ୍ରେୟସ ଆୟର ଚାମ୍ପିଅନ୍ସ ଟ୍ରଫିରେ ଉତ୍କୃଷ୍ଟ ପ୍ରଦର୍ଶନ କରିବା ପାଇଁ ମାର୍ଚ୍ଚ ମାସ ପାଇଁ ପ୍ଲେୟାର ଅଫ୍ ଦି ମନ୍ଥ ପୁରସ୍କାର ଜିତିଛନ୍ତି । ଶ୍ରେୟସ ନ୍ୟୁଜିଲ୍ୟାଣ୍ଡର ଜାକବ ଡଫି ଏବଂ ରଚିନ ରବିନ୍ଦ୍ରଙ୍କୁ ପଛରେ ପକାଇ ଏହି ପୁରସ୍କାର ଜିତିଛନ୍ତି ।
ଶ୍ରେୟସ ଆୟର ଚାମ୍ପିଅନ୍ସ ଟ୍ରଫିରେ ସର୍ବାଧିକ ୨୪୩ ରନ ସ୍କୋର କରିଥିଲେ । କେବଳ ସେତିକି ନୁହେଁ, ଭାରତର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଶୁଭମନ ଗିଲ ଫେବୃଆରୀ ମାସରେ ଏହି ପୁରସ୍କାର ଜିତିଥିବା ବେଳେ ଶ୍ରେୟସ ଆୟର ମାର୍ଚ୍ଚ ପାଇଁ ଏହି ପୁରସ୍କାର ଜିତିଛନ୍ତି ।
ଶ୍ରେୟସ ଆୟର ଚାମ୍ପିଅନ୍ସ ଟ୍ରଫିରେ ନ୍ୟୁଜିଲାଣ୍ଡ ବିପକ୍ଷ ଗ୍ରୁପ ପର୍ଯ୍ୟାୟ ମ୍ୟାଚରେ ୭୯ ବଲରେ ୯୮ ରନ୍ କରିଥିବା ବେଳେ ଅଷ୍ଟ୍ରେଲିଆ ବିପକ୍ଷ ସେମିଫାଇନାଲରେ ୪୫ ବଲରେ ୬୨ ରନ୍ କରିଥିଲେ । ସେହିପରି ଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ୪୮ ବଲରେ ୬୨ ରନ୍ କରିଥିଲେ ।
Stylish batter wins the ICC Men’s Player of the Month for March for his Champions Trophy heroics 👏https://t.co/7Hp7yaqS6T
— ICC (@ICC) April 15, 2025
ଶ୍ରେୟସ ଆୟର ଚାମ୍ପିଅନ୍ସ ଟ୍ରଫି ଭଳି ଫର୍ମ ଆଇପିଏଲ ୨୦୨୫ରେ ଜାରି ରଖିଛନ୍ତି । ସେ ଏପର୍ଯ୍ୟନ୍ତ ୫ଟି ମ୍ୟାଚ ଖେଳି ୨୫୦ ରନ୍ କରିଛନ୍ତି । ଏହି ସିଜନରେ ଶ୍ରେୟସ ଏପର୍ଯ୍ୟନ୍ତ ୩ଟି ଅର୍ଦ୍ଧଶତକ ମାରିଛନ୍ତି ।
୨୦୨୧ ମସିହାରେ ପ୍ରଥମ ଥର ପାଇଁ ପ୍ଲେୟାର ଅଫ୍ ଦି ମନ୍ଥ ପୁରସ୍କାର ଲଗାତାର ୩ ଜଣ ଭାରତୀୟ ପୁରୁଷ ଖେଳାଳି ଜିତିଥିଲେ । ଜାନୁଆjh ପାଇଁ ରିଷଭ ପନ୍ତ, ଫେବୃଆରୀ ପାଇଁ ରବିଚନ୍ଦ୍ରନ ଅଶ୍ୱିନ ଏବଂ ମାର୍ଚ୍ଚ ପାଇଁ ଭୁବନେଶ୍ୱର କୁମାରଙ୍କୁ ପୁରସ୍କାର ମିଳିଥିଲା ।
Also Read : ପଞ୍ଜାବ କିଙ୍ଗସକୁ ବଡ଼ ଝଟକା, ଆଇପିଏଲରୁ ବାଦ୍ ପଡିଲେ ଲୋକି ଫର୍ଗ୍ୟୁସନ