ସମ୍ବଲପୁର(କେନ୍ୟୁଜ୍): ପବିତ୍ର ଚୈତ୍ର ପୂର୍ଣ୍ଣିମା ତିଥି ଓ ମହାନଦୀର ସ୍ବଚ୍ଛତାକୁ ନେଇ ସମାଜରେ ପ୍ରଚାର କରିବା ଉଦେଶ୍ଯ ନେଇ ସମ୍ବଲପୁର ମହାନଦୀ ଠାରେ ଅନୁଷ୍ଠିତ ହୋଇଯାଇଛି ଏହି ରାଜ୍ଯସ୍ତରୀୟ ନୌକା ପ୍ରତିଯୋଗିତା । ସମ୍ବଲପୁର ସହରର ବୀର ବଜରଙ୍ଗ ସଂଘ ହାଟପଡା ପକ୍ଷରୁ ମିନକେତନ ଦେହେରୀ ସ୍ମାରକି ରାଜ୍ଯ ସ୍ତରୀୟ ନୌକା ପ୍ରତିଯୋଗିତାରେ ୩୦ଟି ନୌକାରେ ୬୨ ଜଣ ପ୍ରତିଯୋଗୀ ଅଂଶଗ୍ରହଣ ନେଇଥିଲେ । ସମ୍ବଲପୁର ବଡବଜାର ସଡ଼କ ଘାଟ ଠାରୁ ଆରମ୍ଭ ହୋଇଥିବା ଏହି ପ୍ରତିଯୋଗିତା ମହାନଦୀର ଅଯୋଧ୍ୟା ସରୋବର ଠାରେ ପରିସମାପ୍ତି ହୋଇଥିଲା । ବିଶେଷ କରି ମହାନଦୀ ର ସ୍ବଚ୍ଛତା ନେଇ ଜନଜାଗରଣ ସୃଷ୍ଟି କରିବା ପାଇଁ ଏଭଳି ଆୟୋଜନ କରାଯାଇଥିବା ଆୟୋଜକ ମାନେ କହିଛନ୍ତି ।
ତେବେ ଏହି ନୌକା ପ୍ରତିଯୋଗିତାକୁ ଦେଖିବା ପାଇଁ ଗତକାଲି ମହାନଦୀର ବଡବଜାର ସଡ଼କ ଘାଟ ଓ ଅଯୋଧ୍ୟା ସରୋବର ଠାରେ ବହୁ ସଂଖ୍ଯାରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ଅନ୍ଯପକ୍ଷରେ ଏହି ନୌକା ପ୍ରତିଯୋଗିତାରେ କୌଣସି ପ୍ରକାର ଅଘଟଣକୁ ରୋକିବା ପାଇଁ ଅଗ୍ନିଶ୍ରମ ବିଭାଗ ପକ୍ଷରୁ ମହାନଦୀରେ ଅତ୍ୟାଧୁନିକ ବୋଟ୍ ସହ ଲାଇଫ ଜ୍ଯାକେଟ ଧରି ମୂତୟନ ଥିଲେ କର୍ମଚାରୀ । ସେହିପରି ସ୍ଥାନୀୟ ପୋଲିସ ପକ୍ଷରୁ ମଧ୍ୟ ବ୍ଯାପକ ସୁରକ୍ଷା ବନ୍ଦୋବସ୍ତ କରାଯାଇଥିବା ଦେଖିବାକୁ ମିଳିଥିଲା ।
ଏହି ରାଜ୍ଯସ୍ତରୀୟ ନୌକା ପ୍ରତିଯୋଗିତା ରେ ସୋନପୁର, ବୌଦ୍ଧ, ବିନିକା, କେଉଟୀପାଲି , ତୁରୁମ, ବରଗଡ଼,ଡଙ୍ଗାପାଲ, ସିଣ୍ଢୋଲ, ଦେଓଗାଁ,ସମେତ ବିଭିନ୍ନ ଜିଲ୍ଲାରୁ ଆସିଥିବା ପ୍ରତିଯୋଗୀ ଏଥିରେ ଅଂଶଗ୍ରହଣ କରିଥିଲେ । ସମ୍ବଲପୁର ମହାନଦୀରେ ଅନୁଷ୍ଠିତ ହୋଇଥିବା ଏହି ପ୍ରତିଯୋଗିତାରେ ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ ହାଟପଡା ଟିମର ବିଶ୍ବନାଥ ଦଣ୍ଡସେନା ଓ ସାଥୀ ବିକାଶ ସାହୁ ପ୍ରଥମ, ପୋତାପାଲି ଟିମର ରଞ୍ଜନ ବଢ଼େଇ, ଭିମ ବରିହା ଦ୍ବିତୀୟ ସ୍ଥାନ ଅଧିକାର କରିଥିଲେ ।
ପ୍ରାୟ ୩ ବର୍ଷ ପରେ ପୁଣିଥରେ ବଡ଼ ଧୁମଧାମରେ ସମ୍ବଲପୁର ସହରର ମହାନଦୀ ଘାଟରେ ରାଜ୍ଯ ସ୍ତରୀୟ ନୌକା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହାକୁ ଦେଖିବ କୁ ଲୋକଙ୍କ ମଧ୍ୟରେ ବେଶ୍ ଉତ୍ସାହ ଦେଖାଦେଇଥିଲା । ହାଟପଡାର ବୀର ବଜରଙ୍ଗ ସଂଘର ଏପରି ନୌକା ପ୍ରତିଯୋଗିତା ଆୟୋଜନ ଖୁବ୍ ପ୍ରଶଂସାଯୋଗ୍ଯ। ଏହା ମହାନଦୀକୁ ସ୍ବଚ୍ଛତା ଆଣିବାରେ ବେଶ ସ଼ହାୟକ ହେବ ବୋଲି ଆଶା କରାଯାଉଛି ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…