କୋହଲିଙ୍କୁ ଟି-ଟେ୍ଵଣ୍ଟି ଅଧିନାୟକ ଦାୟିତ୍ୱ ନଛାଡିବାକୁ କୁହାଯାଇଥିଲା। କିନ୍ତୁ ରାଜି ହୋଇନଥିଲେ କୋହଲି । ଶେଷରେ ସେ ଅବସର ଘୋଷଣା କଲେ । ବିରାଟ କୋହଲିଙ୍କ ଅନିଚ୍ଛା ସତ୍ତ୍ୱେ ଦିନିକିଆ ନେତୃତ୍ୱ ଦାୟିତ୍ୱରୁ ବିରତ କରିଛି ବିସିସିଆଇ। ରୋହିତ ଶର୍ମା ଉଭୟ ଟି-ଟେ୍ଵଣ୍ଟି ଓ ଦିନିକିଆ ଅଧିନାୟକ ନିଯୁକ୍ତ ହୋଇଛନ୍ତି। କୋହଲି ଓ ରୋହିତ ଏ ବିଷୟରେ ସମ୍ପୂର୍ଣ୍ଣ ନିରବ ଅଛନ୍ତି।
ବିରାଟ କୋହଲିଙ୍କୁ ଦିନିକିଆ ଦଳର ଅଧିନାୟକ ପଦରୁ ହଟାଇବା ନେଇ ପ୍ରଶ୍ନ ଉଠିବା ପରେ ମୁହଁ ଖୋଲିଛନ୍ତି ଭାରତୀୟ କ୍ରିକେଟରେ କଣ୍ଟ୍ରୋଲ ବୋର୍ଡ(ବିସିସିଆଇ)ର ଅଧ୍ୟକ୍ଷ ସୌରଭ ଗାଙ୍ଗୁଲି। ଗାଙ୍ଗୁଲି କହିଛନ୍ତି – ”ଧଳା ବଲରେ ଦୁଇ ଜଣ ଅଧିନାୟକ ରହିପାରିବେନି। ବୋର୍ଡ ପକ୍ଷରୁ କୋହଲିଙ୍କୁ ଟି-ଟେ୍ଵଣ୍ଟି ଅଧିନାୟକ ଦାୟିତ୍ୱ ବଜାୟ ରଖିବାକୁ ଅନୁରୋଧ କରାଯାଇଥିଲା। ମାତ୍ର ସେ ରାଜି ହୋଇନଥିଲେ। ଏହା ସହ ଧଳା ବଲର ଦୁଇଟି ଫର୍ମାଟରେ ଦୁଇ ଜଣ ଅଧିନାୟକ ରୁହନ୍ତୁ ବୋଲି ଜାତୀୟ ଚୟନକର୍ତ୍ତା ଚାହିଁ ନଥିଲେ”। ଏଥିପାଇଁ ନିଷ୍ପତ୍ତି ନିଆଗଲା, ବିରାଟ କୋହଲିଙ୍କୁ କେବଳ ଟେଷ୍ଟ ଦଳର ଦାୟିତ୍ଵ ଦିଆଯିବ ଏବଂ ରୋହିତ ଶର୍ମା ସୀମିତ ଓଭର କ୍ରିକେଟ୍ର ଅଧିନାୟକ ଦାୟିତ୍ଵ ସମ୍ଭାଳିବେ। ମୁଁ ଅଧ୍ୟକ୍ଷ ହୋଇଥିବା କାରଣରୁ ବ୍ୟକ୍ତିଗତ ଭାବେ ବିରାଟ କୋହଲିଙ୍କ ସହ ଆଲୋଚନା କରିଥିଲି। ବୋର୍ଡ ମଧ୍ୟ ଏହି ନିଷ୍ପତ୍ତିରେ ଏକମତ ହୋଇଥିଲା। ଦକ୍ଷିଣ ଆଫ୍ରିକା ଗସ୍ତ ପେଇଁ ଭାରତୀୟ ଟେଷ୍ଟ ଦଳ ଚୟନ ବେଳେ ରୋହିତଙ୍କୁ ଦିନିକିଆ ଅଧିନାୟକ ଘୋଷଣା କରାଯାଇଥିଲା।
ଗାଙ୍ଗୁଲି କୋହଲିଙ୍କୁ ଦିନିକିଆ ଏବଂ ଟି-୨୦ ଦଳର ଅଧିନାୟକ ଭାବେ ଯୋଗଦାନ ପାଇଁ ଧନ୍ୟବାଦ ଦେଇଛନ୍ତି। ରୋହିତ ଶର୍ମାଙ୍କୁ ନୂତନ ଅଧିନାୟକ କରାଯିବା ନିଷ୍ପତ୍ତିକୁ ସମର୍ଥନ କରିଛନ୍ତି ଗାଙ୍ଗୁଲି। ସେ କହିଛନ୍ତି, ତାଙ୍କୁ ରୋହିତ ଶର୍ମାଙ୍କ ନେତୃତ୍ଵ ଉପରେ ପୂର୍ଣ୍ଣ ଭରସା ରହିଛି। ବିରାଟ ଟେଷ୍ଟ ଦଳର ଅଧିନାୟକ ପଦ ଜାରି ରଖିବେ। ବିସିସିଆଇକୁ ପୂରା ଭରସା ରହିଛି ଯେ, ଭାରତୀୟ କ୍ରିକେଟ ସଠିକ୍ ଖେଳାଳିଙ୍କ ହାତରେ ରହିଛି।
ସୋରୋ: ବାଲେଶ୍ଵର ଜିଲ୍ଲା ୧୬ ନଂ ଜାତୀୟ ରାଜପଥ ସିମୁଳିଆ ଠାରେ ଅମୃତଭଣ୍ଡାଵୋଝେଇ ଟ୍ରକ ଓଲଟି ଜଣଙ୍କର ମୃତ୍ୟୁ ଘଟିଛି…
ବାଲେଶ୍ବର: ମେଡିକାଲରୁ ଚୋରି ଶିଶୁ ଉଦ୍ଧାର । ବାଲେଶ୍ବର ମେଡିକାଲରୁ ଚୋରି ହୋଇଥିବା ନବଜାତ ଶିଶୁ ଉଦ୍ଧାର ହୋଇଛି ।…
ଝାରସୁଗୁଡ଼ା(କେନ୍ୟୁଜ): ଥମୁନି ଲୁଟେରାଙ୍କ ଆତଙ୍କ । ଦିନ ଦ୍ୱିପ୍ରହରରେ ଲୁଟିବା ପାଇଁ ଆପଣାଉଛନ୍ତି ଭିନ୍ନ ଭିନ୍ନ ଉପାୟ । ଯଦି…
ସୁରେଶ ପୂଜାରୀ ହୋଇ ପାରନ୍ତି ଓଡ଼ିଶାର ନୂଆ ମୁଖ୍ୟମନ୍ତ୍ରୀ । ରେସ୍ ରେ ଆଗରେ ଅଛି ସୁରେଶ ପୂଜାରୀଙ୍କ ନାଁ…
ନ୍ୟୁୟର୍କରେ ଉଡିଲା ତ୍ରିରଙ୍ଗା । ରୋମାଞ୍ଚକ ମୁକାବିଲାରେ ପାକିସ୍ତାନକୁ ହରାଇଲା ଭାରତ । ମାତ୍ର ୬ ରନରେ ପାକିସ୍ତାନକୁ ହରାଇ…
ଭୁବନେଶ୍ୱରରେ ବଢ଼ିଲା ପେଟ୍ରୋଲ ଦାମ । ଭୁବନେଶ୍ୱରରେ ଆଜି ପେଟ୍ରୋଲ ଦର ୧୦୧ ଟଙ୍କା ୫୦ ପଇସା ରହିଛି ।…