ପତ୍ନୀଙ୍କ ଠାରୁ ଅଲଗା ହୋଇ ପାରନ୍ତି ପୂର୍ବତନ କ୍ରିକେଟର ବିରେନ୍ଦ୍ର ସେହୱାଗ, ଛାଡପତ୍ର ନେଇ ଚର୍ଚ୍ଚା

ଦୋଛକିରେ ଦାମ୍ପତ୍ୟ ।  ଭାଙ୍ଗିବ ସେହୱାଗଙ୍କ ୨୦ ବର୍ଷର ସମ୍ପର୍କ । ପତ୍ନୀଙ୍କ ଠାରୁ ଅଲଗା ହୋଇ ପାରନ୍ତି ପୂର୍ବତନ କ୍ରିକେଟର ବିରେନ୍ଦ୍ର ସେହୱାଗ ।  ଉଭୟ ପରସ୍ପରକୁ ଇନଷ୍ଟାଗ୍ରାମରେ ଅନଫଲୋ କରିଛନ୍ତି ।  ପ୍ରାୟ ୧୯ ମାସ ହେବ ଆରତୀଙ୍କ ସହ କୌଣସି ଫଟୋ ପୋଷ୍ଟ କରିନାହାନ୍ତି ସେହୱାଗ ।  ଗତ କିଛି ମାସ ହେବ ଆରତୀଙ୍କଠାରୁ ଅଲଗା ରହୁଛନ୍ତି ସେହୱାଗ ।  ଉଭୟଙ୍କ ମଧ୍ୟରେ ସମ୍ପର୍କ ମଧ୍ୟ ଭଲ ନଥିବା ସୂଚନା ମିଳିଛି ।  ଯାହା ଫଳରେ ଛାଡପତ୍ର ଚର୍ଚ୍ଚା ଜୋର ଧରିଛି ।  ୨୦୦୪ରେ ଆରତୀ ଅଲାହୱତଙ୍କୁ ବିବାହ କରିଥିଲେ ସେହୱାଗ ।

ଏହି ଦମ୍ପତି ବିବାହର ୨୦ ବର୍ଷ ପରେ ଛାଡପତ୍ର ପାଇବାକୁ ଯାଉଛନ୍ତି, କାରଣ ସେମାନେ ଅନେକ ମାସ ଧରି ଅଲଗା ରହୁଥିଲେ। ବିରେନ୍ଦ୍ର ସେହୱାଗ ଏବଂ ଆରତୀ ଅହଲୱାଟଙ୍କ ମଧ୍ୟରେ ସମ୍ପର୍କକୁ ନେଇ ବିବାଦ ଲାଗି ରହିଛି ।  ଆରତୀ ଅହଲୱାଟ ଏବଂ ବିରେନ୍ଦର ସେହୱାଗ ହେଉଛନ୍ତି ଆର୍ଯ୍ୟଭୀର ଏବଂ ବେଦାନ୍ତ ନାମକ ଦୁଇଟି ସନ୍ତାନର ପିତାମାତା ।

ପତ୍ନୀ ଆରତୀ ଅହଲୱାଟଙ୍କ ସହ ସୋସିଆଲ ମିଡିଆରେ ବିରେନ୍ଦ୍ର ସେହୱାଗଙ୍କର ଶେଷ ପୋଷ୍ଟ ୨୦୨୩ ଏପ୍ରିଲ ୨୮ ରେ ହୋଇଥିଲା। ଏହି ପୋଷ୍ଟ ସେୟାର କରିବାବେଳେ ବିରେନ୍ଦ୍ର ସେହୱାଗ ଲେଖିଥିଲେ, ‘ଜୀବନ ଏବଂ ସ୍ୱପ୍ନ ଦେଖିବା ମଧ୍ୟରେ କିଛି’ ମୁହୂର୍ତ ।  ବିରେନ୍ଦ୍ର ସେହୱାଗ ଏହି ପୋଷ୍ଟରେ ଖୁସି ଥିବା ଦେଖିବାକୁ ମିଳିଛି ଏହାସହ ସେ ଖୁସି ଜୀବନ ହ୍ୟାସଟ୍ୟାଗ ବ୍ୟବହାର କରିଥିବା ଦେଖିବାକୁ ମିଳିଛି । ଏହି ପୋଷ୍ଟରୁ ପ୍ରାୟ ୨୧ ମାସ ବିତିଗଲାଣି, କିନ୍ତୁ ସେ ନିଜ ପତ୍ନୀଙ୍କ ସହିତ ଆଉ କୌଣସି ପୋଷ୍ଟ ସେୟାର କରିନାହାଁନ୍ତି ।  ଗତ ବର୍ଷ ୨୦୨୪ ମସିହାରେ, ତାଙ୍କ ବିବାହ ବାର୍ଷିକୀ (୨୨ଏପ୍ରିଲ) ରେ ସେହୱାଗ ତାଙ୍କ ପତ୍ନୀ ଆରତୀ ଅହଲୱାଟଙ୍କ ବିଷୟରେ ସହ କିଛି  ପୋଷ୍ଟ ସେୟାର କରିନଥିଲେ ।

ସେହୱାଗ କିଛି ମାସ ପୂର୍ବେ ଦିୱାଲୀ ଉତ୍ସବରେ ତାଙ୍କ ପୁଅ ଏବଂ ଅନ୍ୟ ପରିବାର ସଦସ୍ୟଙ୍କ ସହ ଫଟୋ ପୋଷ୍ଟ କରିଥିଲେ, କିନ୍ତୁ ସେ ତାଙ୍କ ପତ୍ନୀ ଆରତୀଙ୍କ ସହ କୌଣସି  ଫୋଟ ସେୟାର କରିନଥିଲେ ।  ଦୁଇ ସପ୍ତାହ ପୂର୍ବେ ବୀରେନ୍ଦ୍ର ସେହୱାଗ କେରଳର ପାଲକ୍କଡରେ ଥିବା ପୁଲିକଲ ବିଶ୍ୱ ନାଗାୟାକ୍ଷୀ ମନ୍ଦିର ପରିଦର୍ଶନ କରି ଏହାର ଚିତ୍ର ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଥିଲେ। ତେବେ, ଏହି ପୋଷ୍ଟରେ ଆରତୀଙ୍କ  ବିଷୟରେ କିଛି ଲେଖା ଯାଇନଥିଲା ।  ଯାହାକୁ ନେଇ ଉଭୟଙ୍କ ମଧ୍ୟ କିଛି ଠିକ ନଥିବା ଚର୍ଚ୍ଚା ହେଉଛି   ।  ଯଦିଓ ବିରେନ୍ଦ୍ର  ସେହୱାଗ ଏବଂ ତାଙ୍କ ପତ୍ନୀ ଆରତୀ ଅହଲୱାଟ ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ଦେଇନାହାଁନ୍ତି, ତଥାପି ଏହି ଦମ୍ପତିଙ୍କ ମଧ୍ୟରେ ଦୂରତା ସୃଷ୍ଟି ହୋଇଛି ।

Also read:ଛାଡପତ୍ର ଚର୍ଚ୍ଚା ମଧ୍ୟରେ ମୁହଁ ଖୋଲିଲେ ଧନଶ୍ରୀ ବର୍ମା, କିଛି ନ ଜାଣି ମୋତେ ବଦନାମ କରାଯାଉଛି

You might also like