ଆଜି ଭାରତ-ଦକ୍ଷିଣ ଆଫ୍ରିକା ଟି୨୦ ସିରିଜର ଦ୍ବିତୀୟ ମ୍ୟାଚ । ପ୍ରଥମ ଟି-୨୦ରେ ଦମଦାର ବିଜୟ ପରେ ଆଜି ଦ୍ବିତୀୟ ମ୍ୟାଚରେ ବି ଦମ ଦେଖାଇବାକୁ ପ୍ରସ୍ତୁତ ସୂର୍ଯ୍ୟକୁମାରଙ୍କ ବ୍ରିଗେଡ । ଏପଟେ ମ୍ୟାଚ ଜିତି ସିରିଜ ବରାବର ଲକ୍ଷ୍ୟରେ ଘରୋଇ ଟିମ୍ । ସୂର୍ଯ୍ୟକୁମାର ଯାଦବଙ୍କ ଯୁବ ଦଳ ପ୍ରଥମ ମ୍ୟାରେ ସମସ୍ତ ବିଭାଗରେ ଭଲ ପ୍ରଦର୍ଶନ କରିଥିଲା ।
ସଞ୍ଜୁ ସାମସନଙ୍କ ଶତକ ଓ ତିଳକ ବର୍ମାଙ୍କ ଇଂନିସ ବଳରେ ଭାରତ ୨୦୨ ରନର ବଡ଼ ସ୍କୋର କରିଥିଲା । ଦ୍ବିତୀୟ ମ୍ୟାଚରେ ମଧ୍ୟ ସମାନ ପ୍ରଦର୍ଶନ ବଜାୟ ରଖିବା ନେଇ ଉଦ୍ୟମ କରିବ । ଦକ୍ଷିଣ ଆଫ୍ରିକା ପ୍ରଥମ ମ୍ୟାଚର ବୋଲିଂ ଓ ବ୍ୟାଟିଂ ବିଫଳତାକୁ ସୁଧାରିବା ସହ ବିଜୟ ନେଇ ଉଦ୍ୟମ କରିବ ।
ବିଜୟରୁ ଦକ୍ଷିଣ ଆଫ୍ରିକା ବିପକ୍ଷରେ ଅଭିଯାନ ଆରମ୍ଭ କରିଛି ଟିମ୍ ଭାରତ । ପ୍ରଥମେ ବ୍ୟାଟିଂ କରି ଭାରତ ୮ ୱିକେଟ ବିନିମୟରେ ୨୦୨ ରନ୍ ସଂଗ୍ରହ କରିଥିଲା । ଜବାବରେ ଦକ୍ଷିଣ ଆଫ୍ରିକା ୧୭.୫ ଓଭରରେ ୧୪୧ ରନ୍ କରି ଅଲ ଆଉଟ୍ ହୋଇଯାଇଥିଲା । ମ୍ୟାଚ୍ ବିଜୟର ଅନ୍ୟତମ ହିରୋ ଥିଲେ ତିଲକ ବର୍ମା, ରବି ବିଷ୍ଣୋଇ ଓ ବରୁଣ ଚକ୍ରବର୍ତ୍ତୀ । ରବି ଓ ବରୁଣ ଭଭୟ ୩ଟି ଲେଖାଏ ୱିକେଟ୍ ନେଇଥିଲେ ।