ଟେଷ୍ଟ ଚାମ୍ପିୟନସିପ୍ : ଧୋନୀଙ୍କ ବିନା କ’ଣ ୭ ନମ୍ବର ଜର୍ସିକୁ ବ୍ୟବହାର କରିବ ଟିମ୍ ଇଣ୍ଡିଆ?

ନୂଆଦିଲ୍ଲୀ: ଆଗାମୀ ବିଶ୍ବ ଟେଷ୍ଟ ଚାମ୍ପିୟନସିପ୍ ପୂର୍ବରୁ ପ୍ରଥମ ଥର ପାଇଁ ଧଳା ଜର୍ସିରେ ନମ୍ବର ଲେଖାଯିବ। ୨୨ ଅଗଷ୍ଟରୁ ଏଣ୍ଟିଗାରେ ୱେଷ୍ଟଇଣ୍ଡିଜ୍ ବିପକ୍ଷରେ ଟେଷ୍ଟ ସିରିଜରେ ଭାରତୀୟ ଟିମ୍ ସମ୍ଭବତଃ ଦୁଇ ନମ୍ବରର ବ୍ୟବହାର କରିପାରେ। ସଚିନ୍ ତେନ୍ଦୁଲକରଙ୍କ ୧୦ ନମ୍ବର ଜର୍ସିକୁ ବିସିସିଆଇ ଅନାଧିକୃତ ରୂପେ ଅବସର କରିସାରିଛି । କିନ୍ତୁ ଯେତେବେଳେ ସାର୍ଦୁଲ ଠାକୁର ଏହାକୁ ମ୍ୟାଚ୍ ସମୟରେ ପିନ୍ଧିଥିଲେ ସେତେବେଳେ ସୋସିଆଲ ମିଡିଆରେ ସେ ଟ୍ରୋଲର ଶିକାର ହୋଇଥିଲେ ।

କୁହାଯାଏ କି ଅଧିକାଂଶ ଭାରତୀୟ ଖେଳାଳି ନିଜର କିଛି ସୀମିତ ନମ୍ବର ଜର୍ସିରେ ବ୍ୟବହାର କରନ୍ତି। ବିସିସିଆଇର ଜଣେ ଅଧିକାରୀ କହିଛନ୍ତି, ବିରାଟ ୧୮ ଏବଂ ରୋହିତ୍ ୪୫ ନମ୍ବର ପିନ୍ଧିବେ । ଅଧିକାଂଶ ଖେଳାଳି ନିଜର ୱାନ ଡେ ଏବଂ ଟି-୨୦ ଜର୍ସି ନମ୍ବର ପିନ୍ଧିବେ । ଏମଏସ୍ ଧୋନୀ ଯେହେତୁ ଟେଷ୍ଟ କ୍ରିକେଟ ଖେଳିବେ ନାହିଁ ତେଣୁ ଜର୍ସି ନମ୍ବର ୭ ଉପଲବ୍ଧ ରହିପାରେ । କୌଣସି ଖେଳାଳି ଏହି ନମ୍ବର ଜର୍ସିକୁ ପନ୍ଧିବା ନେଇ ବହୁତ କମ୍ ସମ୍ଭାବନା ରହିଛି ।

୭ନମ୍ବର ଜର୍ସିର ସମ୍ପର୍କ ସିଧା ଧୋନୀଙ୍କ ସହିତ ଜଡିତ । ୱାନ ଡେ ସିରିଜ୍ ପରେ ଏବେ ୱେଷ୍ଟ ଇଣ୍ଡିଜରେ ନମ୍ବର ଥିବା ଜର୍ସି ପଠାଯିବ । ଦେଖିବାକୁ ଗଲେ ସାଧାରଣତଃ ଜର୍ସି ଅବସର ନେଇନଥାଏ କିନ୍ତୁ ଏମଏସ୍ ଧୋନୀଙ୍କ ପ୍ରତିଭା ଏବଂ ବ୍ୟକ୍ତିତ୍ବ ଏବେ ଏତେ ମାତ୍ରାରେ ଗୁରୁତ୍ବ ବହନ କରୁଛି ଯେ ବିସିସିଆଇ ତାଙ୍କ ଜର୍ସିକୁ ଅବସର ଘୋଷଣା କରିପାରେ । ଧୋନୀ ୨୦୧୫ରେ ଟେଷ୍ଟ କ୍ରିକେଟକୁ ଅଲବିଦା କରିଥିଲେ । ସେ ନିଜ କ୍ଷେତ୍ରୀୟ ସେନାର ପାରାଚ୍ୟୁଟ୍ ରେଜିମେଣ୍ଟ ସହିତ ଦୁଇ ମାସ ଅତିବାହିତ କରୁଥିବାରୁ ୱେଷ୍ଟ ଇଣ୍ଡିଜ୍ ଗସ୍ତରୁ ବାହାରେ ଅଛନ୍ତି।