ଟି୨୦ ବିଶ୍ୱକପ ପୂର୍ବରୁ ଗୁରୁତ୍ୱପୂର୍ଣ୍ଣ ମ୍ୟାଚ୍‌ ଖେଳିବ ଭାରତୀୟ ଟିମ୍‌, ଖୁବଶୀଘ୍ର ଆଇସିସି କରିବ ଘୋଷଣା

ଆଇପିଏଲ ୨୦୨୪ ପରେ ଏବଂ ଟି୨୦ ବିଶ୍ୱକପ ପୂର୍ବରୁ ଭାରତୀୟ ଟିମ୍‌ ଗୁରୁତ୍ୱପୂର୍ଣ୍ଣ ମ୍ୟାଚ୍‌ ଖେଳିବ । ଆଇପିଏଲ ଲିଗ୍‌ ମ୍ୟାଚ ସରିବା ପରେ ୨୧ ମଇକୁ ନ୍ୟୁୟର୍କ ଗସ୍ତ କରିବ ଭାରତୀୟ ଟିମ୍‌ । ଟି୨୦ ବିଶ୍ୱକପ ପୂର୍ବରୁ ଦୁଇଟି ଓ୍ଵାର୍ମଅପ ମ୍ୟାଚ ଖେଳିବ ଭାରତ ।

କ୍ରିକବଜ୍‌ ରିପୋର୍ଟ ମୁତାବକ, ଭାରତୀୟ ଟିମ୍‌ ଟି୨୦ ବିଶ୍ୱକପ ୨୦୨୪ ପୂର୍ବରୁ ଓ୍ଵାର୍ମଅପ୍‌ ମ୍ୟାଚ ଖେଳିବ । ଖେଳାଳିଙ୍କ ମଧ୍ୟରେ ତାଳମେଳ ଏବଂ ବୁଝାମଣା ପାଇଁ ଏହି ମ୍ୟାଚ ଖେଳାଯିବ । ଭାରତୀୟ ଟିମ ନ୍ୟୁୟର୍କରେ ଗ୍ରୁପ ଷ୍ଟେଜରେ ମ୍ୟାଚ ଖେଳିବାକୁ ହେବ । ତେଣୁ ନିଜର ଓ୍ଵାର୍ମଅପ୍‌ ମ୍ୟାଚ ମଧ୍ୟ ଏଠାରେ ଖେଳିବ ଭାରତ । ତେବେ ଆଇସିସି ଏବଂ କ୍ରିକେଟ େଓ୍ଵଷ୍ଟଇଣ୍ଡିଜ ବିସିସିଆଇ ସାମ୍ନାରେ ଫ୍ଲୋରିଡାରେ ଗୋଟିଏ ଓ୍ଵାର୍ମଅପ୍‌ ମ୍ୟାଚ ପାଇଁ ପ୍ରସ୍ତାବ ରଖିଛି । ଖେଳାଳିଙ୍କ ଟ୍ରାଭେଲିଂ ସମୟ ବଞ୍ଚାଇବା ପାଇଁ ଏଠାରେ ମ୍ୟାଚ ଖେଳାଯିବ ।

ଇଂଲଣ୍ଡ ଏବଂ ପାକିସ୍ତାନ ଟିମ୍‌ ମଧ୍ୟ ଗୋଟିଏ ଗୋଟିଏ ମ୍ୟାଚ ଓ୍ଵାର୍ମଅପ୍‌ ମ୍ୟାଚ ଖେଳିବ । ଏହି ଦୁଇଟି ଟିମ୍‌ ମଧ୍ୟରେ ଟି୨୦ ସିରିଜ ଖେଳାଯିବ । ଯାହା ୩୦ ମଇରେ ସରିବ । ଆଉ ଏଥିପାଇଁ ଏହି ଦୁଇଟି ଟିମ୍‌ ଓ୍ଵାର୍ମ ଅପ୍‌ ମ୍ୟାଚ ଖେଳିବାକୁ ସମୟ ନଥିବ । ତେଣୁ ଭାରତୀୟ ଟିମର ଓ୍ଵାର୍ମଅପ୍‌ ମ୍ୟାଚ ୨୫ କିମ୍ବା ୨୬ ମଇରେ ହୋଇପାରେ । ଏଥିପାଇଁ ଖୁବଶୀଘ୍ର ଆଇସିସି ଖେଳସୂଚୀ ଘୋଷଣା କରିବ । ଓ୍ଵାର୍ମଅପ୍‌ ମ୍ୟାଚ ଖେଳିବା ପାଇଁ ଭାରତୀୟ ଟିମ୍‌ ୨୧ ମଇରେ ନ୍ୟୁୟର୍କ ଗସ୍ତ କରିବ । ସେହିପରି ଆଇପିଏଲରେ ପ୍ଲେଅଫରେ ଥିବା ଟିମର ଖେଳାଳି ଦ୍ୱିତୀୟ ବ୍ୟାଚରେ ଯିବେ ।

ଜୁନ ୨ରୁ ଟି-୨୦ ବିଶ୍ୱକପ ଆରମ୍ଭ ହେବାକୁ ଯାଉଥିବା ବେଳେ ଜୁନ ୫ରେ ଭାରତ ତା’ର ପ୍ରଥମ ମ୍ୟାଚ ଖେଳିବ ।  ଟି୨୦ ବିଶ୍ୱକପ ପାଇଁ ଖେଳିବାକୁ ଥିବା ୨୦ ଟିମ୍‌କୁ ୫-୫ କରି ୪ଟି ଗ୍ରୁପରେ ବଣ୍ଟାଯାଇଛି । ଭାରତ ଛଡା ଗ୍ରୁପ ଏ ରେ ପାକିସ୍ତାନ, ଆୟରଲାଣ୍ଡ, ୟୁଏସଏ ଏବଂ କାନାଡା ରହିବ ।  ଏହାପରେ ଟପ୍‌-୨ ରେ ରହୁଥିବା ପ୍ରତ୍ୟେକ ଗ୍ରୁପର ଟିମ୍‌ ସୁପର-୮ ପାଇଁ କ୍ୱାଲିଫାଏ କରିବା, ସେମାନଙ୍କୁ ୪-୪ କରି ୨ଟି ଗ୍ରୁପରେ ବଣ୍ଟାଯିବ । ସେହିପରି ଟପ୍‌-୨ରେ ରହିବା ଟିମକୁ ନିଜ ନିଜ ଗ୍ରୁପରେ ସେମିଫାଇନାଲ ଖେଳିବାକୁ ହେବ ।

ଟି୨୦ ବିଶ୍ୱକପ ପାଇଁ ଭାରତୀୟ ଦଳ :

ରୋହିତ ଶର୍ମା(ଅଧିନାୟକ), ଯଶସ୍ୱୀ ଜୟସଓ୍ଵାଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ରିଷଭ ପନ୍ତ, ସଞ୍ଜୁ ସାମସନ, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ଯୁଜବେନ୍ଦ୍ର ଚହଲ, ଜସପ୍ରୀତ ବୁମରା, ମହମ୍ମଦ ସିରାଜ, ଅର୍ଶଦୀପ ସିଂ ସାମିଲ ରହିଛନ୍ତି ।

ଷ୍ଟାଣ୍ଡବାଏ : ଶବମନ ଗିଲ, ରିଙ୍କୁ ସିଂ, ଖଲୀଲ ଅହମଦ, ଆବେଶ ଖାନ ।