କୋଲକତା ନାଇଟ ରାଇଡର୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଗତକାଲି ମ୍ୟାଚ ଖେଳାଯାଇଥିଲା । ଏହି ମ୍ୟାଚ ଆରସିବି ମାତ୍ର ୧ ରନରେ ହାରିଯାଇଥିଲା । ଏହି ମ୍ୟାଚରେ ବିରାଟ କୋହଲି ୭ ବଲରେ ୧୮ ରନ କରି ଆଉଟ ହୋଇଥିଲେ । ହେଲେ ବିରାଟଙ୍କୁ ଅମ୍ପାୟର ଆଉଟ ଦେବା ପରେ ସେ ବହୁତ ନାରାଜ ଥିଲେ । ଯାହା ଫଳରେ ପଡିଆରୁ ଫେରୁଥିବା ବେଳେ ରାଗୁଥିବାର ଏକ ଭିଡିଓ ଭାଇରଲ ହେବାରେ ଲାଗିଛି । ଏହି ପରାଜୟ ପରେ ଆରସିବି ପଏଣ୍ଟ ତାଲିକାରେ ଶେଷରେ ରହିଛି । ଆରସିବି ୮ଟି ମ୍ୟାଚରୁ ୭ଟିରେ ହାରିଥିବା ବେଳେ ୧ଟି ମ୍ୟାଚରେ ଜିତିଛି ।
ଏହି ମ୍ୟାଚରେ ଆରସିବି ଅଧିନାୟକ ଫାଫ୍ ଡୁ ପ୍ଲେସିସି ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଏହାପରେ କୋଲକତା ନାଇଟ ରାଇଡର୍ସ ପ୍ରଥମେ ବ୍ୟାଟିଂ କରି ୨୦ ଓଭରରେ ୬ ଓ୍ଵିକେଟ ହରାଇ ୨୨୨ ରନ କରିଥିଲା । ଆରସିବି ସାମ୍ନାରେ ବଡ ଲକ୍ଷ୍ୟ ରଖିଥିଲା କୋଲକତା । ଏତେ ବଡ ଟାର୍ଗେଟକୁ ପିଛା କରି ବିରାଟ କୋହଲି ଭଲ ଖେଳୁଥିଲେ ମଧ୍ୟ । ହର୍ଷିତ ରାଣା ଙ୍କ ଓଭରର ପ୍ରଥମ ବଲରେ ବିରାଟ କୋହଲି ଏକ ସ୍ଲୋ ଫୁଲ ଟସ୍ ବଲକୁ ସାମ୍ନା କରିଥିଲେ । ଯାହାକୁ ବିରାଟ ଡିଫେନ୍ସ କରିଥିଲେ, କିନ୍ତୁ ବଲ ବ୍ୟାଟ୍ କଡରେ ବାଜିବାରୁ ହର୍ଷିତ ଏହାକୁ କ୍ୟାଚ ଧରିଦେଇଥିଲେ । ଆଉ ଅମ୍ପାୟର ମଧ୍ୟ ଆଉଟ ଦେଇଥିଲେ । ବିରାଟ କୋହଲି ଏହାକୁ ନେଇ ରିଭ୍ୟୁ ମାଗିଥିଲେ । ଆଉ ଅମ୍ପାୟର ରିଭ୍ୟୁ ପରେ ମଧ୍ୟ ବିରାଟଙ୍କୁ ଆଉଟ ଦେଇଥିଲେ । ଫଳରେ ବିରାଟ ବହୁତ ରାଗିଯାଇଥିଲେ ।
ବିରାଟ ରାଗରେ ପାଭିଲିୟନକୁ ଯାଉଥିବା ବେଳେ ଅମ୍ପାୟର କିଛି କହିଥିଲେ । ଏହାପରେ ବିରାଟ ରାଗିଯାଇ ଅମ୍ପାୟରଙ୍କୁ କିଛି କହିଥିଲେ । ଏହାପରେ ବିରାଟ ପାଭିଲିୟନକୁ ଫେରୁଥିବା ବେଳେ ବାହାରେ ରଖାଯାଇଥିବା ଏକ ଡଷ୍ଟବିନକୁ ହାତ ମାରି ଫୋପାଡିଦେଇଥିଲେ । ଆଉ ଏହି ସମୟରେ ତାଙ୍କ ଗ୍ଲୋବ୍ସ ମଧ୍ୟ ପଡିଯାଇଥିଲା । ଯାହାର ଭିଡିଓ ଭାଇରଲ ହେଉଛି । ତେବେ ଅମ୍ପାୟରଙ୍କ ସହିତ ଏଭଳି ହରକତ ପରେ ବିସିସିଆଇ ବିରାଟ କୋହଲିଙ୍କୁ ବିସିସିଆଇ ଜରିମାନା କରିପାରେ ।
ଆରସିବି ଅଧିନାୟକ ଫାଫ୍ ଡୁ ପ୍ଲେସିସି ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ । କୋଲକତା ନାଇଟ ରାଇଡର୍ସ ପ୍ରଥମେ ବ୍ୟାଟିଂ କରି ୨୦ ଓଭରରେ ୬ ଓ୍ଵିକେଟ ହରାଇ ୨୨୨ ରନ କରିଥିଲା । ଆରସିବି ୧୨୩ ରନର ଲକ୍ଷ୍ୟ ନେଇ ବ୍ୟାଟିଂ ଆରମ୍ଭ କରିଥିଲା । ବିରାଟ କୋହଲି ଆସି ୭ଟି ବଲରେ ୧୮ ରନ୍ କରି ଆଉଟ ହେଲେ । ତେବେ ଓପନିଂ ଯୋଡ଼ି ଭାଙ୍ଗିଯିବା ପରେ ଓ୍ଵିଲ ଜ୍ୟାକ୍ସ ୫୫ ରଜତ ପାଟିଦାର ୨୩ ବଲରୁ ୫୨ ରନ୍, ଦୀନେଶ କାର୍ତ୍ତିକ ୨୫ ଏବଂ କର୍ଣ୍ଣ ଶର୍ମା ୨୦ ରନ୍ କରି ଲକ୍ଷ୍ୟର ପାଖାପାଖି ପହଞ୍ଚିଥିଲେ । କିନ୍ତୁ ଶେଷ ବଲରେ ଜିତିବା ପାଇଁ ଆଉ ୩ ରନ୍ ଦରକାର ହେଉଥିବା ବେଳେ ଶେଷ ବ୍ୟାଟର ଲକୀ ଫର୍ଗୁସନଙ୍କୁ ଆଉଟ୍ କରି ଦେଇଥିଲେ ମିଚେଲ ଷ୍ଟାର୍କ ।
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…
ସାଂସଦ ଅମରାରାମ ଦିଲ୍ଲୀ ରାଜସ୍ଥାନ ହାଉସରୁ ସଂସଦ ପାଇଁ ଟ୍ରାକ୍ଟରରେ ଯାତ୍ରା କରିଛନ୍ତି । ନିଜର ଦେଶୀ ରାଜସ୍ଥାନ ଅନ୍ଦାଜରେ…
ସୁବର୍ଣ୍ଣପୁର : ସାପ କାମୁଡାରେ ସାପ ଧରାଳୀର ମୃତ୍ୟୁ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁରରେ ଆଜି ଘଟିଯାଇଛି ଏଭଳି ଏକ…