ଟି୨୦ ବିଶ୍ୱକପ ପାଇଁ ବିରାଟଙ୍କ ସହିତ ଆମେରିକାରେ ପହଞ୍ଚିଲେ ଅନୁଷ୍କା, ସାଙ୍ଗରେ ଅଛନ୍ତି ଭାମିକା ଓ ଅକାୟ
ଆଇସିସି ଟି୨୦ ବିଶ୍ୱକପ ଆରମ୍ଭ ହେବାକୁ ଆଉ କିଛି ଘଣ୍ଟା ବାକି ରହିଛି । ଭାରତୀୟ ଟିମର ପ୍ରଥମ ମ୍ୟାଚ ଆୟରଲାଣ୍ଡ ବିପକ୍ଷରେ ୫ ଜୁନରେ ରହିଛି । ଏହାପୂର୍ବରୁ ଭାରତୀୟ ଟିମ୍ ବାଂଲାଦେଶ ବିପକ୍ଷରେ ଓ୍ଵାର୍ମ ଅପ୍ ମ୍ୟାଚ ଆଜି ଖେଳିବ । ବିଶ୍ୱକପ ପାଇଁ ଭାରତୀୟ ଟିମ୍ ନ୍ୟୁୟର୍କରେ ପହଞ୍ଚିଯାଇଥିବା ବେଳେ ବିରାଟ କୋହଲି ମଧ୍ୟ ପହଞ୍ଚିଛନ୍ତି । ଆମେରିକାରେ ବିରାଟଙ୍କ ସହିତ ଅନୁଷ୍କା ଶର୍ମାଙ୍କୁ ମଧ୍ୟ ଦେଖିବାକୁ ମିଳିଛି । ବିରାଟ ଓ ଅନୁଷ୍କାଙ୍କ ସହିତ ଭାମିକା ଏବଂ ଅକାୟ ମଧ୍ୟ ପହଞ୍ଚିଛନ୍ତି ।
ପ୍ରଥମ ବ୍ୟାଚରେ ଭାରତୀୟ ଟିମ୍ ଆମେରିକା ଗସ୍ତ କରିଥିବା ବେଳେ ବିରାଟ କୋହଲି ଯାଇନଥିଲେ । ଟି-୨୦ ବିଶ୍ୱକପ ପାଇଁ ଅଧିନାୟକ ରୋହିତ ଶର୍ମାଙ୍କ ସମେତ ଅନେକ ଖେଳାଳି ପ୍ରଥମ ପର୍ଯ୍ୟାୟରେ ନ୍ୟୁୟର୍କ ଗସ୍ତରେ ଯାତ୍ରା କରିଥିଲେ । ରୋହିତ ଶର୍ମା, ରାହୁଲ ଦ୍ରାବିଡ, ଜଶପ୍ରୀତ ବୁମରା, ରବିନ୍ଦ୍ର ଜାଡେଜା, କୁଳଦୀପ ଯାଦବ, ଶିବମ ଦୁବେ, ଋଷଭ ପନ୍ତ, ଅକ୍ଷର ପଟେଲ, କୁଲଦୀପ ଯାଦବ, ଖଲୀଲ ଅହମଦ, ମହମ୍ମଦ ସିରାଜ, ଅର୍ଶଦୀପ ସିଂ ଏବଂ ଅନ୍ୟ କୋଚିଂ ଷ୍ଟାଫ୍ ସାମିଲ ରହିଥିଲେ।
ତେଣୁ ବିରାଟ ଗତକାଲି ପତ୍ନୀ ଅନୁଷ୍କା ଏବଂ ପିଲାଙ୍କ ସହିତ ଆମେରିକାରେ ପହଞ୍ଚିଛନ୍ତି । ବିରାଟ ଯିବା ପୂର୍ବରୁ ଅନୁଷ୍କା, ଜାହିର ଖାନ, ସାଗରିକା ଘଟକେ ଏବଂ କ୍ରିକେଟ ପ୍ରେଜେଣ୍ଟର ଗୌରବ କପୁରଙ୍କ ସହିତ ଡିନର କରିଥିଲେ । ଯାହାର ଫଟୋ ସୋସିଆଲ ମିଡିଆରେ ଭାଇରଲ ହେଉଛି ।
ତେବେ ବିରାଟଙ୍କ ପ୍ରତ୍ୟେକ ମ୍ୟାଚରେ ଅନୁଷ୍କା ଷ୍ଟାଡିୟମରେ ଚିୟର କରିବାକୁ ରୁହନ୍ତି । ଆଇପିଏଲ ସମୟରେ ମଧ୍ୟ ଅନେକ ମ୍ୟାଚରେ ବିରାଟଙ୍କୁ ଚିୟର କରିବା ପାଇଁ ଅନୁଷ୍କା ଷ୍ଟାଣ୍ଡରେ ନଜର ଆସିଥିଲେ । ସେହିପରି ଏଥର ଟି୨୦ ବିଶ୍ୱକପରେ ମଧ୍ୟ ଅନୁଷ୍କା ବିରାଟଙ୍କୁ ଚିୟର କରିବାକୁ ପହଞ୍ଚିଛନ୍ତି ।
ସୂଚନାଯୋଗ୍ୟ, ଟି୨୦ ବିଶ୍ୱକପ ଆରମ୍ଭ ହେବା ପୂର୍ବରୁ ଆଜି ନସାଓ କାଉଣ୍ଟି କ୍ରିକେଟ ଷ୍ଟାଡିୟମରେ ଖେଳାଯିବାକୁ ଥିବା ଓ୍ଵାମଅପ୍ ମ୍ୟାଚ ହେବ । ତେବେ ଗତ ଦୁଇ ଦିନରେ ନ୍ୟୁୟର୍କରେ ବର୍ଷା ହୋଇଥିଲା । ଆଜିର ପାଣିପାଗ ସ୍ୱଚ୍ଛ ରହିଛି । ବର୍ଷା ହେବାର ସମ୍ଭାବନା ନାହିଁ ।
ଟି୨୦ ବିଶ୍ୱକପ ପାଇଁ ଭାରତୀୟ ଦଳ :
ରୋହିତ ଶର୍ମା(ଅଧିନାୟକ), ଯଶସ୍ୱୀ ଜୟସଓ୍ଵାଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ରିଷଭ ପନ୍ତ, ସଞ୍ଜୁ ସାମସନ, ହାର୍ଦ୍ଦିକ ପାଣ୍ଡ୍ୟା, ଶିବମ ଦୁବେ, ରବିନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ଯୁଜବେନ୍ଦ୍ର ଚହଲ, ଜସପ୍ରୀତ ବୁମରା, ମହମ୍ମଦ ସିରାଜ, ଅର୍ଶଦୀପ ସିଂ ସାମିଲ ରହିଛନ୍ତି ।
ଷ୍ଟାଣ୍ଡବାଏ : ଶବମନ ଗିଲ, ରିଙ୍କୁ ସିଂ, ଖଲୀଲ ଅହମଦ, ଆବେଶ ଖାନ ।