ଶ୍ରୀଲଙ୍କା ବିପକ୍ଷରେ ଦ୍ୱିତୀୟ ଦିନିକିଆ ହାରିଲା ଭାରତ, ମନ ଜିଣିନେଲା ବିରାଟଙ୍କ ବିହୁ ଡ୍ୟାନ୍ସ
ଭାରତ ଶ୍ରୀଲଙ୍କା ବିପକ୍ଷରେ ଦ୍ୱିତୀୟ ଦିନିକିଆ ଭାରତ ୩୨ ରନରେ ହାରିଛି । କିନ୍ତୁ ଏହି ମ୍ୟାଚରେ ବିରାଟ କୋହଲିଙ୍କ ଡ୍ୟାନ୍ସ ସମସ୍ତଙ୍କ ମନ ଜିଣିନେଇଛି । ସବୁବେଳେ ମଇଦାନରେ ଆକ୍ଟିଭ ରହି ଫ୍ୟାନ୍ସଙ୍କ ମନୋରଂଜନ କରନ୍ତି ବିରାଟ କୋହଲି । ଆଉ ଏଥର ମଧ୍ୟ ସମାନ ଜିନିଷ କରିଛନ୍ତି । ଶ୍ରୀଲଙ୍କା ବ୍ୟାଟିଂ କରୁଥିବା ବେଳେ କୋହଲିଙ୍କ ବିହୁ ଡ୍ୟାନ୍ସ ଭାଇରଲ ହେବାରେ ଲାଗିଛି । କୋହଲିଙ୍କ ସହିତ ରୋହିତ ଶର୍ମାଙ୍କ ଯୁଗଳବନ୍ଦୀ ମଧ୍ୟ ଦେଖିବାକୁ ମିଳିଛି ।
ଶ୍ରୀଲଙ୍କା ବିପକ୍ଷରେ ଦ୍ୱିତୀୟ ଦିନିକିଆରେ ବିରାଟ କୋହଲି ୨୬ ଓଭରରେ ସମରାବିକ୍ରମାଙ୍କ କ୍ୟାଚ୍ ଧରିଥିଲେ । ଅକ୍ଷର ପଟେଲଙ୍କ ୪ର୍ଥ ବଲରେ ସମରବିକ୍ରମା ଆଗକୁ ଆସି ବଡ ସର୍ଟ ଖେଳିବାକୁ ଚାହୁଁଥିଲେ । କିନ୍ତୁ ବଲ୍ ବ୍ୟାଟର ଏଜ୍ରେ ଲାଗିବା ଯୋଗୁଁ ଉପରକୁ ଉଠି ଯାଇଥିଲା । ଆଉ କଭର ପଏଣ୍ଟରେ ଥିବା ବିରାଟ କୋହଲି ବହୁତ ସହଜରେ କ୍ୟାଚକୁ ଧରିଥିଲେ । ଏହି କ୍ୟାଚ୍ ଦରିବା ପରେ ବିରାଟ କୋହଲି ଡ୍ରେସିଂ ରୁମ ଆଡକୁ ଦେଖି ବିହୁ ଡ୍ୟାନ୍ସ କରିବାକୁ ଲାଗିଲେ । କୋହଲି ହୁଏତ ରିୟାନ ପରାଗଙ୍କ ଆଡକୁ ଦେଖି ଡ୍ୟାନ୍ସ କରିଥିଲେ ।
The celebration from Virat Kohli after taking the catch. 😂❤️pic.twitter.com/5rAKm8RKTU
— Mufaddal Vohra (@mufaddal_vohra) August 4, 2024
ଏହାପରେ ଶ୍ରୀଲଙ୍କା ଇନିଂସ ସରିବା ପରେ ବିରାଟ କୋହଲି ଏବଂ ରୋହିତ ଶର୍ମାଙ୍କ ଯୁଗଳବନ୍ଦୀ ଦେଖିବାକୁ ମିଳିଥିଲା । ୫୦ ଓଭରର ଶେଷ ବଲରେ ଜେଫ୍ରି ମିଡ ଅଫ୍ରେ ସର୍ଟ ଖେଳି ଏକ ରନ ନେଇଥିଲେ । ସେଠାରୁ ରୋହିତ ଶର୍ମା ଓ୍ଵିକେଟକୁ ଲକ୍ଷ୍ୟ କରି ଥ୍ରୋ ଲଗାଇଥିଲେ କିନ୍ତୁ ଓ୍ଵିକେଟରେ ବଲ୍ ବାଜିନଥିଲା । କିନ୍ତୁ କୋହଲି ରୋହିତ ଶର୍ମାଙ୍କ ଥ୍ରୋକୁ ଧରି ଓ୍ଵିକେଟ ଆଡକୁ ଦୌଡି ଅକିଲା ଧନଞ୍ଜୟକୁ ରନଆଉଟ୍ କରିଥିଲେ ।
ସୂଚନାଯୋଗ୍ୟ, ଭାରତକୁ ଶ୍ରୀଲଙ୍କା ୨୪୧ ରନର ଟାର୍ଗେଟ ଦେଇଥିଲା । ଭାରତ ଆରମ୍ଭ ଭଲ କରିଥିଲା । ୯୭ ରନରେ କୌଣସି ଓ୍ଵିକେଟ ହରାଇନଥିବା ଭାରତ ୨୦୮ ରନରେ ଅଲଆଉଟ ହୋଇଯାଇଥିଲା । ଭାରତ ୧୧୧ ରନରେ ୧୦ ଓ୍ଵିକେଟ ହରାଇଥିଲା । ଶ୍ରୀଲଙ୍କା ତରଫରୁ ଜେଫ୍ରି ୬ ଓ୍ଵିକେଟ ନେଇଥିବାରୁ ତାଙ୍କୁ ପ୍ଲେୟାର ଅଫ ଦ ମ୍ୟାଚ୍ ଆଓ୍ଵାର୍ଡ ମିଳିଥିଲା ।
